1 Samueli 5:7 - Tshwa Bible

⁷ Laha a vanhu va le Axdode va nga wonile lezo, va te ngalo: Hi nga tshami ni arke ga Nungungulu wa ka Israeli, hakuva a canja gakwe ga hi tsimbeketa nguvu, gi tsimbeketa ni nungungulu wa hina Dagoni.

1 Samueli 5:7 ပူးပေါင်းရင်းမြစ်များ

2 Samueli 6:9

A siku lego Davida i lo chava Jehova, aku: Makunu a arke ga Jehova gi ta tisa kuyini lomu ndlwini ya mina?

1 Kronekele 15:13

Lezo nwina mu nga hi hava kusanguleni, Jehova Nungungulu wa hina i mahile xigirimuka xikari ka hina, hi ku kala hi nga mu vitanangi, khwatsi hi lezi ku leletelweko.

Eksodusi 10:7

Zonake a malanza ya Faro maku kakwe: Loyi munhu i tava ziyo xikari ka hina kala rini? Tlhatlha vanhu lava va ya khozela Jehova, Nungungulu wabye. A ku zi woni lezaku a Gipite ga lova ke?

Eksodusi 12:33

Zonake a vaGipite va lo kurumeta vanhu ku hatlisa va huma lomu tikweni gabye; hakuva va waku: Hi tafa hontlhe.

Eksodusi 8:28

Zonake Faro aku: Nzi ta mu tlhatlha mu ya phahlela ka Jehova, Nungungulu wa nwina le xiwuleni, kanilezi mu ngayi kule. Nzi kombeleleni.

Eksodusi 8:8

Zonake Faro i lo vitana Mosi na Aroni, aku ka vona: Kombelani ka Jehova kasi a susa makhele ka mina, ni ka tiko ga mina. Zonake nzi ta tlhatlha a vanhu va ya phahlela ka Jehova.

Eksodusi 9:28

Kombelani ka Jehova lezaku ku nga dzinzi hambu kuna vula ya maralala hakuva za tshisa nguvu, mina nzi ta mu tlhatlha mu famba, cima mu nga ta valelwa ha nchumu.

Jeremia 46:25

Jehova wa tiyimpi, a Nungungulu wa Israeli, i ngalo: Nzi taba Amoni na No, na Faro na Gipite ni vanungungulu vakwe, ni tihosi takwe, yena Faro ni lava va tsumbako yena. Ekso. 12:12; Nah. 3:8

Jeremia 48:7

Hakuva kota lezi u tsumbako a mitiro ya wena, Ni titshomba ta wena, wenawu u ta hluliwa. Kemoxe i taya wukhumbini Zinwe ni vapristi vakwe ni tihosana takwe. Mitse. 21:29; 1 Tih. 11:7

1 Samueli 4:8

Khombo ka hina! Himani a ta nga hi hlanguta canjeni ga Nungungulu loye wa ntamu? Hi yena Nungungulu loye a nga hlasela vaGipite hi makhombo ya tixakaxaka le xiwuleni.

1 Samueli 5:6

Kanilezi a canja ga Jehova gi wa tsimbeketa a vanhu va le Axdode; a va lamata hi zidlayi, ni vanhu va matlhelo ya kona.

1 Samueli 5:8

Zonake va lo ruma vanhu a ku ya ramba tontlhe tihosi ta vaFilistia, va taku: Hi ta maha yini hi arke ga Nungungulu wa ka Israeli? Vona vaku ngalo: A arke ga Nungungulu wa ka Israeli a gi heleketwe le Gati. Va lo rwala a arke ga Nungungulu wa ka Israeli, va gi heleketa leyo.

1 Samueli 6:20

A vanhu va le Beti-Xemexe va te ngalo: Himani a ta nga zi kota ku yima mahlweni ka Jehova Nungungulu loyi a basileko ke? Gi taya ka mani a arke loku gi suka lomu ka hina ke?