1 Samueli 25:18 - Tshwa Bible

¹⁸ Zonake Abigaili i lo hatlisa a teka mazana mambiri ya zibaba, ni tinghotso timbiri ta vinya, ni ntlhanu wa tiyivu ti bhikilweko, ni ntlhanu wa zirunzu za mavele ma wocilweko, ni zana ga zitata za tisote ta mauva ma womileko, ni mazana mambiri ya zikhekhetselo za makuwu, a zi tlhateka mbongoleni.

1 Samueli 25:18 ပူးပေါင်းရင်းမြစ်များ

2 Samueli 16:1

Laha Davida a nga wa hunzile kutsongwani hehla ka xitsunga, ku lota Ziba, a nanza ga Mefiboxete, mahlweni kakwe na hi ni timbongola timbiri na ti rwele 200 wa zibaba, ni 100 wa zitata za tisote ta mauva, ni 100 wa zikhekhetselo za mihanzu, ni karafawu ya vinya.

1 Kronekele 12:40

Hambu lava va nga wa akile lomu kusuhani, kala ku chikela ka va ka Isakari, na Zebuloni, na Naftali, vonawu va wa neha timbuva hi timbongola, ni makameli, ni mamula, ni tihomu, va neha timbuva ta mapa, ni zikhekhetselo za makuwu ma womileko, ni mihanzu ya mauva ma womileko, ni vinya, ni mafura, ni tihomu, ni tiyivu to tala nguvu, hakuva a va ka Israeli va wa tsakile.

Mavingu 18:16

A xinyikiwo xa munhu xa mu mahela wutshamu; i mu tshineta mahlweni ka vanhu va hombe,

Mavingu 21:14

A xinyikiwo xa le xihundleni xi bohlisa zanga; i nchachazelo wa le kufihlaleni wu bohlisa khulo ga hombe.

Mavingu 31:12

I ta mu mahela zinene, na ku nga hi kubiha, ontihe masiku ya kuhanya kakwe.

Mateu 5:25

Hatlisa u vumelana ni loyi a ku kecarako na wa ha hi naye laha ndleleni; ku nga taku a mukecari wa wena a ku yisa ka mulamuli, a mulamuli a ku nyikela ka nyakasani u valelwa paxweni. Mav. 25:8; Lu. 12:58, 59

1 Samueli 17:17

Jese i te ngalo ka Davida nʼwana wakwe: Teka a efa leyi ya mavele ma katingilweko, ni zibaba lezi za khume za sevada, u heleketa ka vanakuloni le wugovelweni hi kuhatlisa.

1 Samueli 25:17

Hikwalaho zi tive u ehleketa lezi u ta nga maha, hakuva ku xubyiwa ku mahiwa mhango ka hosi ya hina ni yindlu yakwe yontlhe, kanilezi na a hi munhu wa tihanyi, loyi hi tsanzekako ku Wulawula naye.

1 Samueli 25:34

Loku ku wa nga hi lezi Jehova Nungungulu wa ka Israeli a nga nzi valela ku ta ku mahela za kubiha, nzi hlambanya hi Jehova a hanyako, loku u wa nga hatlisangi ku ta nzi khinga, ngha ku nga salangi na nchumu ka Nabali, hambu ni munhu munwe wa xinuna, na gambo gi nga se huma.