1 Tihosi 2:2 - Tshwa Bible

² Mina nza famba ndleleni ya yontlhe misava. Hikwalaho tiyisa a mbilu ya wena, uva ni ntamu, u kombisa lezaku u wanuna. Jox. 23:14

1 Tihosi 2:2 ပူးပေါင်းရင်းမြစ်များ

2 Samueli 10:12

Tiya, hi maha vavanuna va tinhenha, hi lwela a vanhu va hina ni miti ya Nungungulu wa hina; na Jehova a mahe lezo zi wonekako na zi sasekile mahlweni ka yena!

2 Samueli 12:23

Kanilezi makunu yena i file; nzi ta yilela yini nzi tsika kuga? Nzi ta zi kota ku mu wuyisa ke? Hi mina nzi ta nga mu lanzela; yena a nga ta ha wuya kambe ka mina.

1 Tihosi 3:7

Makunu Jehova Nungungulu wa mina, Wena u fumisile a nanza ga wena xikhundleni xa dadani wa mina Davida; na nzi hi nwanana tsongwani, a nzi zi tivi ku rangela vanhu.

1 Kronekele 22:13

Zonake wena u ta vuvuma, loku u lonzowota ni ku hlayisa a milayo ni zileletelo za Jehova lezi a nga leletela va ka Israeli hi nomu wa Mosi. Tiya hlana, u ngave na hlenekera! U nga chavi, u mbhela ntamu! Deut. 31:7; Jox. 1:7

1 Kronekele 22:16

Kasike a nzalama ni siliva, ni suku ni ziketse, zona a zi hlayiwi. Suka u tira! Jehova ave zinwe na wena!

1 Kronekele 28:10

Cuwuka makunu lezaku Jehova i ku hlawule a ku aka a yindlu ya ku basa. Tiya-ke, u tira!

1 Kronekele 28:20

Davida i lo engeta kambe aku ka nʼwana wakwe Solomoni: Tiya hlana, u ngavi na hlenekera; maha zalezo! U nga chavi, u nga mbheli ntamu, hakuva Jehova Nungungulu, yena Nungungulu wa mina, i tava zinwe na wena; cima a nga ta ku tsika hambu ni ku ku rivala ka yontlhe mitiro ya yindlu ya Jehova kala yi mbhela.

Joba 16:22

Hakuva loku ku hunzile malembe matsongwani, Nzi ta famba hi ndlela leyi nzi to kala nzi nga ha wuyi ha yona.

Joba 30:23

Hakuva mina nza zi tiva lezaku u nzi yisa kufeni: Ndlwini leyi u yi longiseleko vo ntlhe vahanyako.

Tisimu 89:48

Himani loyi a hanyako, loyi a to kala a nga woni kufa ke? Himani a nga tlhatlhisako muhefemulo wakwe hi le Xeole ke? (Sela.)

Mutshawuteli 12:13

A hi nga zwani a magumo ya mhaka yontlhe: Chava Nungungulu, u hlayisa zileletelo zakwe; hakuva leyo hi yona fanelo yontlhe ya munhu.

1 Va le Korinte 16:13

Rinzelani, muku nde kukholweni, mu maha xinuna, muva ni ntamu.

Va le Efesusi 6:10

Hi kugumesa, tiyani Hosini, ni ntanwini wakwe wa hombe.

Deuteronome 31:23

Jehova i lo wumbela Joxua nʼwana Nuni, aku: Tiya hlana, u nga mbheli ntamu, hakuva hi wena u ta nga chiketa a vanana va ka Israeli ka tiko legi nzi hlambanyileko ku va nyika gona; na mina nzi tava zinwe na wena.

1 Timote 4:12

Ngha a nga hi kona loyi a ku kanyisako hilezi u nga jaha, kanilezi ngha u hi xiwonelo ka makholwa hi kuwulawula, ni mahanyela, ni liranzo, ni kukholwa ni kuhlazeka. Tit. 2:15

2 Timote 2:1

Wena-ke, nwananga, ngha uva ni ntamu tipswalweni leti ti nga ka Kristu Jesu. Efe. 1:19; 3:16; 6:10; Kol. 1:11; 1 Tim. 1:2

Maheberu 9:27

Kambe kota lezi ku yimiselweko vanhu a kuva vafa kanwe, va lamulwa; Gen. 3:19; 2 Kor. 5:10; Kuv. 20:12

Joxua 23:14

Langutani, inyamutlha mina nza famba hi ndlela ya yontlhe misava. Nwina ma zi tiva khwatsi hi timbilu tontlhe ta nwina ni mihefemulo yontlhe ya nwina, lezaku ku hava ni ginwe gezu ka wontihe magezu yo saseka lawa Jehova Nungungulu wa nwina a ma wulileko hehla ka nwina, ma nga kala ku maheka; kanilezi ma mahekile wontihe, ku hava ni gezu ginwe gi wileko hasi.