1 Tihosi 11:9 - Tshwa Bible

⁹ Zonake Jehova i lo zangarela Solomoni, hakuva a mbilu yakwe yi wa fularele Jehova Nungungulu Wa ka Israeli, loyi a nga wa wonekile ka yena zikhati zimbiri,

1 Tihosi 11:9 ပူးပေါင်းရင်းမြစ်များ

2 Samueli 11:27

Laha a nga gumesile a xirilo, Davida i lo mu vitanisa, a ta mu amukela lomu ndlwini yakwe a maha sati wakwe, a beleka naye a nisanyana. Kanilezi a mhaka leyi Davida a yi mahileko yi wa bihile mahlweni ka Jehova.

2 Samueli 6:7

Zonake a zanga ya Jehova yi lo vindlukela Uza, Nungungulu a muba kwalaho, hi kota ya matloti yakwe; hikwalaho i lofa laha kusuhani ni arke ga Nungungulu. Mitse. 4:15, 20

1 Tihosi 11:8

Zinghaho i lo maha zalezo ka vontlhe vasati vakwe va matiko, lava va hisako tibani ni ku phahlela ka vanungungulu vabye.

1 Tihosi 3:5

Jehova i lo woneka ka Solomoni le Gibeoni ni wusiku hi ku lora; Nungungulu i te ngalo kakwe: Kombela lexi u xi lavako a kuva nzi ku nyika xona.

1 Tihosi 9:2

Jehova i lo woneka ka Solomoni hi xikati xa wumbiri, khwatsi hi lezi a nga woneka ka yena le Gibeoni.

1 Kronekele 21:7

Nungungulu i lo tsanwiswa hi mhaka leyo, a hlasela va ka Israeli.

Eksodusi 4:14

Zonake Jehova i lo zangarela Mosi, aku: A nga kona a nakuloni Aroni a muLevi ke? Nza zi tiva lezaku yena wa wulawula khwatsi; kambe yena wata ku ku khinga, laha a ta nga ku wona i ta tsaka mbilwini yakwe.

Mavingu 4:23

Hlayisa mbilu ya wena ku hunza zontlhe, akuva yona i hlowo ya wutomi.

Hosea 4:11

A wubhayi, ni vinya, ni byala zi daya a kupima.

Mitsengo 12:9

A zanga ya Jehova yi lo va vindlukela; zonake i lo suka.

Deuteronome 3:26

Kanilezi Jehova i lo nzi holovela hi kota ya nwina, a nga nzi ingisangi, aku ngalo ka mina: Zi ku enele, u nga engeti u wulawula na mina mhakeni leyo. Mitse. 20:12

Deuteronome 7:4

Hakuva va ta hambukisa a vana va wena va nzi fularela, zonake va ya khozela vanwani vanungungulu, kwalahoke a zanga ya Jehova yi ta vura hehla ka nwina yi mu lovisa hi kuhatlisa.

Deuteronome 9:20

Yenawu Aroni, Jehova i wa zangarile ha yena, a lava ku mu daya, ka xwalexo xikhati nzi lo kombelela na Aroni.

Deuteronome 9:8

hambu le Horebe nwina mu lo zangarisa Jehova, lezaku Jehova a zangara a lava ku mu lovisa.

2 Timote 4:10

hakuva Demasi i nzi tsikile, kota lezi a ranzako za nguva leyi, i yile Tesalonika; Kreseke i yile Galatia, na Titusi i yile Dalmatia. 1 Joh. 2:15; Kol. 4:14; File. 24

1 Samueli 15:11

Nza ti laya hi lezi nzi nga yimisa Saule a kuva hosi, hakuva i hluwukile, a nga hlayisangi timhaka ta mina. Zonake Samueli i lo zangara, a rila ka Jehova gontlhe wusiku. Gen. 6:6