1 Samueli 28:8 - Tshwa Bible

⁸ Saule i lo ti hunzula a ti maha kota munwani munhu, a ambala tinwani tinguwo, a famba ni vavanuna vambiri. Va lo chikela ka wasati ni wusiku. Saule aku: Hi nga nzi hlahluva, u nzi vumbulela loye nzi ta nga ku byela.

1 Samueli 28:8 ပူးပေါင်းရင်းမြစ်များ

1 Tihosi 22:30

A hosi ya ka Israeli yi te ngalo ka Jehoxafate: Mina nzi ta ti hunzula nzi enghena lomu yimpini; kanilezi wena ambala a tinguwo ta wena ta wuhosi. Zinghaho a hosi ya ka Israeli yi lo ti hunzula yi enghena lomu yimpini.

1 Tihosi 22:34

Zonake a wanuna wo kari i phanda a seve wakwe hi wura, na a nga xungeti munhu, a fula a hosi ya ka Israeli hi laha matlhanganweni ya bhaji gakwe ga xiketse. Zonake Ahabi i te ngalo ka muchayeli wa kareta yakwe: Renzeleta a kareta u nzi humesa lomu yimpini, hakuva nzi khuvazilwe nguvu.

1 Kronekele 10:13

Zinghaho Saule i lofa hi kota ya zionho zakwe lezi a nga onhela ha zona Jehova, hi kota ya gezu ga Jehova legi a nga kala ku gi hlayisa a vitana a mufi ku ta mu byela timhaka. 1 Sam. 15:10

2 Kronekele 18:29

A hosi ya ka Israeli yi te ngalo ka Jehoxafate: Mina nzi ta ambala tinwani tinguwo nzi enghena lomu yimpini; kanilezi wena ambala tinguwo ta wena ta wuhosi. Zinghaho a hosi ya ka Israeli yi lo ti hunzula, vaya yimpini.

2 Kronekele 35:22

Kanilezi Josia a nga hunzulukangi a tlhela; cima a nga ingisangi a timhaka ta Neko, leti ti humako hi le nonwini wa Nungungulu. I lota a ku talwa le nkoveni wa Megido.

Isaya 8:19

Loku vaku ka nwina: Wutisani lava va humesako mimoya ya vafileko, ni vavumbi lava va hlevako ni ku nʼununʼuta, hlamulani, muku: A vanhu a va faneli ku wutisa a Nungungulu wabye ke? ku nga wutisiwa a vafileko a timhaka ta laʼva hanyako ke? Deut. 18:11; 1 Sam. 28:11

Jeremia 23:24

Xana munhu a nga fihlala matshanwini ya zihundla lezaku nzi nga mu woni ke? ku wula Jehova. Xana a nzi tatisi a tilo ni misava ke? ku wula Jehova.

Ezekieli 12:6

U ta zi rwala makatleni ya wena ni wusiku na va zi wona; fenengeta a nghohe ya wena kasi u nga woni misava; hakuva nzi ku vekile a kuva xikombiso ka yindlu ya ka Israeli.

Johani 3:19

A kulamula hi kwaloku, lezaku a kuwonekela ku tile misaveni, kanilezi vanhu va ranzile munyama ku hunza kuwonekela; hakuva mitiro yabye yi wa bihile. Joba 24:13, 17; Efe. 5:13