1 Tihosi 2:4 - Tshwa Bible

⁴ kasi Jehova a fela ku tatisa a gezu gakwe legi a gi wulileko ka mina, aku: Loku a vanana va wena va ti hlayisa tindleleni tabye, va famba hi zinene mahlweni ka mina hi timbilu tabye tontlhe, ni mihefemulo yabye yontlhe, cima ku nga ta vumaleka a munhu wa yindlu ya wena lomu xitshanweni xa wukosi xa ka Israeli kala kupinzuka.

1 Tihosi 2:4 ပူးပေါင်းရင်းမြစ်များ

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Genesisi 18:19

Hakuva nzi mu hlawulile lezaku i ta laya a vanana vakwe, ni ngango wakwe a nzhako kakwe, kasi va hlayisa a ndlela ya Jehova, va maha kululama ni zinene; kala Jehova a mu nyika lezi a mu tsumbisileko zona.

2 Samueli 7:25

Makunu Jehova Nungungulu, tatisa kala kupinzuka a gezu legi u gi wulileko hi nanza ga wena ni yindlu yakwe, u maha khwatsi hi lezi u wulileko.

1 Tihosi 1:48

Ni kambe a hosi yi te ngalo: A ku dzunziwe Jehova Nungungulu wa ka Israeli, loyi inyamutlha a nyikileko a munhu loyi ku tshama xitshanweni xa mina xa wuhosi, na nzi mu wona hi mahlo ya mina!

1 Tihosi 11:36

A nʼwana wakwe nzi ta mu nyika a nyangwa yinwe, kasi a nanza ga mina Davida a fela kuva ni kandiya mahlweni ka mina lomu Jerusalema, a muti lowu nzi wu hlawulileko a ku veka a vito ga mina ka wona.

1 Tihosi 3:14

Loku wena u famba hi tindlela ta mina, u hlayisa zileletelo za mina ni milayo ya mina, khwatsi hi raru wa wena Davida, zonake nzi ku lehisela masiku ya wena.

1 Tihosi 3:3

Solomoni i wa ranza Jehova, a famba hi zileletelo za raru wakwe Davida; ntsena lezaku i wa phahlela ni ku hisa libani te zitsungeni.

1 Tihosi 6:12

Xungetano ni yindlu leyi u akako, loku wena u famba hi milayo ya mina, ni loku wena u maha zileletelo za mina, u hlayisa milayo ya mina yontlhe, u famba ha yona, nzi ta tatisa a gezu ga mina legi nzi gi wulileko ka raru wa wena Davida.

1 Tihosi 8:23

Jehova Nungungulu wa ka Israeli! A nga kona munwani Nungungulu a fananako na wena, le hehla tilweni hambu lahasi misaveni; wena u loyi a hlayisako a xivumelwano ni tipswalo ka malanza ya wena lawa ma fambako mahlweni ka wena hi timbilu tontlhe ta wona.

1 Tihosi 8:25

Makunu, Jehova Nungungulu wa ka Israeli, tatisa lezi u zi tsumbisileko ka nanza ga wena, dadani Davida, uku: Cima ku nga ta vumaleka munhu mahlweni ka mina, loyi a ta nga tshama xitshanwini xa va ka Israeli, loku futsi a vanana va wena va ti tsitsirita tindleleni tabye a kuva va famba mahlweni ka mina, khwatsi hi lezi wena u nga wa fambisa zona mahlweni ka mina.

1 Tihosi 9:5

zinghaho nzi ta tiyisa a xitshamu xa wuhosi xa wena hehla ka va ka Israeli kala kupinzuka, khwatsi hi lezi nzi tsumbisileko a raru wa wena Davida, nziku: Cima ku nga ta vumaleka a munhu wa pswalo wa wena laha ka xitshamu xa wuhosi xa ka Israeli.

2 Tihosi 20:3

Jehova, alakanya lezaku mina nzi fambile khwatsi mahlweni ka wena hi kululama, ni mbilu yi longamileko, nzi maha kusasa mahlweni ka wena. Hezekia i lo rila a tsikwila.

2 Tihosi 23:25

Cima ku wa nga hi kona hi mahlweni kakwe a hosi yo kota yena leyi yi nga hunzulukela ka Jehova hi mbilu yakwe yontlhe, ni muhefemulo wakwe wontihe, ni ntamu wakwe wontihe, a lanzela a nayo wa Mosi; ni nzhako kakwe cima a ku humangi munwani wo kota yena.

