1 Samueli 5:8 - Tshwa Bible

⁸ Zonake va lo ruma vanhu a ku ya ramba tontlhe tihosi ta vaFilistia, va taku: Hi ta maha yini hi arke ga Nungungulu wa ka Israeli? Vona vaku ngalo: A arke ga Nungungulu wa ka Israeli a gi heleketwe le Gati. Va lo rwala a arke ga Nungungulu wa ka Israeli, va gi heleketa leyo.

1 Samueli 5:8 ပူးပေါင်းရင်းမြစ်များ

1 Kronekele 7:21

na Zabada nʼwana wakwe, na Xutela nʼwana wakwe, na Ezera na Ele-ade lava va nga dawa hi va ka Gadi, va nga wa belekelwe lomo tikweni, hakuva vh lo relela ku ta gula mitlhambi yabye.

Amosi 6:2

Fambani le Kalne mu ya wona, kusukela laho yanani Hamate wa hombe, zonake mu relela muya le Gate wa maFilistia: a miti leyo yi sasekile ku hunza a miti ya nwina ke? Kutani a tiko gabye gi anamile ku hunza ga nwina ke?

Zakaria 12:3

A siku lego Jerusalema nzi ta gi maha a ribye go binza ka matiko wontlhe; vontlhe lava va ta nga gi tlakula va ta bayiswa; a matiko wontlhe ma ta tsombana ma gi vukela.

Joxua 13:3

kusukela Xihori, legi gi nga mahlweni ka Gipite, kala le mbhinganweni wa le Ekroni hi le Nwalungu, a tiko legi va nge ngalo ga maKanani; a tiko gi nga ni ntlhanu wa tihosi ta maFilistia, ya Gaza, ya Axdodi, ya Axkeloni, ya Gati, ya Ekroni, ni tiko ga maAvi;

Joxua 15:11

Zonake wu huma le Nwalungu, hi le kureleleni ka Ekroni, wu kongoma le Xikeroni, wu hunza hi le xitsungeni xa Baala, zonake wu ya humela le Jabneli, wu ya gumesa le bimbini.

1 Samueli 17:4

Makunu le wugovelweni ga vaFilistia ku lo huma wanuna wa nghwazi a vitwako Goliate, wa le Gati; a kuleha kakwe ku wa hi ntlhanu wa mikono ni munwe ni canja ginwe.

1 Samueli 17:52

A va ka Israeli ni va ka Juda va lo Suka va hlalela, va hlongolisa vaFilistia kala va ya chikela masangulweni ya nzhelelo ni le tinyangweni ta Ekroni; ni tikhuveri ta vaFilistia ti wa la su mbambamela lomu ndleleni ya kuya Xaaraime, kala le Gati ni ku hunzeleta kala le Ekroni.

1 Samueli 29:6

Zonake Akixi i lo vitana Davida, aku kakwe: Nzi hlambanya ha Jehova a hanyako, lezaku wena u munhu a lulamileko. Nzi wa ta tsaka ku ku wona u huma ni ku enghena zinwe na mina lomu yimpini, hakuva cima a nzi kumangi kubiha ka wena kusukela siku lego u nga enghena ha gona mutini wa mina kala nyamutlha. Kanilezi a tihosi a ti tsaki ha wena,

1 Samueli 5:11

Va lo rumela a vanhu ku ya tsombanyisa tihosi tontlhe ta vaFilistia, vaku ngalo: Tlhelisani a arke ga Nungungulu wa ka Israeli giya kaya ka gona, gi nga hi mbheta ni vanhu va hina. Hakuva ku wa hi ni nyenganyenga ka wontihe muti; hi lezi a canja ga Jehova gi nga tshingile nguvu.

1 Samueli 5:7

Laha a vanhu va le Axdode va nga wonile lezo, va te ngalo: Hi nga tshami ni arke ga Nungungulu wa ka Israeli, hakuva a canja gakwe ga hi tsimbeketa nguvu, gi tsimbeketa ni nungungulu wa hina Dagoni.

1 Samueli 6:2

A vaFilistia va lo vitana vapristi ni zitumbe, va taku kabye: Hi ta mahisa kuyini hi arke ga Jehova? Hi byeleni lezi hi ta nga gi tlhelisisa zona wutshanwini ga gona.