1 Tihosi 1:2 - Tshwa Bible

² A malanza yakwe ma te ngalo ka yena: Ngha hosi ya hina yi labyelwa a nhwana muswa, a ta yima mahlweni ka hosi a yi hlayisa, ni ku etlela xifuveni xa yona, kasi a hosi ya hina yi fela kuzwa kukufumela.

1 Tihosi 1:2 ပူးပေါင်းရင်းမြစ်များ

Genesisi 16:5

Sarai aku ngalo ka Abrama: A kuxaniseka ka mina a kuve ka wena; nzi ku nyikile a nanza ga mina ga xisati xifuveni xa wena; lezi a wonako ku ngalo i xure nyimba nzo soleka mina mahlweni kakwe; ngha Jehova a lamula xikari ka mina na wena.

2 Samueli 12:3

kanilezi loyi wa xisiwana i wa fuyile xiyivana xinwe basi, xa kuva a nga no xi xava a xi wundla, xi kula lomu ndlwini yakwe ni vana vakwe; xi waga kuga kakwe, xi nwela lomu gombeni ga nwinyi wa xona, xi etlela xifuveni xakwe, xi ku khwatsi xinhanya-tana xakwe.

1 Tihosi 1:1

Makunu Hosi Davida i wa khosahele, a hi ni masiku yo tala; va wa mu fenengeta hi mikumba, kanilezi a ngazwi kukufumela.

1 Tihosi 1:3

Va lo lava a nhwana wo saseka lomu tikweni gontlhe ga ka Israeli, va si kuma Abixaga, a muXuname, va mu neha ka hosi.

2 Kronekele 29:11

Makunu vana vanga, mu nga mahi mihoni, hakuva Jehova i mu hlawule a ku yima mahlweni kakwe mu mu khozela, ni kuva malanza yakwe mu mu hisela tibani.

Estere 2:2

Zonake a malanza ya hosi, lawa ma nga wa mu yimeletela, ma te ngalo: Ngha hosi yi labyelwa vanhwana vo saseka.

Mutshawuteli 4:11

Ni kambe, loku vambiri va etlela zinwe va kufumetana; kanilezi a munwe a nga kufumelisa kuyini ke?

Mika 7:5

Mu nga tsumbeni vanghana, mu nga veki kutsumba ka nwina ka maxaka. Valele loyi a etleleko xifuveni xa wena a tinyangwa ta nomu wa wena.

Deuteronome 10:8

Ka lexo xikhati Jehova i lo hlawula a nyangwa ya vaLevi kasi va fela ku rwala a nghaxa ya xivumelwano xa Jehova, ni ku yima mahlweni ka Jehova, ni ku mu khozela, ni ku katekisa vanhu hi vito gakwe, kala ka siku ga nyamutlha.

Deuteronome 13:6

Loku makabye wa wena, loyi a nga nʼwana wa mamani wa wena, kutani i nʼwana wa wena wa mufana, kutani i nhanyana wa wena, kutani i sati wa mbilu ya wena, kutani i nakuloni loyi u mu ranzako hi mbilu yontlhe ya wena, a ku kucetela hi le xihundleni, aku: A hi fambe hi ya khozela vanwani vanungungulu lava wena ni vararu va wena mu nga va tivangiko,