1 Samueli 24:11 - Tshwa Bible

¹¹ Tlhatakumbiri, dada, hi nga wona a nguwo ya wena mandleni ya mina, nzi yi tsemileko laha ka nguwo ya wena; cima a nzi ku dayangi. Cuwukake u zi tiva lezaku ku hava wulala ni kubiha canjeni ga mina, ni lezaku mina a nzi ku gohelangi nchumu. Kanilezi wena wa hlota wutomi ga mina.

1 Samueli 24:11 ပူးပေါင်းရင်းမြစ်များ

2 Samueli 1:14

Davida i te ngalo kakwe: Hi kuyini u nga kala ku chava ku tlakusa a canja ga wena u lovisa a totilweko wa Jehova?

2 Tihosi 5:13

Kanilezi a malanza yakwe ma lo tshinela kusuhani kakwe, maku: Dada, loku muprofeti a wa ku byelile a xilo xo binza, ngha u nga xi mahi ke? Makunu loku a ku byelile ku ngalo hlamba u ta hlazeka, a ku faneli a kuva u zi maha lezo ke?

Joba 10:16

Loku nzi wa ta tlakusa hloko wena wa nzi hlota kukotisa nghala yo tshisa, U ti wonekelisa ka mina hi kuhlamalisa.

Tisimu 119:161

A tihosana ta nzi xanisa handle ka nanzu, Kanilezi a mbilu ya mina yi chava mhaka ya wena.

Tisimu 140:11

A munhu wa mawunwa ngha a nga humeleli misaveni; A munhu wa tihanyi i ta susumetelwa makhombyeni hi kubiha.

Tisimu 35:7

Hakuva ahandle ka mhaka va nzi dembele ntlhamu; Va nzi kelele rinzi go susa wutomi ga mina ahandle ka xigelo. Miti. 22:15

Tisimu 59:3

Hakuva va nzi xiyelela; A vanhu va lunya va tsombana va nzi vukela; Hambu nzi nga hambunyetangi ne ni ku onha, Jehova.

Tisimu 7:5

Ngha a nala a hlongolisa a muhefemulo wa mina, a wu khoma, A kanzihelela a wutomi ga mina lahasi, A hoxa muhefemulo wa mina tshurini. (Sela.)

Mavingu 15:1

A hlamulo wu olovileko wu rengisa khulo, anilezi a timhaka ti tlhavako ti vindlusa zanga. 1 Sam. 25:23; Mav. 25:15

Mikosi 4:18

Va xiya kufamba ka hina, lezaku hi nga dzuki hi fambafamba maruweni ya hina. A kugumelwa ka hin, ku tshinele, a masiku ya hina ma mbhelile, hakuva a kugumelwa ka hina ku chikele.

Ezekieli 13:18

Hosi Jehova i ngalo: Khombo ka vavasati lava va rungelako a zitshikelo lomu ka magunyungu ya mawoko, va mahako tilesu to ringana tihloko ta tixakaxaka, kasi ku hlota mihefemulo! Xana mu ta hlota mihefemulo ya vanhu va mina, mu wuya mu ponisa ya nwina wutsumbu ke?

Mika 7:2

A vanhu va nene va nyamalele misaveni, ku hava loyi a lulamileko xikari ka vanhu. Vontlhe va xiyelela ku halata nkhata, a munwe ni munwani i hlota nakulobye hi tlhamu.

Johani 15:25

Kanilezi yi fela ku tatisekisa lezo a mhaka leyi yi tsalilweko nayweni wabye, yaku: Va nzi vengile mahala. Tis. 35:19

1 Samueli 12:3

Hi mina loyi; nzi kustumunyeleni mahlweni ka Jehova ni mahlweni ka a totilweko wakwe. I nkavi ya mani nzi tekileko? I mbongola ya mani nzi tekileko? Himani nzi mu phangileko? Himani nzi mu xanisileko? Kutani ku ngava mani nzi amukeleko hi kakwe a nchumu wo nzi rengelela ke? Nzi ta mu tlhelisela. Miti. 20:33

1 Samueli 18:27

Davida a suka a famba ni vanhu vakwe, a ya daya mazana mambiri ya vavanuna lomu xikari ka vaFilistia; zonake Davida i lo neha wukhuna gabye gi ya nyikelwa ka hosi wontihe tsengo wa gona, kasi yena wa fela kuva mwane wa hosi. Zonake Saule i lo mu nyika a nʼwana wakwe a kuva sati wakwe.

1 Samueli 23:14

Davida i lo tshama xiwuleni lomu makhokholeni ni lomu zitsungeni za le xiwuleni xa le Zife. Saule i wa mu hlota wontihe masiku, kanilezi Nungungulu a nga mu nyikelangi mandleni yakwe.

1 Samueli 23:23

Mu ta ya wona ni ku tiva kontlhe lomu a tumbelako kona; zoriake mu ta wuya ka mina mu ta nzi byela lisine, kasi nza famba na nwina. Loku a hi kona lomu tikweni lego, nzi ta mu hlota lomu xikari ka mazanazana ya ka Juda.

1 Samueli 25:28

Tsetselela a nanza ga wena ka nanzu lowu, hakuva Jehova i ta tiyisa futsi a yindlu ya hosi ya mina, hakuva a hosi ya mina yilwa a yimpi ya ka Jehova, cima ni kubiha ku nga ta kumiwa ka wena ka wontihe masiku ya wena.

1 Samueli 26:18

I lo wutisa aku: Hi kuyini a hosi ya mina yi hlongola a nanza gakwe? Xini nzi mahileko? Xionho muni xi nga mandleni ya mina?

1 Samueli 26:20

Hikwalaho a nkhata wa mina wu nga dzuki wu wela lahasi kule ni nghohe ya Jehova, hakuva a hosi ya ka Israeli yi humile a ku ta hlota a cuwani, khwatsi hi loku munhu a hlongolisa tihwari lomu zitsungeni.

1 Samueli 26:23

Jehova i ta tlhelisela ka munwe ni munwani hi wunene gakwe ni kutsumba kakwe, hakuva inyamutlha Jehova i wa ku vekile mandleni ya mina, kanilezi mina a nzi ranzangi a ku tlakusa a canja ga mina hehla ka a totilweko wa Jehova.