1 Samueli 27:10 - Tshwa Bible

¹⁰ Makunu loku a mu wutisa, aku: Mu wa loya hlasela kwihi nyamutlha? Davida i te ngalo: Hi loya hlasela le Dzongeni ga le Juda, ni le Dzongeni ga le Jerameeli, ni le Dzongeni ga le ka maKeni.

1 Samueli 27:10 ပူးပေါင်းရင်းမြစ်များ

Genesisi 27:24

Yena i te ngalo: Futsi hi wena nʼwana wa mina Esau ke? I te ngalo kakwe: Hi mina.

2 Samueli 17:20

A malanza ya Absalome ma lota le ndlwini ya wasati, ma taku: I kwihi Ahimaza na Jonatani? A wasati aku kabye: Va tlhatukile xicongwana. Loku va va lavile va nga va kumi, va lo tlhelela Jerusalema.

1 Kronekele 2:25

A vana va Jerahmeeli, loyi a nga hi matewula ya Hezroni, ku wa hi Rama, na Buna, na Oreni, na Ozemi, na Ahija.

1 Kronekele 2:9

A vanana va nga pswalelwa Hezroni: Jerahmeeli, na Rama, na Kelubayi.

Tisimu 119:163

Nza venga ni ku nyenya mawunwa, A nayo wa wena nza wu ranza.

Tisimu 119:29

A ndlela ya mawunwa a yive kule na mina, U nziha hi tipswalo ku tiva a nayo wa wena.

Mavingu 29:25

A ku chava vanhu ku neha ziyo, anilezi loyi a tsumbako Jehova i ta pona. Mat. 10:28

Mitsengo 24:21

Balaami na wona vaKeni, i lo vumba aku: A yindlu ya wena yi tiyile, Ni xisaka xa wena xi akilwe ribyeni.

Va le Efesusi 4:25

Hikwalaho tsikani mawunwa, mu wulawula zinene munwe ni munwani ka waakelane wakwe, hakuva munwe ni munwani xiro ka vanwani.

Valamuli 1:16

A vana va Keni, a muxade wa Mosi, va wa sukile mutini wa micinzu zinwe ni vana va Juda, vaya le xiwuleni xa Juda le Dzongeni ga Arade, va ya aka ni vanhu va kona. Ekso. 18:1; Deut. 34:3; 1 Sam. 15:6

Valamuli 4:11

Makunu Hehera a muKeni i wa ti hambanyisile ni va ka kabye, a vanana va Hobaba, muxade wa Mosi, a ya zimeka a tenda gakwe kusuhani ni nkuhlu wa le Zananime, kusuhani ni le Kedexi.

Valamuli 5:24

Jaeli i ta dzunziwa xikari ka vavasati, A sati wa Hehera a muKeni. A dzunziwe xikari ka vavasati va akileko matendeni.

1 Samueli 15:6

Saule i te ngalo ka vaKeni: Sukani, mu huma xikari ka vaAmaleki, nzi nga mu patsa navo nzi mu hlasela; hakuva nwina mu kombisile wunene ka vontlhe va ka Israeli xikhatini lexo va nga wata hi le Gipite. Zinghaho a vaKeni va lo huma xikari ka vaAmaleki.

1 Samueli 21:2

Davida i lo hlamula aku ba mupristi Ahimeleki: A hosi yi nzi leletele mhaka, yiku: Ngha ku nga hi kona munhu a tivako a mhaka leyi nzi ku rumako yona, ni lezi nzi ku leleteleko zona. Kasike a majaha ya mina nzi ma rumile wutshanwini go kari.

1 Samueli 23:27

Kanilezi ku lo ta chikela a ntsumi ka Saule, wu taku: Hatlisa u wuya, hakuva a vaFilistia va enghenile lomu tikweni.

1 Samueli 27:11

Davida a nga siyangi ni munwe wo hanya, xikari ka vavanuna ni vavasati kasi ku ta bika ha yena le Gati, hakuva i wa chava lezaku va ta mu hleva, vaku: Davida i mahile lezi ni lezi. Hikwalaho i wa tolovela ku maha lezo xontlhe xikhati lexi a nga tshama tikweni ga vaFilistia.

1 Samueli 29:8

Davida i te ngalo ka Akixi: Xini nzi mahileko? Xini u xi wonileko ka nanza ga wena, kusukela siku lego nzi nga chikela ha gona mahlweni ka wena, kala nyamutlha lezi, ko kala nzi valelwa ku yalwa ni valala va hosi ya mina?

1 Samueli 30:29

ni ka va le Rakale, ni ka lava va nga wa hi mitini ya le Jerameeli, ni ka lava va nga wa hi mitini ya vaKeni,