1 Samueli 6:19 - Tshwa Bible

¹⁹ Jehova i lo lovisa nguvu a vanhu va le Beti-Xemexe, hakuva va lo cuwuka a arke ga Jehova. I lo lovisa 70 wa vanhu nzeni ka 50,000 wabye. A vanhu va loba nkosi hi lezi Jehova a nga hihiritile vanwani vabye.

1 Samueli 6:19 ပူးပေါင်းရင်းမြစ်များ

2 Samueli 6:7

Zonake a zanga ya Jehova yi lo vindlukela Uza, Nungungulu a muba kwalaho, hi kota ya matloti yakwe; hikwalaho i lofa laha kusuhani ni arke ga Nungungulu. Mitse. 4:15, 20

2 Kronekele 25:21

Zinghaho Joaxi hosi ya va ka Israeli i lo kanziha; yena na Amazia hosi ya va ka Juda va lolwa le Bete-Xemexe, tikweni ga ka Juda.

Eksodusi 19:21

Jehova aku ka Mosi; Relela u ya byela vanhu lezaku va nga dzuki va tshinela ku ta wona Jehova, ku ngafa vanhu vo tala xikari ka vona.

Eksodusi 33:4

Laha a vanhu va nga wa zwile a timhaka leti ti chavekako, va lo rila, ku wa nga hi kona ni wo ti bombisa.

Mitsengo 1:51

Kasi loku a tabemakeli gi Suka, a vaLevi va ta gi tlhatlha, ni loku a tabemakeli gi yimiswa, a vaLevi va ta gi zimekela; kanilezi a wamatiko loye a tshinelako kusuhani ka gona i ta dawa.

Mitsengo 4:15

Loku Aroni ni vana vakwe va mbhetile ku fenengeta a wutshamu ga kubasa ni zontlhe zibya za kona, a wugovelo gi ta andlamuka; zonake a vanana va ka Kohati va ta ta rwala. Kanilezi va nga ta zi khumba, hakuva zilo zi basileko, va ngafa. Lowu wu tava ntiro wa vanana va ka Kohati, a ku rwala a zibya za tenda ga mutlhangano.

Mitsengo 4:18

Chelani kota lezaku a nyangwa ya tiyindlu ta ka Kohati yi nga dzuki yi tsemiwa xikari ka vaLevi.

Mitsengo 4:20

Kanilezi va nga engheni va cuwuka a zilo lezi zi basileko, hambu ni kutsongwani, va ngafa. 1 Sam. 6:19

Deuteronome 29:29

A zilo lezi zi fihleleko za Jehova Nungungulu wa hina, kanilezi a zilo lezi zi wonekako za hina ni vanana va hina kala kupinzuka, kasi ha fela ku maha tontlhe timhaka ta lowu nayo. Tis. 147:19

Va le Kolosi 2:18

Mu nga vumeli munhu a ku mu wutlela a nchachazelo wa nwina, hi kutikoramisa ka hava ni ku khozela tingelosi, a ti kulisa hi kota ya ziwoniso zakwe, a ti kukumukisa hava hi kupima kakwe ka nyama,

1 Pedro 4:17

Hakuva hi xona xikhati xa kuva a kulamulwa ku sangula ndlwini ya Nungungulu; loku ku ranga ha hina, ku ta kuyini a kugumelwa ka vona lava va nga ingisiko a ivangeli ya Nungungulu ke? Jer. 25:29; Lu. 10:12; 23:31