2 Tihosi 23:3

A hosi yi lo yima hi laha nyangweni yi maha xivumelwano mahlweni ka Jehova lezaku i ta lanzela Jehova, a hlayisa milayo yakwe, ni timhaka takwe, ni zileletelo zakwe hi mbilu yakwe yontlhe, ni muhefemulo wakwe wontihe, ni kutiyisa ka timhaka ta xivumelwano lexi, leti ti tsalilweko lomu bhukwini legi. A vanhu vontlhe va lo ti boha xivumelwaneni lexo. Jox. 24:25

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

2 Kronekele 17:3

Jehova i wa hi zinwe na Jehoxafate, hakuva yena i lo lanzela tindlela to sangula ta raru wakwe Davida; cima a nga hlotangi Baali.

2 Kronekele 6:16

Jehova Nungungulu wa ka Israeli makunu maha ka dadani wa mina, a nanza ga wena Davida, lezi u mu tsumbisileko zona, uku: Cima ku nga ta vumaleka ni siku ginwe mahlweni ka mina a munhu loyi a ta nga tshama xitshanwini xa wuhosi xa ka Israeli, loku a vana va wena hakunene va hlayisa tindlela tabye, va famba hi milayo ya mina khwatsi hi lezi u fambisileko zona wena mahlweni ka mina.

2 Kronekele 7:18

zonake mina nzi ta tiyisa a xitshamu xa wena xa wuhosi, khwatsi hi xivumelwano xa mina ni raru wa wena Davida, xaku: Cima ku nga ta vumaleka a wanuna wa pswalo wa wena wa kuva a fumela va ka Israeli.

Tisimu 119:9

A jaha gi nga basisisa kuyini a ndlela ya gona ke? Hi ku gonga a mhaka ya wena.

Tisimu 37:22

Hakuva lava Jehova a va katekisileko va ta fumela tiko, Kanilezi lava va rukatelweko hi yena va ta hetiswa.

Tisimu 37:9

Hakuva a vamahi va kubiha va ta lobyiswa; Kanilezi lavo va rinzelako ka Jehova va taga tshomba ya tiko.

Tisimu 39:1

Mina nzi te ngalo: Nzi ta chela kota hi mahanyela ya mina, Kasi nzi nga onhi hi lirimi la mina; Nzi ta hlayisa a nomu wa mina hi matomu Loku a wakubiha a hi mahlweni ka mina.

Jeremia 33:17

Hakuva Jehova i ngalo: Davida cima a nga ta vumala munhu a tshamako xitshanwini xa wuhosi xa yindlu ya Israeli; 2 Sam. 7:16; 1 Tih. 2:4; 8:25

Levi 26:3

Loku mu famba hi milayo ya mina, mu hlayisa zileletelo za mina, mu zi maha,

Zakaria 14:2

Hakuva nzi ta tsombanyisa a matiko wontlhe kasi kulwa ni Jerusalema, a muti wu ta tekiwa, a tiyindlu ti phangiwa, ni vavasati va pfinyiwa. A khihlanya ga vanhu va muti gi ta yiswa wukhumbini, kanilezi a misalela ya vanhu yi nga ta humeswa mutini.

Mateu 22:37

I te ngalo kakwe: U ta ranza Hosi Nungungulu wa wena hi mbilu ya wena yontlhe, ni muhefemulo wa wena wontihe, ni kupima ka wena kontlhe. Deut. 6:5; Lu. 10:27

Luka 1:6

Hi wumbiri gabye va wa lulamile mahlweni ka Nungungulu, va gonga yontlhe milayo ni zileletelo za Hosi, va nga hi na nanzu. Gen. 11:1

Deuteronome 10:12

Makunu-ke Israeli, Jehova Nungungulu wa wena i lava yini ka wena ke? A hi lezaku u mu chava Jehova Nungungulu wa wena, u famba hi tontlhe tindlela takwe, u mu ranza, u tirela Jehova Nungungulu wa wena hi mbilu yontlhe ya wena, ni muhefemulo wontihe wa wena;

Deuteronome 11:13

Loku nwina mu ingisa khwatsi a milayo ya mina leyi nzi mu leletelako inyamutlha, mu ranza Jehova Nungungulu wa nwina, mu mu khozela hi timbilu tontlhe ta nwina, ni mihefemulo yontlhe ya nwina,

Deuteronome 6:5

U ta ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, ni ntamu wontihe wa wena. Lu. 10:27

Deuteronome 7:12

Ku taku loku u ingisa zileletelo lezi, ni loku u zi hlayisa ni ku zi maha, Jehova Nungungulu wa wena i ta hlayisa a xivumelwano ni wuxinji, lezi a hlambanyileko ka vararu va wena;

Juda 1:24

Makunu loyi a nga ni ntamu wo mu hlayisa kasi mu nga khunguvanyeki, a mu yimisa na mu nga hi na nanzu mahlweni ka kungangamela kakwe na mu kari mu tsaka, Efe. 3:20; Kol. 1:22