1 Samueli 30:22 - Tshwa Bible

²² Kanilezi a vanhu vontlhe vo biha ni vaBeliali, lava va nga hi xikari ka lava va nga wa fambile na Davida, va lo wulawula vaku: Kota lezi va nga kala ku famba na hina, cima hi nga ta va nyika nchumu xa muphango wa lezi hi phangileko, ahandle kaku munwe ni munwani a teka sati wakwe ni vanana vakwe a ti fambela.

1 Samueli 30:22 ပူးပေါင်းရင်းမြစ်များ

1 Tihosi 21:10

mu yimisa a vavanuna vambiri va nyamijiri mahlweni kakwe, lava va ta ngava timboni ha yena, vaku ngalo: Wena u rukatele Nungungulu ni hosi. Zonake mu ta mu humesa lahandle mu mu gandla hi maribye, afa.

1 Tihosi 21:13

Zonake a vavanuna vambiri va nyamijiri va lo ya tshama mahlweni kakwe, va maha wukustumunyu va vukela Nabote mahlweni ka vanhu vaku: Nabote i rukatele Nungungulu ni hosi. Zonake va lo mu humesa lahandle ka muti va ya mu gandla hi maribye, afa.

Mateu 7:12

Hikwalaho zontlhe lezi mu ranzako a kuva vanhu va zi maha ka nwina, va maheleniwo zona; hakuva lezi i nayo ni vaprofeti. Levi 19:18; Lu. 6:31; Rom. 13:8

Deuteronome 13:13

A tlawa wo kari wa vanhu va hava wu humile lomu xikari ka nwina, va hambukisile a vanhu va muti wabye, vaku: A hi fambeni hi ya khozela vanwani vanungungulu lava mu nga va tiviko;

Valamuli 19:22

Na va ha ti tsakisa, a vavanuna va nyamijiri va muti lowo va lo ta ranzela a yindlu vaba livati, vaku ka xikhosana lexo xa nwinyi wa yindlu: Humesa inaloye a enghenileko ndlwini ya wena, hi lava ku mu tiva! Gen. 19:5; Hos. 9:9

1 Samueli 22:2

Zonake ku lo tsombana ka yena vontlhe vanhu lava Va nga wa hlokiswa, ni vontlhe lava va nga wa hi ni milanzu, ni vontlhe lava va nga kala ku tshameka, va lo tsombana kakwe, yena a maha murangeli wabye. A vanhu lava va nga hi zinwe naye ko khwatsi va wa hi 400 wa vavanuna.

1 Samueli 25:17

Hikwalaho zi tive u ehleketa lezi u ta nga maha, hakuva ku xubyiwa ku mahiwa mhango ka hosi ya hina ni yindlu yakwe yontlhe, kanilezi na a hi munhu wa tihanyi, loyi hi tsanzekako ku Wulawula naye.

1 Samueli 25:25

Hosi yanga, u nga dzuki u khatalela loyi wa kubiha, a nga Nabali, khwatsi hi lezi gi nga lezo a vito gakwe, kunene hi Nabali hi zalezo a nga zona, ni wupumbu gi na yena. Kasike mina nanza ga wena a nzi ma wonangi a majaha lawo u ma rumileko.

1 Samueli 30:21

Davida i lo ya chikela ka vavanuna lava va 200, lava va nga wa karele nguvu, va tsanzeka ku lanza Davida, lava va nga siyilwe le xicongwaneni xa le Besora. Vona va lo suka va khinga Davida ni vanhu lava a nga wa hi navo. Davida i tshinela kabye a va wutisa kuhanya kabye.

1 Samueli 30:23

Zonake Davida i te ngalo: Cima mu nga ta mahisa lezo, vamakabye, hakuva lezi hi nyikilwe hi Jehova; a hi hlayisileko a nyikela mandleni ya hina a yimpi leyi yi nga wa tile ku ta hi vukela.