1 Tihosi 2:3 - Tshwa Bible

³ Hlayisa milayo ya Jehova Nungungulu wa wena, u famba hi tindlela takwe, u hlayisa zileletelo zakwe, ni milayo yakwe, ni nongameto wakwe, ni wukustumunyu gakwe khwatsi hi lezi zi tsalilweko nayweni wa Mosi, kasi u fela ku tlhariha zilweni zontlhe lezi u ta nga zi maha ni kwihi laha u yako kona;

1 Tihosi 2:3 ပူးပေါင်းရင်းမြစ်များ

2 Samueli 8:14

Zonake i lo veka mabutho ya tiyimpi ka wontihe matiko ya ka Edomi, ni vontlhe vaEdomi va lo maha malanza ya Davida. Zinghaho Jehova i lo vunetela Davida a ku hlula ni kwihi laha a yako kona. Mitse. 24:18; 2 Tih. 8:20

2 Samueli 8:6

Zonake Davida i lo veka mabutho ya tiyimpi takwe a ku hlayisa le Siria wa le Damasku; zonake a maSiria ma lo maha malanza ya Davida, va luva kakwe. Zinghaho Jehova i lo vunetela Davida ni kwihi laha a yako kona.

1 Tihosi 3:3

Solomoni i wa ranza Jehova, a famba hi zileletelo za raru wakwe Davida; ntsena lezaku i wa phahlela ni ku hisa libani te zitsungeni.

2 Tihosi 18:7

Jehova i wa hi zinwe naye. I lo humelela mitirweni yakwe yontlhe. I lo hluwuka a hosi ya Asiria, a nga ha yi tireli. Jox. 1:7; 1 Sam. 18:14

1 Kronekele 29:19

U nyika ka nʼwana wa mina Solomoni a mbilu yi mbheleleko a ku hlayisa milayo ya wena, ni timhaka ta wena, ni zileletelo za wena, ni ku maha a zilo lezi zontlhe, ni ku aka a yindlu leyi nzi yi longiseleko!

Tisimu 119:111

A zikhumbuxeto za wena zi mahile tshomba ya mina kala kupinzuka, Hakuva zi tsakisa a mbilu ya mina.

Tisimu 119:138

U vekile zikhumbuxeto za wena hi nongameto, Ni kutsumbeka ka hombe.

Tisimu 119:2

Va katekile lava va hlayisako wumboni gakwe, Lava va mu lavako hi mbilu yabye yontlhe. Joh. 14:21, 23; 1 Joh. 3:23

Tisimu 19:7

A nayo wa Jehova wu mbhelele, wu humuta muhefemulo; A wukustumunyu ga Jehova gi nene, gi tlharihisa xipumbu. Rom. 15:4; 2 Tim. 3:15; 2 Ped. 1:19

Mutshawuteli 12:13

A hi nga zwani a magumo ya mhaka yontlhe: Chava Nungungulu, u hlayisa zileletelo zakwe; hakuva leyo hi yona fanelo yontlhe ya munhu.

Levi 8:35

Mu ta tshama ntlhanu wa masiku ni mambiri laha nyangweni ya tabemakeli ga mutlhangano, mumu ni wusiku, mu hlayisa lezi Jehova a leleteleko zona, kasi mu ngafi; hakuva nzi byelisilwe lezo.

Malaki 4:4

Alakanya a nayo wa Mosi a nanza ga mina, lowu nzi wu leleteleko ka vontlhe va ka Israeli ha yena le Horebe, zi nga zilayelo ni zileletelo. Ekso. 20:1; Deut. 6:1; Maheb. 3:5

Deuteronome 29:8

Hina hi lo wutla a tiko gabye, hi gi nyikela ka va ka Rubeni ni va ka Gadi, ni khihlanya ga nyangwa ya Manasa.

Deuteronome 29:9

Hikwalaho hlayisa a timhaka ta lexi xivumelwano, mu ti maha kasi ma fela ku vuvuma ka zontlhe lezi mu zi mahako. Jox. 1:7; 1 Tih. 2:3

Deuteronome 4:1

Makunu, Israeli, ingisa milayo ni zileletelo lezi nzi mu gonzisako, lezaku mu zi maha, kasi mu fela ku hanya, mu ya enghena mu fumela a tiko legi Jehova Nungungulu wa vararu va nwina a mu nyikako gona.

Deuteronome 4:45

legi hi wumboni ni milayo ni zileletelo, lezi Mosi a nga nyika ka vanana va ka Israeli na va humile le Gipite,

Deuteronome 4:5

Langutani, nzi mu gonzisile milayo ni zileletelo, kota lezi Jehova Nungungulu wa mina a nzi leleteleko, kasi nwina ma fela ku lanzela yona ka tiko legi mu yako mu ya fumela gona.

Deuteronome 4:8

Ni lezaku gi kwihi kambe a tiko ga hombe legi gi nga ni milayo ni zileletelo zi lulamileko khwatsi hi yontlhe milayo leyi nzi yi vekako nyamutlha mahlweni ka nwina?

Deuteronome 5:1

Na Mosi i lo vitana vontlhe a vanana va ka Israeli, aku kabye: Ingisani, va ka Israeli, a milayo ni zileletelo lezi nzi wulako nyamutlha lomu tindleveni ta nwina; mu zi gonza ni ku chela kota hi ku zi hlayisa.

Joxua 22:5

Ntsena lezaku ti woneleni khwatsi, mu maha zileletelo ni nayo lowu Mosi a nanza ga Jehova a mu leleteleko wona, ni ku ranza Jehova Nungungulu wa nwina, ni ku namarela ka yena, ni ku mu khozela hi timbilu ta nwina tontlhe ni mihefemulo ya nwina yontlhe.

Joxua 23:6

Hikwalaho tiyani nguvu, mu hlayisa ni ku maha zontlhe lezi zi tsalilweko lomu bhukwini ga nayo wa Mosi, mu nga hambuki xineneni hambu xibhabheni.

1 Samueli 18:14

Davida i lo vuvuma mitirweni yakwe yontlhe, na Jehova i wa hi zinwe naye.

1 Samueli 18:30

Laha tihosi ta vaFilistia ti nga wa huma ku ya hlasela, Davida xontlhe xikhati i wa humelela ku hunza wontihe malanza ya Saule; hikwalaho a vito gakwe gi wa ranzeka nguvu.

1 Samueli 18:5

Davida i wa humahuma aya kontlhe lomu a nga wa rumiwa hi Saule, na a hi munhu wo ti lonzowota. Saule i lo mu yimisa a kuva nduna ya vanhu va yimpi. I lo xalalisa vontlhe vanhu, hambu ni malanza ya Saule.