1 Tihosi 10:9 - Tshwa Bible

⁹ A ku khesiwe Jehova Nungungulu wa wena, loyi a xaleleko ha wena, a ku ku yimisa xitshanwini xa wuhosi xa ka Israeli! Jehova i ku yimisile a kuva hosi, u lamula ni ku tsema timhaka, hakuva wa ranza va ka Israeli kala kupinzuka.

1 Tihosi 10:9 ပူးပေါင်းရင်းမြစ်များ

2 Samueli 23:3

Nungungulu wa ka Israeli i wulile, A Ribye ga ka Israeli gi te ngalo ka mina: Loyi a fumelako vanhu hi kululama, A mufumeli loyi a chavako Nungungulu,

2 Samueli 5:12

Davida i lo zi pima lezaku Jehova i mu yimisile a kuva hosi ya ka Israeli, i tlakusile mufumo wakwe hi kota ya vanhu vakwe va ka Israeli.

2 Samueli 8:15

Davida i lo fumela vontlhe va ka Israeli, a lamula ni ku lulamisa timhaka ta vanhu vakwe vontlhe.

1 Tihosi 3:28

Zonake vontlhe va ka Israeli va lozwa hi malamulela ya hosi, va hlamala, hakuva va lo wona lezaku a wutlhari ga Nungungulu gi na yena kuxuxeni ka timhaka.

1 Tihosi 5:7

Laha Hiramu a nga zwile timhaka ta Solomoni, i lo tsaka nguvu, aku: Inyamutlha a ku bongiwe Jehova, loyi a nyikileko Davida a mufana wo tlhariha a kuva a fumela vanhu va ku talisa lezi.

1 Kronekele 17:22

Wena u yimisile a vanhu va ka Israeli a kuva va wena kala kupinzuka; wena Jehova u Nungungulu wabye.

2 Kronekele 2:11

Huramu a hosi ya le Tire i lo hlamula hi papilo, a gi rumela ka Solomoni, aku: Kota lezi Jehova a ranzileko a vanhu vakwe, i ku yimisile wena a kuva hosi hehla ka vanhu vakwe.

Tisimu 18:19

I lo nzi yisa wutshanwini gi anamileko, I lo nzi hlanguta, hakuva i wa xalala ha mina.

Tisimu 22:8

I tsumbile Jehova, a mu tlhatlhise! A mu hanyise, lezi a tsakako ha yena. Mat. 27:43

Tisimu 72:2

I ta lamula a vanhu va wena hi nongameto, Ni vaxanisekako va wena hi kupimisisa.

Isaya 42:1

Languta a nanza ga mina, legi nzi gi yimelako, A hlawulilweko wa mina loyi muhefemulo wa mina wu xalalako ha yena; Nzi vekile moya wa mina hehla kakwe, I ta humesela kululama ka vamatiko. Mat. 3:17; 17:5

Isaya 62:4

U nga ta ha wuliwa lezaku u Loyi a tsikilweko, Ge hambu tiko ga wena ku vitanwa lezaku Wa xiwunza; Kanilezi u ta vitanwa aku Xiranzwa, Ni tiko ga wena gi ta vitanwa aku Khosikazi; Hakuva Jehova wa xalaliswa ha wena, Ni tiko ga wena gi tava ni nuna.

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Jeremia 31:3

Jehova i wonekile ka mina hi le kule, aku: Nzi ku ranzile hi liranzo li nga gumelwiko; Nza ku hlayisela a tipswalo ta mina.

Malaki 1:2

Nzi mu ranzile, ku wula Jehova. Kanilezi mu ngalo: U hi ranzile hi yini? Esau i wa hi nakulobye wa Jakobe ku wula Jehova: hambu zi hi tano, nzi lo ranza Jakobe,

Deuteronome 7:8

kanilezi hi lezi Jehova a mu ranzako, ni lezaku a hlayisa xifungo xakwe lexi a hlambanyileko ka vararu va nwina; hi kota ya lezo Jehova i mu humesile hi canja ga ntamu, ni ku mu tlhatlhisa lomu ndlwini ya wukhumbi, lomu mandleni ya Faro a hosi ya le Gipite.