1 Tihosi 11:12 - Tshwa Bible

¹² Ntsena lezaku nzi nga ta zi maha kuhanyeni ka wena hi kota ya Davida a raru wa wena; kanilezi nzi ta wu wutla mandleni ya nʼwana wa wena.

1 Tihosi 11:12 ပူးပေါင်းရင်းမြစ်များ

Genesisi 12:2

Nzi ta ku maha lixaka la hombe, nzi ta ku katekisa, nzi kulisa a vito ga wena; u ta kuva xikatekiso.

Genesisi 19:29

Lezo laha Nungungulu a nga lovisa a miti ya lomu mikoveni, i lo alakanya Abrahama, a vumela Loti ku pona kuhahlulweni loko, laha a nga lovisa a miti leyi Loti a nga wa akile ka yona.

1 Tihosi 11:11

Zonake Jehova i te ngalo ka Solomoni: Kota lezi u mahileko lezo, u nga hlayisangiko a xivumelwano xa mina, ni milayo ya mina leyi nzi ku leleteleko yona, nzi ta ku wutlela mufumo nzi wu nyikela ka nanza ga wena. 1 Sam. 15:28

1 Tihosi 11:13

Hambu lezo, cima nzi nga ta wutla wontihe mufumo; nzi ta siyela a nʼwana wa wena a nyangwa yinwe, hi kota ya nanza ga mina Davida ni Jerusalema legi nzi gi hlawulileko.

1 Tihosi 11:31

aku ka Jeroboamu: Teka khume legi ga mavemba, hakuva hi lezo a wulako Jehova Nungungulu wa ka Israeli, aku: Nzi ta wutla a mufumo wa va ka Israeli mandleni ya Solomoni, nzi ku nyika a khume ga tixaka.

1 Tihosi 11:32

Kanilezi yena i ta sala ni lixaka linwe hi kota ya nanza ga wena Davida ni Jerusalema, a muti nzi wu hlawuleko xikari ka tontlhe tixaka ta ka Israeli,

1 Tihosi 11:34

Nzi nga ta teka wontihe mufumo mandleni yakwe, hakuva nzi ta yimisa a mufumo wakwe wontihe masiku ya kuhanya kakwe, hi kota ya nanza ga mina Davida loyi nzi mu hlawulileko, loyi a nga hlayisa a milayo ya mina ni zileletelo za mina.

1 Tihosi 11:35

Kanilezi nzi ta susa a mufumo lomu mandleni ya nʼwana wakwe nzi ku nyika a khume ga tinyangwa.

1 Tihosi 21:29

Xana u zi wonile lezi Ahabi a ti koramisisako zona mahlweni ka mina ke? Kota lezi a ti koramisileko mahlweni ka mina, nzi nga ta neha khombo masikwini yakwe; nzi ta neha khombo ka yindlu yakwe masikwini ya nʼwana wakwe.

2 Tihosi 19:34

Nzi ta wu vikela, nzi wu hlayisela vito ga mina, hi kota ya nanza ga mina Davida.

2 Tihosi 20:17

Languta a masiku mata lawa zontlhe lezi zi nga lomu ndlwini ya wena ni zontlhe lezi a vararu va wena va hlengeleteleko kala nyamutlha zi ta nga yisiwa Babuloni, ku nga sali ni nchumu, ku wula Jehova.

2 Tihosi 20:19

Zonake Hezekia i te ngalo ka Isaya: A gezu lego Jehova a gi wulileko gi nene! A engeta aku: Xana ku nga tava kona kurula ni kutshameka xikari ka vanhu masikwini ya kuhanya ka mina ke?

2 Tihosi 8:19

Hambu lezo, Jehova a nga lavangi ku lovisa Juda, hi kota ya nanza gakwe Davida, khwatsi hi lezi a nga wa mu tsumbisile lezaku i ta mu nyika a kandiya xikari ka vanana vakwe kala kupinzuka. 2 Sam. 7:13, 16; Mav. 13:9

Eksodusi 20:5

U nga zi khizameli, hambu ni ku zi tirela; hakuva mina Jehova, Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako; Deut. 24:16; Jer. 31:29; Ezek. 18:19