1 Samueli 25:34 - Tshwa Bible

³⁴ Loku ku wa nga hi lezi Jehova Nungungulu wa ka Israeli a nga nzi valela ku ta ku mahela za kubiha, nzi hlambanya hi Jehova a hanyako, loku u wa nga hatlisangi ku ta nzi khinga, ngha ku nga salangi na nchumu ka Nabali, hambu ni munhu munwe wa xinuna, na gambo gi nga se huma.

1 Samueli 25:34 ပူးပေါင်းရင်းမြစ်များ

Genesisi 20:6

Nungungulu i te ngalo kakwe le norweni: Nza zi tiva lezaku u mahile lezo zilo hi kululama ka mbilu ya wena; hikwalaho nzi lo ku siwukisa mina, akuva u nga nzi onheli; hi kota ya lezo a nzi ku vumelangi a kuva u mu henya.

Joxua 10:6

Zonake a vanhu va le Gibeoni va lo rumela ka Joxua, le wugovelweni ga le Gilgale, vaku ka yena: U nga tsiki malanza ya wena, hatlisa u kanziha uta ka hina u ta hi tlhatlhisa, ni ku ta hi vunetela, hakuva tontlhe tihosi ta vaAmori, leti ti akileko leno zitsungeni, ti tsombene khatiginwe kuta hi vukela.

Joxua 10:9

Zalezo Joxua i lo chikela kabye hi kuhatlisa; hakuva i lo famba wusiku gontlhe kusukela le Gilgale.

1 Samueli 11:11

Makunu hi siku gi gamelako, Saule i lo avanyisa a vanhu hi mabutho manharu, zonake va lo enghena wugovelweni ga valala hi xikhati xa xirinzo xa mixo, va lo hlasela va ka Amoni kala gi hisa. Ni lava va seleko va lo hangalaswa. A ku na nga sala ni bambiri va ku famba khatiginwe.

1 Samueli 25:18

Zonake Abigaili i lo hatlisa a teka mazana mambiri ya zibaba, ni tinghotso timbiri ta vinya, ni ntlhanu wa tiyivu ti bhikilweko, ni ntlhanu wa zirunzu za mavele ma wocilweko, ni zana ga zitata za tisote ta mauva ma womileko, ni mazana mambiri ya zikhekhetselo za makuwu, a zi tlhateka mbongoleni.

1 Samueli 25:22

Nungungulu a mahe hi mintamu ni kuengeta a ka valala va Davida, loku nzo siya wanuna munwe a hanyako ka zontlhe lezi a nga nazo, a kuceni ka mixo.

1 Samueli 25:26

Hikwalaho, hosi yanga, nzi hlambanya ha Jehova ni muhefemulo wa wena, Jehova i ku valele a ku halata nkhata ni ku ti photela hi canja ga wena. Makunu a valala va wena ni lava va hlotako ku maha kubiha hi hosi ya mina, a va kote Nabali!

1 Samueli 25:39

Laha Davida a nga zwile lezaku Nabali i file, i te ngalo: A ku bongiwe Jehova loyi a nga vikela a mhaka ya mina le ka nanza gakwe a ku maha kubiha. Jehova i tlhelisele a kubiha ka Nabali hlokweni ya yena nwinyi. Zonake Davida i lo ruma a vanhu ka Abigaili a ku ya mu wutela yena.