1 Samueli 8:7 - Tshwa Bible

⁷ Jehova i te ngalo ka Samueli: Ingisa timhaka tontlhe leto a vanhu va ku byelako, hakuva a va tsiki wena, kanilezi hi mina va nzi tsikileko, va nga ranzi lezaku nzi maha hosi yabye.

1 Samueli 8:7 ပူးပေါင်းရင်းမြစ်များ

Eksodusi 16:8

Mosi i lo engeta kambe aku: Hakunene Jehova i ta mu nyika a nyama laha gambyeni muga, ni mixo i ta mu nyika a zibaba, mu taga mu xura; hakuva i zwile kubhonga ka nwina, kota lezi mu mu zangareleko. Hakuva hina hova cini? A mu zangarelangi hina, mu zangarele Jehova.

Isaya 66:4

Hizalezo mina nzi ta ranza ku va nehela makhombo, Nzi ta tisa hehla kabye lezi va zi chavako; Hakuva laha nzi nga vitana a nga kona a nga vumela, Ni laha nzi nga wulawula a nga kona a nga ingisa; Kanilezi va mahile kubiha mahlweni ka mina, Va ranza lezi zi nga nzi tsakisiko.

Jeremia 34:14

nziku: A kumbheleni ka ntlhanu wa malembe ni mambiri a munwe ni munwani i ta tlhatlha muHeberu-kulobye loyi a ti xavisileko ka nwina; i ta ku tirela a ntlhanu wa malembe ni ginwe, zonake u ta mu tsika a tlhatlheka; kanilezi a vakoko va nwina a va nzi ingisangi, hambu ni ku panga tindleve. Ekso. 21:2; Levi 25:39; Deut. 15:12

Ezekieli 2:3

Aku ka mina: Nʼwana wa munhu, Nza ku ruma ka vana va ka Israeli, a ka mifumo leyi yi hluwukileko, leyi yi nzi vukelako. Vona hi vadadani vabye va nzi gohele kala ni lezi.

Ezekieli 3:7

Kanilezi a yindlu ya ka Israeli yi nga ta ku ingisa, hakuva a va ranzi ku nzi ingisa; yontlhe a yindlu ya ka Israeli mbanhu va tihloko to nonoha ni timbilu to sihalala.

Mitsengo 22:20

Zonake Nungungulu i lota ka Balaami ni wusiku, a ta ku ngalo kakwe: Lezi a vanhu lava va tako va ta ku vitana, famba navo; ntsena lezaku u taya maha lezi nzi ta nga ya ku byela zona.

Mateu 10:40

Loyi a mu amukelako, wa nzi amukela mina, ni loyi a nzi amukelako wa amukela loyi a nzi rumileko. Lu. 9:48; Joh. 12:44; Gal. 4:14

Luka 10:16

Loyi a mu ingisako, wa nzi ingisa mina; ni loyi a mu alako, wa nzi ala mina; ni loyi a alako mina, wa ala ni loyi a nzi rumileko, Mat. 10:40; Joh. 5:23; 1 Tes. 4:8

Luka 19:14

Kanilezi a vanhu va tiko gakwe va wa mu venga, va ruma a mitsumi hi lenzhako kakwe, vaku: A hi ranzi ku fumiwa hi munhu loyi. Joh. 1:11

Luka 19:27

Kanilezi a valala va mina, lava va nga kala va nga zi ranzi aku ngha nzi fuma hehla kabye, va neheni laha, mu va daya mahlweni ka mina.

Johani 13:16

Hizinene nziku ka nwina: A nanza a hi ga hombe ku hunza a hosi ya gona; ni ntsumi a hi wa hombe ku hunza loyi a wu rumileko. Mat. 10:24; Lu. 6:40

Valamuli 8:23

Gideoni aku kabye: Cima nzi nga ta mu fumela, ge hambu ni nʼwana wa mina. Jehova hi yena a ta nga mu fumela.

1 Samueli 10:19

Kanilezi inyamutlha mu alile Nungungulu wa nwina, loyi a nga mu ponisa timhangweni ta nwina tontlhe, ni le kuxanisekeni ka nwina, muku kakwe: Hi yimisele hosi leyi yi ta nga hi fumela! Makunu humelelani mahlweni ka Jehova hi tixaka ta nwina ni matala ya nwina.

1 Samueli 12:1

Samueli i te ngalo ka vontlhe va ka Israeli: Mina nzi ingisile a gezu ga nwina ka tontlhe timhaka leti mu nga nzi byela; nzi yimisile a hosi hehla ka nwina.

1 Samueli 12:12

Laha mu nga wa wonile Nahaxi a hosi ya va ka Amoni, na ata ku ta mu vukela, mu te ngalo ka mina: Za hava, kanilezi a hosi yi ta hi fumela, laha Jehova Nungungulu wa nwina a nga wa hi hosi ya nwina.

1 Samueli 8:22

Jehova aku ka Samueli: Ingisa a gezu gabye, u va yimisela hosi. Zonake Samueli i te ngalo ka va ka Israeli: Nwentlhe fambani mitini ya nwina.

1 Samueli 8:8

Va maha zo khwatsi hi lezi va mahileko kusukela siku lego nzi nga va humesa ha gona le Gipite, kala ni nyamutlha va nzi tsikako va ya khozela vanwani vanungungulu; va maha zalezo ni ka wena kambe.