1 Samueli 22:17 - Tshwa Bible

¹⁷ A hosi yi te ka masochwa lawa ma yi yimeletelako: Hunzulukani mu daya vapristi va Jehova, hakuva vonawu va zwanana na Davida; va zi tivile khwatsi lezaku i lo tsutsuma, kanilezi a va nzi tivisangi nchumu. Kanilezi a masochwa yakwe ma lo ala ku daya vapristi va Jehova.

1 Samueli 22:17 ပူးပေါင်းရင်းမြစ်များ

2 Samueli 15:1

Anzhako ka lezo Absalome i lo ti longisela a kareta ni mahaxi, ni 50 wa vavanuna lava va nga tsutsuma mahlweni kakwe. 1 Tih. 1:5

1 Tihosi 1:5

Zonake Adonija nʼwana Haggite i lo ti kulisa, aku: Mina nzi tava hosi! I lo ti lavela a tikareta ni vakhileli va mahaxi, ni 50 wa vavanuna lava va nga wa tsutsuma mahlweni kakwe. 2 Sam. 3:4; 1 Kro. 3:2

1 Tihosi 14:27

A wutshanwini ka lezo zi tekilweko, Rehoboamu i lo maha zinwani zitlhangu za suku, a zi veka mandleni ya tinduna ta yimpi leti ti hlayisako a nyangwa ya yindlu ya hosi.

1 Tihosi 18:4

hakuva xikhatini lexo Jezebeli a nga hlasela a vaprofeti va Jehova, Obadia i wa tekile a zana ga vaprofeti, a va avanyisa hi mitlawa mimbiri ya 50 a munwe, a va fihla lomu muhumeni, a va phamela ni ku va nwisa.

2 Tihosi 10:25

Laha na va mbhetile ku nyikela muphahlelo wa kuhiswa, Jehu i te ngalo ka tinhenha ni ka tinduna: Enghenani mu va daya vontlhe! Ku nga poni ni munwe! A tinduna ni tinhenha ti lo va daya ti va hoxa lahandle, va suka vaya mutini wa yindlu ya Baali.

Eksodusi 1:17

Kanilezi a masungukati ma lo chava Nungungulu; a ma mahangi kota lezi a hosi ya Gipite yi nga va leletele ku maha; kanilezi va lo ponisa vafana.

Mitiro 4:19

Kanilezi Pedro na Johani, va lo va hlamula, vaku: Kutani zi sasekile mahlweni ka Nungungulu a ku ingisa nwina ku hunza ku ingisa Nungungulu, lamulani ha nwece; Xip. 5:29; Gal. 1:10

1 Samueli 14:45

Kanilezi a vanhu va te ngalo ka Saule: Xana Jonatani i tafa, yena loyi a tirileko a kuhanyisa ka hombe ka ku nghahi lomu ka Israeli ke? Za hava lezo! Hi hlambanya ha Jehova a hanyako, cima ku nga ta kuva kona ni munwe a sisi wa hloko yakwe wu ta ngawa lahasi, hakuva Jonatani i tirile na Nungungulu legi siku! Zinghaho a vanhu va lo tlhatlhisa Jonatani, a nga dawi.

1 Samueli 2:31

A masiku mata, lawa nzi ta nga tsema ha wona a woko ga wena ni woko ga yindlu ya raru wa wena, kasi ku ngavi kona a munhu wo khosahala lomu ndlwini ya wena.

1 Samueli 20:33

Saule i lo xiririta a tlhari gakwe, a lava ku mu gwaza ha gona; hilezo Jonatani i lo zi tiva lezaku hakunene a mhaka yi tiyile ka raru wakwe lezaku i ta daya Davida.

1 Samueli 22:13

Saule aku kakwe: Hi kuyini mu nzi hleva, wena ni nʼwana Jese, ko kala u mu nyika zibaba ni supado, ni ku mu wutisela ka Jehova, kasi a fela ku nzi vukela a nzi xiyelela lomu tindleleni, kota lezi a mahako nyamutlha ke?

1 Samueli 22:16

A hosi yiku kakwe: Hakunene wena Ahimeleki u tafa zinwe ni yontlhe yindlu ya raru wa wena.

1 Samueli 25:17

Hikwalaho zi tive u ehleketa lezi u ta nga maha, hakuva ku xubyiwa ku mahiwa mhango ka hosi ya hina ni yindlu yakwe yontlhe, kanilezi na a hi munhu wa tihanyi, loyi hi tsanzekako ku Wulawula naye.

1 Samueli 8:11

aku: A malungelo ya hosi leyo yi to mu fumela, hi lawa: I ta teka a vana va nwina a va kanzihisa lomu ka tikareta takwe ni mahaxi yakwe, va ta tsutsuma mahlweni ka kareta yakwe.