1 Samueli 25:29 - Tshwa Bible

²⁹ Hambu loku munhu a suka a hlongolisa, a hlota wutomi ga wena, a wutomi ga hosi ya mina gi ta hlayiswa ha Jehova Nungungulu wa wena, gi bohiwa ka nyanza yinwe ni lava va hanyako; kasike a wutomi ga valala va wena gi ta cukumetiwa kule kota xinziwanziwani. Tis. 6:10; 31:21; 97:10

1 Samueli 25:29 ပူးပေါင်းရင်းမြစ်များ

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

2 Samueli 4:8

Va lo neha a hloko ya Ixboxete ka Davida le Hebroni, va taku ka hosi: Languta a hloko ya Ixboxete nʼwana Saule, a nala wa wena loyi a nga wa hlota wutomi ga wena. Inyamutlha Jehova i photele a hosi ya hina ka Saule ni pswalo wakwe!

Joba 27:22

Hakuva Nungungulu i ta mu tlhava, a nga mu neneki; I ta lava ku nyemuka canjeni gakwe a tsutsuma.

Tisimu 116:15

Ku na ni lisima mahlweni ka Jehova A kufa ka vakubasa vakwe.

Tisimu 54:3

Hakuva a vamatiko va nzi vukela, A zigevenga va hlota wutomi ga mina; Cima a va cuwukeli Nungungulu hi mahlo yabye. (Sela.)

Tisimu 66:9

Loyi a hanyisileko mihefemulo ya hina, A nga vumelangi lezaku a mikonzo ya hina yi khuveka.

Jeremia 10:18

Hakuva Jehova i ngalo: Lexi xikhati nzi ta cukumeta kule a vaaki va tiko, Nzi ta va xanisa va kala va zizwa, vaku:

Malaki 3:17

Jehova wa tiyimpi i ngalo: Va tava vanhu va mina a sikwini legi nzi ta nga tira a ntiro wa mina, vava tshomba ya mina; nzi ta va tsetselela kukotisa a munhu loyi a tsetselelako a nʼwana loyi a mu tirelako. Ekso. 19:5; Tit. 2:14; 1 Ped. 2:9

Johani 14:19

Ka ha hi xikhatanyana, zonake a tiko gi nga ta ha nzi wona; kanilezi nwina mu ta nzi wona, hakuva nza hanya, na nwina mu ta hanya. Xip. 16:16; 1 Kor. 15:20

Johani 17:21

aku kasi vontlhe va fela kuva munwe, kota lezi wena Dadani u nga ka mina, na mina nzi nga ka wena, lezaku na vona va fela ku tshama ka hina; kasi a tiko gi ta kholwa lezaku u nzi rumile. Xip. 10:38; Rom. 12:5; Gal. 3:28

Johani 17:23

mina ka vona, na wena ka mina, kasi vava munwe hi kumbheleleko; kasi a tiko gi fela ku zi tiva lezaku u nzi rumile, niku, u va ranzile kota lezi u nzi ranzileko. Kol. 3:14

Deuteronome 33:29

U katekile wena, Israeli! Himani a fananako na wena, Wena tiko u hanyiswako hi Jehova! A nga xitlhangu xi vikelako, Ni supado ya wukulu ga wena! A valala va wena va ta khoziswa mahlweni ka wena, Kanilezi wena u ta kanzihela a matshamu yabye ma tlakukileko!

1 Pedro 1:5

nwina lava mu hlayiswako hi ntamu wa Nungungulu hi kukholwa, kasi ma kuma a kuhanyiswa loku ku longileko ku wonekeliswa xikhatini xo gumesa. Joh. 10:28

1 Samueli 2:9

Wa hlayisa a mikonzo ya lava va kubasa vakwe, Kanilezi a vakubiha va ta lova lomu munyameni; Hakuva a munhu a nga ta humelela hi ntamu wakwe.