1 Samueli 22:3 - Tshwa Bible

³ Davida i lo suka laho aya le Mizpa wa le Moabi; i te ngalo ka hosi ya Moabi: Nza ku kombela lezaku a raru wa mina ni mamani wa mina va tshama ka wena, kala nzi tiva lezi Nungungulu a ta nga maha ha mina.

1 Samueli 22:3 ပူးပေါင်းရင်းမြစ်များ

Genesisi 47:11

Josefa i lo akisa a raru wakwe ni vanakulobye lomu tikweni ga Gipite; i lo va nyika wutshamu go nona tikweni ga Ramsesi, kota kuleletela ka Faro.

2 Samueli 8:2

Zonake i lo hlasela a vaMoabi, a va etlelisa lahasi, a va pima hi lingoti; lava va nga wa ringana tingoti timbiri i lo va daya; lava va nga wa ringana lingoti linwe i lo va tsika va hanya. Zinghaho a vaMoabi va lo maha malanza ya Davida, va luva yena. Mitse. 24:17

Eksodusi 20:12

Chava raru wa wena ni nyine wa wena, kasi a masiku ya wena ma ta engetelwa tikweni legi u nyikilweko hi Jehova, Nungungulu wa wena. Mat. 15:4; Mar. 7:10; Efe. 6:2

1 Timote 5:4

Kanilezi loku a noni yi hi ni vana kutani vazukulu, ngha vona va ranga ku kombisa xichawo ka va ka kabye, ni ku va tlhelisela mulere a vapswali vabye; hakuva lezo za amukeleka mahlweni ka Nungungulu. Mat. 15:4

Valamuli 11:29

Zonake a Moya wa Jehova wu lota hehla ka Jefta. I lo tsemakanya a tiko ga Gileade, ni ga Manasa, a hunza a tsemakanya Mizpa wa Gileade, aya ka vanana va ka Amoni.

Rute 4:10

Tlhatakumbiri, nzi tekile na Rute a muMoabi, a sati wa Mahloni, kasi nzi fela ku vuxa a vito ga matsuva, kasi gi nga fuvi xikari ka vanakulobye ni laha hubyeni yabye. Nwina mu timboni nyamutlha.

Rute 4:17

A vaakelane vakwe va vavasati va lo xi chula vito, vaku: Naomi i pswalelwe xihlangana; va lo mu chula vito ga Obedi. Hi yena a raru wa Jese, a raru wa Davida.

1 Samueli 14:47

Zinghaho laha Saule a nga wa enghenile kufumeni ka ku fumela Israeli, i lo hlasela vontlhe valala lava va nga wa mu ranzele va mu veka xikari, va nga vona vaMoabi, ni va ka Amoni, ni vaEdomi, ni tihosi ta le Zoba, ni vaFilistia; ni kwihi laha a nga waya, i wo ya hlula.

1 Samueli 22:2

Zonake ku lo tsombana ka yena vontlhe vanhu lava Va nga wa hlokiswa, ni vontlhe lava va nga wa hi ni milanzu, ni vontlhe lava va nga kala ku tshameka, va lo tsombana kakwe, yena a maha murangeli wabye. A vanhu lava va nga hi zinwe naye ko khwatsi va wa hi 400 wa vavanuna.

1 Samueli 22:4

Zonake i lo va neha mahlweni ka hosi ya le Moabi; va lo tshama ka yena wontihe masiku lawa Davida a nga wa tshama lomu makhokholeni.

1 Samueli 3:18

Zonake Samueli i lo hlawutela zontlhe, a nga mu fihlelangi ni xilo xinwe. Zonake Eli i te ngalo: Hi Jehova; a mahe lezi zi sasekileko kuwoneni kakwe.