1 Samueli 3:17 - Tshwa Bible

¹⁷ Eli aku: Xini a nga ku byela? U nga fihli nchumu ka mina. Nungungulu a mahe lezo ka wena ni ku engeta, loku u nzi fihlela a yinwe ya timhaka leti a ku byelileko!

1 Samueli 3:17 ပူးပေါင်းရင်းမြစ်များ

2 Samueli 14:18

Zonake a hosi yi lo hlamula, yiku: U nga nzi fihleli a mhaka leyi nzi ta nga ku wutisa. A wasati aku: Wulawula, hosi yanga!

2 Samueli 19:13

Mu ta ku ngalo ka Amasa: Kasi wena aku marambu ya mina ni nyama ya mina ke? Nungungulu a nzi tsayise makunu ni ku engetela, loku wena u nga yimisiwi a kuva nduna ya yimpi mahlweni ka mina kala kupinzuka wutshanwini ga Joabe.

2 Samueli 3:35

A vanhu vontlhe va lo ta khongotela Davida lezaku aga zakuga na ka hi hlikanhi; kanilezi Davida i lo hlambanya, aku: Nungungulu a mahe hi ntatau, ni ku engeta ka mina, loku mina nziga zibaba, hambu ni xihi xilo, na gi nga se ku pela gambo!

2 Samueli 3:9

Nungungulu a tsayise Abneri loku nzi nga maheli Davida kota lezi Jehova a hlambanyileko kakwe.

1 Tihosi 22:16

A hosi ya ka Israeli yi te ngalo kakwe: Nzi ta ku hlambanyisa zikhati zingani lezaku u nga wulawuli zinwani ahandle ka lisine hi vito ga Jehova ke?

2 Tihosi 6:31

Zonake i te ngalo: Nungungulu a engete hi ntamu, loku a hloko ya Elixa nʼwana Xafate yi tshama hehla kakwe nyamutlha!

Tisimu 141:5

A wakululama a nzihe, gi tava wuxinji; A nzi laye, ku taku khwatsi mafura hlokweni ya mina; A hloko ya mina yi nga ta ma ala. Nzi ta va kombelela ni lomu hlomulweni wabye.

Jeremia 38:14

Zonake hosi Zedekia a va ruma a ku ya vitana muprofeti Jeremia a mu vitanela a nyangweni ya wunharu ya yindlu ya Jehova. A hosi yiku ka Jeremia: Nza ha ku wutisa mhaka, u nga nzi fihleli nchumu.

Jeremia 42:4

Zonake muprofeti Jeremia aku kabye; Nzi mu zwile. Nzi ta mu kombelela ka Jehova a Nungungulu wa nwina kota lezi mu zi ranzako. Ni zihi lezi Jehova a ta nga mu hlamula nzi ta mu byela; nzi nga ta mu fihlela nchumu.

Danieli 4:19

Zonake Danieli, a nga vitwa Beltexazarre, aku kaye xikhatana laho, a xeveka maalakanyweni yakwe. A hosi yiku: Beltexazzare, u nga xeveki hi kota ya noro ni tlhamuselo wa wona. Beltexazzare aku: Hosi yanga, a noro lowu a wuve hehla ka lava va ku vengako, ni tlhamuselo wa wona a wu henye a valala va wena.

Mika 2:7

Wena yindlu ya Jakobe, xana a Moya wa Jehova wu hatla ku zangara ke? A matirela yakwe hi walawo ke? A timhaka ta mina a ti na wunene ka loyi a fambako hi kululama ke?

Mitsengo 23:17

Zonake i lo tlhela aya ka yena, aya mu kuma na yimile kusuhani ni munyikelo wakwe wa kuhiswa, ni tihosana ta maMoabi ti wa hi zinwe na yena. Balake i te ngalo kakwe: Jehova i te yini?

Mateu 26:63

Kanilezi Jesu i lo miyela. Ni mupristi wa hombe i te ngalo kakwe: Nza ku hlambanyisa hi Nungungulu, lezaku u hi byela loku u hi Kristu, a Nʼwana wa Nungungulu. Levi 5:1; Isa. 53:7

Rute 1:17

Laha u ta nga fela kona, minawu nzi ta fela laho, nzi lahliwa kwalaho. Ngha Jehova a nzi tsayisa nguvu loku nzi vumela a xilo xo kari ku nzi hambanyisa na wena, ahandle ka kufa.

1 Samueli 14:44

Saule i te ngalo: Nungungulu a mahe lezo hi ku engeta, hakunene Jonata u tafa!

1 Samueli 20:13

Jehova a mahe hi ntamu ka Jonatani, ni ku engeta kambe! Ni kambe loku dadani a xuva ku maha kubiha ha wena, nzi ta ku tivisa nzi ku byela lezaku u tsutsuma, u famba hi kurula. Jehova a ave zinwe na wena khwatsi hi lezi a nga hi zinwe na dadani.

1 Samueli 25:22

Nungungulu a mahe hi mintamu ni kuengeta a ka valala va Davida, loku nzo siya wanuna munwe a hanyako ka zontlhe lezi a nga nazo, a kuceni ka mixo.

1 Samueli 3:16

Kanilezi Eli i lo vitana Samueli, aku kakwe: Samueli, nwananga! Yena aku: Nzi laha!