1 Samueli 4:5 - Tshwa Bible

⁵ Laha a arke ga xivumelwano xa Jehova gi nga wa chikele lomu wugovelweni, a vontlhe vaIsraeli va lo hlalela hi guwa ga hombe ga kutsaka laha kaku ni misava yi tsekatseka.

1 Samueli 4:5 ပူးပေါင်းရင်းမြစ်များ

2 Samueli 15:24

Zadoki ni vontlhe vaLevi va lo famba naye, na va rwele a arke ga xivumelwano xa Nungungulu. Va lo veka a arke ga Nungungulu lahasi, kala a vanhu va mbhela ku huma lomu mutini, Abiatari i lo tlhatukawu.

1 Tihosi 1:40

A vanhu vontlhe va lo mu lanzisela na vaba tinanga, na va yimbelela va tsaka nguvu, ni misava yi cwangula hi guwa ga vona.

Joba 20:5

A kukhana ka vakubiha ku komile, Ni kutsaka ka mukhohlisi ka xikhatanyana ke?

Jeremia 7:4

Mu nga tsumbi timhaka ta mawunwa, taku: Tempeli ya Jehova, tempeli ya Jehova, a tempeli ya Jehova hi yaleyi!

Amosi 6:3

Nwina lava mu nge hi ku tshineta kule a masiku ya khombo, kasi lezo mu ramba a xitshamu xa zanga xi tshinela kusuhani.

Mika 2:11

Loku a munhu a famba hi moya wa kukhohlisa, a hemba wunwa aku: Nzi ta ku profetela hi vinya ni byala, a muprofeti loye i sasekele lava vanhu. Isa. 30:10; Mik. 3:5

Joxua 6:20

Zinghaho a vanhu va lo kanyuluka, ni vapristi va loba mipunzu. Ni laha a vanhu va ngazwa a kuvuma ka mipunzu, va lo kanyuluka hi guwa ga hombe, zonake a khokhola gi lo khungumuka giwa lahasi, a vanhu va lo enghena mutini, loyi ni loyi i loya mahlweni kakwe, zinghaho va lo teka a muti. Maheb. 11:30

Joxua 6:5

Laha va ta ngaba a mipunzu va lehisa, loku muzwa a kuvuma ka mipunzu vontlhe va ta kanyuluka hi gezu ga hombe, ni khokhola ga muti gi tawa hasi, zonake a vanhu va ta enghena, loyi ni loyi aya mahlweni kakwe.

Valamuli 15:14

Laha a nga chikela le Lehi, a maFilistia ma lo mu hlalela na va mu khinga. A Moya wa Jehova wu lota hi ntamu ka yena, a magota lawa ma nga wa mu bohile mawoko ma lo khwatsi tihinza la wuluva li hiswako hi nzilo, ni ziboho za mawoko yakwe zi lowa.

1 Samueli 4:6

Laha a vaFilistia va ngazwa a guwa ga kuhlalela, va te ngalo: I guwa ga yini lego gi zwalako le wugovelweni ga vaHeberu? Va lo byeliwa lezaku i arke ga Jehova gi nga chikela lomu wugovelweni gabye.