1 Tihosi 17:6 - Tshwa Bible

⁶ Zonake a zikunguwa zi lo mu nehela a zibaba ni nyama mixo ni gambo, anwa a mati ya xicongwana.

1 Tihosi 17:6 ပူးပေါင်းရင်းမြစ်များ

Luka 22:35

A engeta aku kabye: Laha nzi nga wa mu rumile na mu hi hava xikhwama xa mali, ni nkwama, ni zilato, mu lo vumala nchumu ke? Vaku ngalo: A hi vumalangi nchumu. Mat. 10:9; Xip. 9:3

Mateu 19:26

Jesu i lo va cuwuka, aku: Ka vanhu a zi koteki, kanilezi zilo zontlhe za koteka ka Nungungulu. Gen. 18:14; Lu. 1:37

Jeremia 37:21

Zonake hosi Zedekia a va laya lezaku Jeremia a vekiwa hubyeni ya vanyakasani; a nyikiwa a xibaba xinwe siku ni siku hi le ruweni ga vabhiki, kala a zibaba zontlhe zi mbhela mutini. Lezo Jeremia i lo tshama hubyeni ya vanyakasani.

Isaya 33:16

Hi yena a ta nga aka wutshanwini gi tlakukileko, A wuchavelo gakwe gi tava khokhola ga maribye, I ta nyikwa zakuga zakwe, ni mati yakwe ma nga tapswha.

Tisimu 37:19

Va nga tava ni tingana xikhatini xa khombo, A masikwini ya ndlala va ta xura.

Maheberu 6:18

lezaku kasi hi zilo lezi zimbiri zi nga hiko na kuhunzuluka, lezi Nungungulu a nga zi kotiko ku hemba ha zona, hina hi fela kuva ni kutiyiswa ka ntamu, hina lava hi tsutsumeleko wuponelweni ku ta khoma a kutsumba loku ku vekilweko mahlweni ka hina.

Tisimu 37:3

Tsumba Jehova, u maha kusaseka; Lezo u ta aka tikweni, u tsumbeka.

Valamuli 14:14

Yena i te ngalo kabye: Hi ka mugi ku lo huma zakuga. Hi ka wa ntamu ku lo huma kutsombela. Va lo tsanzeka ku lanzula liteketelo lomu ka masiku manharu.

Mitsengo 11:23

Jehova i te ngalo ka Mosi: Xana a canja ga Jehova gi komile ke? Makunu wena u ta wona zalezi kutani timhaka ta mina ti ta maheka kutani ti nga ta maheka. Isa. 50:2; 59:1

Jeremia 40:4

Languta, nzi ku tlharihile a mangenje lawa ma nga hi mawokweni ya wena. Loku u ranza a ku famba na mina le Babuloni, ngone, nzi ta ku lonzowota. Kanilezi loku u nga zi ranzi a ku famba na mina le Babuloni, u nga sala. Hi nga wona, gontlhe tiko gi le mahlweni ka wena; ni kwihi ku ku xalalisako, laha u ranzako kuya kona, famba seyo.

Eksodusi 16:35

A vanana va ka Israeli va loga manna 40 wa malembe, va kala va chikela tikweni legi gi akilweko: va loga manna va kala va chikela mimbhinganweni ya tiko ga Kanani.

1 Tihosi 17:5

Yena i lo famba, a maha kota kuwula ka Jehova. I lo ya tshama le xicongwaneni xa Kerite xi nga tlhatukweni wa Jordani.

1 Tihosi 17:7

Anzhako ka xikhati a xicongwana xi lopswha, hakuva ku wa nga hani vula laha misaveni.

1 Tihosi 13:28

Zonake i lo suka a famba, a ya kuma a xirumbi na xi te chanjala laha ndleleni, a mbongola ni nghala na zi yimile kusuhani ka xona. A nghala yi wa ngagi xirumbi hambu ku pfhemula a mbongola.

1 Tihosi 19:6

I lo cuwuka, a wona le tihlokweni takwe a xikhekhetselo xo katingwa hehla ka maribye yo hisa, ni nghotso ya mati; i loga anwa, a tlhela a etlela.

1 Tihosi 19:8

Yena i lo vuka aga, anwa; zonake hi ntamu lowu a wu kumileko hi kuga loko, i lo famba 40 wa masiku, wusiku ni hlikanhi, aya le Horebi xitsungeni xa Nungungulu. Ekso. 3:1; Deut. 9:9, 18; Mat. 4:2

Tisimu 33:18

A mahlo ya Jehova ma tsonometa lava va mu chavako, Ni lava va tsumbako a wuxinji gakwe,