1 Tihosi 2:5 - Tshwa Bible

⁵ Ni kambe wena wa zi tiva lezi Joabe nʼwana Zeruia a nzi maheleko, zi nga lezi a zi mahileko ka tinduna timbiri ta yimpi ya ka Israeli, ku nga Abneri wa Neri, na Amasa wa Jetera, lava a nga va daya, a halata a nkhata wa yimpi hi xikhati xa kurula. I totile a nkhata wa yimpi lomu lifungeni lakwe li nga xiwunwini xakwe, ni lomu zilatweni za mikonzo yakwe.

1 Tihosi 2:5 ပူးပေါင်းရင်းမြစ်များ

2 Samueli 17:25

Absalome i wa yimisile Amasa a kuva nduna ya yimpi matshanwini ya Joabe. Amasa i wa hi nʼwana wa wanuna loyi a vito gakwe a nga Itara, a muIsraeli, loyi a nga wa tekile Abigaili wa Nahaxi, a makabye wa Zeruia, a nyine wa Joabe.

2 Samueli 18:12

A munhu loye i te ngalo ka Joabe; Hambu loku nzi wa ta amukela a 1,000 wa maxekeli mandleni ya mina, ngha nzi nga tlakusi a canja ga mina hehla ka nʼwana wa hosi, hakuva hi zi zwile a xikhati lexi a hosi yi nga leletela wena na Abixai na Itai, yiku: Ngha munwe ni munwani a nzi tsetsa hi jaha lego Absalome.

2 Samueli 18:14

Joabe i lo hlamula aku kakwe: Nzi nga ta hungala hi ku wulawula na wena! Zonake i lo teka matlhari manharu a ya gwaza ha wona Absalome hi laha mbilwini, na a ha hanya lomu hehla ka nkuhlu.

2 Samueli 18:5

A hosi yi lo leletela Joabe, na Abixai, na Itai, yiku: Nzi maheni khwatsi hi jaha Absalome; ni vanhu vontlhe va lo zizwa laha a hosi yi nga leletela tontlhe tinduna ha Absalome.

2 Samueli 2:13

Joabe nʼwana Zeruia, ni malanza ya Davida, vonawu va lo huma va va khinga, va ya tlhangana navo le tiveni ga Gibeoni; lava ni lava va ti tshamela tlhelweni gabye ga tiva.

2 Samueli 2:18

Laho ku wa hi ni vana vanharu va Zeruia, Joabe, na Abixai, na Asaheli. Asaheli i wa hi ni mikonzo ya mapenga khwatsi i mhuti.

2 Samueli 20:10

Kanilezi Amasa a nga xiyisisangi a supado leyi yi nga hi lomu canjeni ga Joabe; zonake Joabe i lo tlhava rumbu ha yona, ma su kubuka lahasi marumbu yakwe. A nga ha engetangi a mu tlhava ga wumbiri; zalezo Amasa i lofa. Zonake Joabe ni nakulobye Abixai va lo hlongolisa Xeba nʼwana Bikiri.

2 Samueli 3:27

Laha Abneri a nga wa tlhelele le Hebroni, Joabe i lo mu vitana le tlhelweni a xikari ka nyangwa, a ya wulawula naye khwatsanyana; zalezo i lo mu tlhava rumbu afa, hakuva i khulo ga nkhata wa nakulobye Asaheli.

2 Samueli 3:39

Mina nzi mbhelile ntamu nyamutlha, hambu loku nzi wumbelwe kuva hosi leyi yi nga nhenha ya hombe, yi va Zeruia, va nzi hunza a ntamu. Jehova ngha a chachazela mumahi wa kubiha kukotisa kubiha kakwe.

1 Tihosi 1:7

Yena i lo wulawula na Joabe wa Zeruia, na mupristi Abiatari; na vona va lo lanzela Adonija va mu vunetela.

1 Tihosi 2:32

Jehova i ta tlhelisela hlokweni yakwe a nkhata wakwe yena nwinyi, hakuva i dele a vavanuna vambiri va lulamileko ku hunza yena, a va daya hi tlhari na dadani wa mina Davida a nga zi tivi-—ku nga Abneri wa Neri, a nduna ya yimpi ya ka Israeli, na Amasa wa Jetera, a nduna ya yimpi ya ka Juda.

Jeremia 2:34

Ni lomu minzhungweni ya nguwo ya wena ku kumiwa a nkhata Wa zisiwana lezi zi nga hiko na nanzu, Lava u nga va kumangiko na va bhoxa a yindlu ya wena, Kanilezi u va dele, hakuva u ranza a zakunghahi. Ekso. 22:2

Jeremia 6:15

Xana va zwile tingana loku va mahile manyala ke? Kokwihi, a va zwangi tingana, Ne, a va tivi ku koyama tingana. Hikwalaho va tawa zinwe ni vanwani; Va tawa a xikhati nzi va tsavisako, ku wula Jehova.

Mateu 3:4

Makunu Johani i wa hi ni tinguwo ta woya ga kameli, ni bhandi ga xikhumba xiwunwini xakwe; a kuga kakwe ku wa hi humbi ni wulombe ga khwati. Levi 11:22; Mar. 1:6; 2 Tih. 1:8

Deuteronome 27:24

Khombo a give ka loyi a dayako muakelane wakwe xihundleni! A vanhu vontlhe va ta hlamula, vaku: Amen!