1 Tihosi 10:3 - Tshwa Bible

³ Solomoni i lo hlamula zontlhe ziwutiso zakwe; cima ku wa nga hi na nchumu xi nga fihlele ka hosi, lexi a nga tsanzeka ku xi tlhamusela ka yena.

1 Tihosi 10:3 ပူးပေါင်းရင်းမြစ်များ

2 Samueli 14:17

A nanza ga wena gi waku: A gezu ga hosi yanga gi ta nzi nyika kurula, hakuva a hosi ya mina yi fanana ni ngelosi ya Nungungulu a ku tiva kusasa ni kubiha; hikwalaho Jehova Nungungulu wa wena ave zinwe na wena!

2 Samueli 14:20

A nanza ga wena Joabe hi yena a nga hunzulusa mawulela ya mhaka, kanilezi a hosi yi na ni wutlhari go fanana ni ga ngelosi ya Nungungulu, a ku tiva zontlhe za laha misaveni.

1 Tihosi 10:1

Laha a muzinza wa le Xeba a nga wa zwile a wudumo ga Solomoni xungetano ni vito ga Jehova, i lo ta mu ringa hi ziwutiso zo binza. Mat. 12:42; Lu. 11:31

1 Tihosi 10:2

I lota le Jerusalema na hi ni vanhu vo tala nguvu, na va hi ni makameli ma rweleko mipepo yo nuhela, ni nzalama yo tala nguvu, ni maribye ya tsengo. I lota ka Solomoni a ta mu hlawutela zontlhe zi nga hi mbilwini yakwe.

1 Tihosi 10:4

Laha a muzinza wa le Xeba a nga wona wutlhari gontlhe ga Solomoni, ni yindlu leyi a yi akileko,

1 Tihosi 3:12

languta, nzi ta maha khwatsi hi lezi u wulileko; nzi ta ku nyika a mbilu ya kutlhariha yi nga ni kupima, laha ka kuva cima ku wa nga seva kona a munhu wo kota wena, hambu ni lenzhako ka wena ku nga tava kona a munhu wo kota wena.

2 Kronekele 9:2

Solomoni i lo mu hlamula zontlhe ziwutiso zakwe; a xi kona a nga tsanzeka Solomoni, i lo hlamula zontlhe.

Mavingu 13:20

Hlengela ni tlhari, u tava tlhariwo; anilezi loyi a mahako wunghana ni zipumbu i ta lobyiswa.

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Mateu 13:11

I lo hlamula aku ngalo kabye: Hakuva nwina mu nyikilwe ku tiva mifihlakalo ya mufumo wa tilo, kanilezi vena a va nyikiwangi. Xip. 11:25; Mar. 4:11; 1 Kor. 2:10

Johani 7:17

Loku munhu a xuva ku maha kuranza ka Nungungulu, i ta yi tiva a gonzo leyi, loku yita hi ka Nungungulu, kutani nzo ti wulawulela mina wutsumbu. Xip. 8:43

1 Va le Korinte 1:30

Kanilezi i ntiro wakwe lezi nwina mu nga ka Kristu Jesu, loyi Nungungulu a nga mu yimisa a kuva wutlhari ga hina, ni kululama ka hina, ni kubasiswa ni kutirulwa.

Va le Kolosi 2:3

loyi ku fihlilweko ka yena a titshomba tontlhe ta wutlhari ni kutiva.