1 Samueli 22:2 - Tshwa Bible

² Zonake ku lo tsombana ka yena vontlhe vanhu lava Va nga wa hlokiswa, ni vontlhe lava va nga wa hi ni milanzu, ni vontlhe lava va nga kala ku tshameka, va lo tsombana kakwe, yena a maha murangeli wabye. A vanhu lava va nga hi zinwe naye ko khwatsi va wa hi 400 wa vavanuna.

1 Samueli 22:2 ပူးပေါင်းရင်းမြစ်များ

2 Samueli 17:8

Huxai i lo engeta aku: Wena wa gi tiva wunhenha ga raru wa wena ni ga vanhu lava a nga navo; va leva ku fana ni urso gi lahlekelweko hi vanana va gona lomu khwatini; ni kambe a raru wa wena munhu wa yimpi, a nga tshami ni wusiku laha vanhwini,

2 Samueli 5:2

Hambu xikhatini xa kale, na Saule a ha fuma, hi wena u nga wa humesa ni ku wuyisa lomu ka Israeli. Jehova i te ngalo ka wena: Hi wena u ta nga risa a vanhu va mina va ka Israeli, uva hosi lomu ka va ka Israeli.

2 Tihosi 20:5

Tlhela uya ka Hezekia, a murangeli wa vanhu va mina, u yaku kakwe: Jehova Nungungulu wa dadani wa wena Davida, i ngalo: Nzi zwile mukhongelo wa wena, nzi wonile mihloti ya wena; nzi ta ku hanyisa. Hi siku ga wunharu u ta kanziha uta ndlwini ya Jehova.

2 Tihosi 4:1

Makunu a munwe wa vasati va vapizani va vaprofeti i loba huwa ka Elixa, aku: A nanza ga wena, a nuna Wa mina, i file! Wena wa zi tiva lezaku i wa hi munhu loyi a nga wa chava Jehova. Makunu loyi a nga wa mu pembile i tile ku ta teka a vana va mina va vambiri a ya va maha tikhumbi takwe! Levi 25:39; Mat. 18:25

Mavingu 31:6

Nyika byala ka loyi a longileko ku lova, i vinya ka loyi a nga lomu hlomulweni.

Mateu 11:12

Ku sukela masikwini ya Johani Mubapatizi ku kala makunu a mufumo wa tilo wu engheniwa hi ntamu, wu wutliwa hi lava va nga ni ntamu. Lu. 16:16

Mateu 11:28

Tanani ka mina, nwina nwentlhe mu tirako ni ku binzwa, nzi ta mu humuta.

Maheberu 2:10

Hakuva zi wa mu fanele Nungungulu, loyi zontlhe zi mahelweko yena, na zi mahilwe hi yena, lezaku loku a neha vana vanyingi kungangameleni, a fela ku mbhelelisa hi kuxaniseka a muvangi wa kuhanyiswa kabye. Lu. 24:46; Miti. 3:15; Rom. 11:36

Valamuli 11:3

Zonake Jefta i lo tsutsuma a chava vanakulobye, a ya aka le Toba. Ku lo huma a vavanuna va zihunza-milayo, va tsombana ka Jefta va hloma zinwe naye.

Valamuli 18:25

A vanana va ka Dani vaku kakwe: U nga zwati a gezu ga wena, u nga tshekulelwa hi vavanuna va xizangazangani u dawa ni vanhu va muti wa wena.

1 Samueli 1:10

A moya wa Hana wu wa karateka; i lo khongela ka Jehova, a tsikwila,

1 Samueli 22:3

Davida i lo suka laho aya le Mizpa wa le Moabi; i te ngalo ka hosi ya Moabi: Nza ku kombela lezaku a raru wa mina ni mamani wa mina va tshama ka wena, kala nzi tiva lezi Nungungulu a ta nga maha ha mina.

1 Samueli 23:13

Zonake Davida i lo huma lomu Keila ni vanhu vakwe va 600, va famba va renzelekela kota lezi va nga zi kotisa zona. Zonake ku lo tibyiswa Saule lezaku Davida i tsutsumile le Keila; Saule a si thindekisa a yimpi yakwe.

1 Samueli 25:13

Zonake Davida i te ngalo ka vanhu vakwe: A munwe ni munwani a ti bohe a supado yakwe! Zonake vontlhe va lo hloma; yenawu Davida i lo hloma. Va wa hi 400 wa vavanuna; va lo kanziha naye. Kanilezi ku wa sele 200 wa vavanuna nhunzwini.

1 Samueli 30:6

Davida i wa hi hlomulweni wa hombe nguvu, hakuva vanyingi va wa alakanya ku mu gandla hi maribye, hakuva a timbilu ta vanhu vontlhe ti wa hi hlomulweni, hilezi loyi ni loyi i wa karatekela a vafana vakwe ni vanhanyana vakwe. Kanilezi Davida i lo ti tiyiseta hi Jehova a Nungungulu wakwe.

1 Samueli 9:16

Manziko hi xwalexi xikhati nzi ta ku rumela a munhu wa le tikweni ga ka Benjamini u ta mu tota kasi a fela ku maha murangeli wa vanhu va mina va ka Israeli; i ta tlhatlhisa a vanhu va mina mandleni ya vaFilistia. Hakuva nzi zwile kurila ka vanhu va mina. Ekso. 3:9