1 Samueli 22:23 - Tshwa Bible

²³ Tshama na mina, u nga chavi. Hakuva loyi a hlotako wutomi ga mina hi yaloye a hlotako ga wenawu; mina nzi ta ku hlayisa.

1 Samueli 22:23 ပူးပေါင်းရင်းမြစ်များ

2 Samueli 9:7

Davida aku kakwe: U nga chavi, hakuva nzi lava ku ku mahela tipswalo hi kota ya raru wa wena Jonatani. Nzi ku tlhelisela a sava gontlhe ga Saule a raru wa wena; kasike masiku wontihe wena u taga laha mezeni na mina.

1 Tihosi 1:7

Yena i lo wulawula na Joabe wa Zeruia, na mupristi Abiatari; na vona va lo lanzela Adonija va mu vunetela.

1 Tihosi 2:26

Kanilezi mupristi Abiatari, a hosi yi te ngalo kakwe: Suka uya masinwini ya wena le Anatote, hi lezi wenawu u fanele kufa; kanilezi inyamutlha nzi nga ta ku daya, hakuva u wa rwala a arke ga Hosi Jehova mahlweni ka dadani wa mina Davida, ni kambe u wa xaniseka zinwe na dadani ka zontlhe zikarato zakwe.

Mateu 24:9

Hi xikhati lexo va ta mu nyikela kuxanisekeni, va mu daya; mu ta vengiwa hi matiko wontihe hi kota ya vito ga mina. Xip. 10:17; Mar. 13:9; Lu. 21:12

Johani 15:20

Alakanyani a mhaka leyi nzi nga mu byela, nziku: A nanza a hi ga hombe ku hunza a hosi ya gona. Loku va xanisile mina, va ta xanisa na nwina kambe; loku va hlayisile a mhaka ya mina, va ta hlayisa ni va nwina kambe. Ezek. 3:7; Mat. 10:24; Xip. 13:16

Johani 17:12

Na nza ha hi navo, nzi lo va hlayisa vitweni ga wena, legi u nzi nyikileko gona; nzi va gongile, a ku na munwe a lovileko, saseka a nʼwana wa kulova, kasi a mitsalo yi fela ku tatiseka. Tis. 109:8; Maheb. 2:13; 1 Joh. 2:19

Johani 18:9

Hakuva yi wa fanele ku tatiseka a mhaka leyi a nga yi wulile, yaku: A nzi lahlangi ni munwe wa lava u nzi nyikileko vona. Xip. 17:12

1 Samueli 23:17

aku kakwe: U nga chavi, hakuva a canja ga dadani Saule gi nga ta ku kuma; wena u ta fumela va ka Israeli, mina nzi tava nduna ya wena, dadani Saule wa zi tivawu lezo.