1 Samueli 25:10 - Tshwa Bible

¹⁰ Nabali i lo hlamula malanza ya Davida, aku: Xana himani Davida? Himani nʼwana Jese? Masiku lawa ma tele malanza ma pfowolako ka venyi va wona!

1 Samueli 25:10 ပူးပေါင်းရင်းမြစ်များ

2 Samueli 20:1

Makunu ku lo humelela a nyamijiri wa wanuna, a vito a nga hi Xeba nʼwana Bikiri a muBenjamini. I loba mpunzu, aku: Hina a hi na xiavelo ka Davida, ge hambu tshomba ka nʼwana wa Jese! Va ka Israeli, munwe ni munwani wa nwina a fambe tendeni gakwe!

1 Tihosi 12:16

Laha vontlhe va ka Israeli vanga wa wonile lezaku a hosi a yi va ingisangi, a vanhu va lo hlamula hosi, vaku: Hi na ni xiavelo muni na Davida ke? Hina a hi na tshomba ni nʼwana Jese! Va ka Israeli, fambani matendeni ya nwina! Wena Davida, cuwuka a yindlu ya wena nwinyi! Zinghaho a va ka Israeli va lo tlhelela matendeni yabye.

Eksodusi 5:2

Zonake Faro aku ka vona: Himani Jehova, wo kala nzi ingisa a gezu gakwe, nzi tsika va ka Israeli va famba ke? Jehova a nzi mu tivi, va ka Israeli cima nzi nga ta va tsika va famba.

Mavingu 15:1

A hlamulo wu olovileko wu rengisa khulo, anilezi a timhaka ti tlhavako ti vindlusa zanga. 1 Sam. 25:23; Mav. 25:15

Mutshawuteli 7:10

U nga wuli, uku: Hikuyini a masiku ya kale ma nga hi chukwana ku hunza lawa ke? hakuva cima a ku wutisi lezo hi wutlhari.

Isaya 32:5

A xipumbu xi nga ta ha vitwa lezaku xi dzunzekile, Ni mukanganyisi a nga ta ha vitwa a wahombe.

Isaya 32:7

A matlhari ya mukanganyisi ma bihile, I aka mano yo lovisa lava va vumalako hi ku hemba mawunwa, Hambu loku a mhaka ya muvumali yi hi yinene.

Valamuli 9:28

Gaali nʼwana Ebedi aku: Himani Abimeleki, himani Xekemi wo kala hi mu khozela? A hi yena nʼwana Jerubaali ni nduna yakwe a hi Zebula ke? Khozelani a vanhu va Hamori a nga hi raru wa Xekemi! Kanilezi Abimeleki hina hi ta mu khozelela yini? Gen. 34:2

1 Samueli 20:30

Zonake Saule i lo zangarela Jonatani, aku kakwe: Wena nʼwana wa wasati wo biha a hluwukileko, nzo kala nzi nga zi tivi mina lezaku ma zwanana ni nʼwana Jese, a kuva tingana ta wena ni tingana ta wumbyiri ga nyine wa wena ke?

1 Samueli 22:2

Zonake ku lo tsombana ka yena vontlhe vanhu lava Va nga wa hlokiswa, ni vontlhe lava va nga wa hi ni milanzu, ni vontlhe lava va nga kala ku tshameka, va lo tsombana kakwe, yena a maha murangeli wabye. A vanhu lava va nga hi zinwe naye ko khwatsi va wa hi 400 wa vavanuna.

1 Samueli 25:9

A majaha ya Davida ma lo ya chikela ma hlawutela Nabali a timhaka tontlhe ta Davida, ma gumesa.