1 Samueli 6:14 - Tshwa Bible

¹⁴ Laha a kareta yi ngata lomu masinwini ya Joxua a muBeti-Xemexe, yi lo ta yima lomo; ku wa hi ni ribye ga hombe laho. Va lo panzelela mapulangu ya kareta va maha tihunyi, va nyikela mapswele lawo ya mambiri, va maha ha wona a munyikelo wa kuhiswa wa Jehova.

1 Samueli 6:14 ပူးပေါင်းရင်းမြစ်များ

2 Samueli 24:18

Lego siku Gadi i lota ka Davida, a taku: Kanziha u ya aka a alati ga Jehova le nzhimbyeni wa Arauna a mujebusi.

2 Samueli 24:22

Arauna i te ngalo ka Davida: Hosi yanga, wu teke, u nzi nyika lezi zi faneleko kuwoneni ka wena. Languta, a tihomu ta ku maha ha tona a munyikelo wa kuhiswa, ni ngholowonya ya za ku hula ha zona, ni miyoka zi ta maha tihunyi.

2 Samueli 24:25

Zonake Davida i lo aka a alati ga Jehova; a nyikela miphahlelo ya kuhiswa, ni miphahlelo ya kurula; hilezo Jehova i lo tsetselela a vanhu, zonake a ntungu wa khawula lomu ka Israeli.

1 Tihosi 19:21

Zonake Elixa i lo mu siya a ya teka a tihomu timbiri a maha muphahlelo ha tona; i lo bhika a nyama ya kona hi miyoko ya tihomu, a nyika vanhu vaga. Zonake i lo suka a lanzela Elija, a mu tirela.

Eksodusi 20:24

U ta nzi akela a alati ga misava, laho u ta nga phahlela kona a miphahlo ya wena ya kuhiswa ni ya kukhesa, ni timhamba ta wena ta tiyivu ni ta tihomu. Kontlhe lomu nzi ta nga veka xialakanyiso xa vito ga mina, nzi tata ka wena nzi ta ku katekisa.

Valamuli 21:4

Hi siku gi gamelako a vanhu va lo vuka ni mixo va aka a alati laho, va maha miphahlo ya kuhiswa ni ya kurula.

Valamuli 6:26

U aka a alati ga Jehova Nungungulu wa wena hehla ka ribye lego, u gi aka khwatsi. U ta teka a honwana ya wumbiri u maha muphahlo wo hiswa hi tihunyi ta xifananiso lexi u nga xi tsemelela.

1 Samueli 11:5

Saule i wa wuya hi le masinwini, na a lanza tinkavi takwe. A nge ngalo: Xini xi mahekileko xikari ka vanhu lavo va rilisako lezo? Zonake va lo mu hlawutela a timhaka ta va le Jebexe,

1 Samueli 20:29

1 te ngalo: Nzi vumele nzi famba, hakuva ku na ni muphahlo wa laha ngangweni wa hina le mutini, hilezi a nakulori i nzi leletele a kuva nziya leyo: makunu loku mina nzi kumile thomo mahlweni ka wena, nzi ta tsutsuma nziya kona nzi ta ya wonana ni vanakulori. Hikwalaho yena a nga tangi laha mezeni ya hosi.

1 Samueli 6:13

A vanhu va le Beti-Xemexe va wa kari va tshovela mavele yabye le nkoveni. Va te vaku hoxo mahlo, va si wona a arke. Va lo tsaka nguvu hi ku gi wona.

1 Samueli 6:18

Ni makondlo ya nzalama ma wa ecana ni tsengo wa miti yontlhe ya vaFilistia ya ntlhanu wa tihosi, kusukela ka miti ya makhokhola kala ka zimitana za tiko, kala ribyeni ga hombe legi va nga vekela a arke ga Jehova hehla ka gona. A ribye lego ga ha hi kona ni lezi le sinwini ga Joxua a muBeti-Xemexe.