1 Samueli 20:32 - Tshwa Bible

³² Jonatani i lo hlamula raru wakwe Saule, aku: I ta dawa hi kota ya yini? Xini a mahileko ke?

1 Samueli 20:32 ပူးပေါင်းရင်းမြစ်များ

Genesisi 31:36

Jakobe i lo zangara a holova na Labani, aku ngalo kakwe: Wu kwihi a nanzu wa mina? Hi xihi xihoxo xa mina xo kala u nzi lanza na u zangarile?

Mavingu 22:24

U nga mahi wuxaka ni munhu wa xizangazangani, nga fambi ni munhu a zangarileko;

Mutshawuteli 7:9

U ngave ni moya wa ku hatlisela ku zangara, hakuva a zanga yi tshama timbilwini ta zipumbu.

Mutshawuteli 9:3

Loku hi kubiha xikari ka zilo zontlhe zi mahiwako lahasi ka gambo, hi lezaku xilo xinwe xi humela vontlhe. Ina, a timbilu ta vana va vanhu ti tele hi kubiha, a wuhunguki gi lomu timbilwini tabye kuhanyeni kabye; anzhako ka lezo vaya ka vafileko.

Jeremia 17:9

A mbilu yi khohlakele ku hunza zilo zontlhe, Yi bolile, yi nga tibyiwa hi mani ke? Tis. 1:3

Mateu 27:23

Yena aku: Hikuyini, kubiha muni a ku mahileko ke? Kanilezi va lo kanyuluka nguvu, vaku: Ngha a belelwa!

Luka 23:22

Pilatu aku ngalo kabye hi xikhati xa wunharu: Hikuyini, kubiha muni a ku mahileko ke? A nzi kumangi ka yena xigelo xaku i fanele kufa ha xona; hikwalaho nzi ta muba, nzi mu tlhatlha.

Johani 7:51

Xana a nayo wa hina wa kona munhu na va nga rangangi hi ku mu hlola, ni ku tiva lezi a zi mahileko ke? Deut. 1:17; 17:8; 19:15

1 Samueli 18:11

Saule i lo tlakusa a tlhari na aku mbilwini yakwe: Nzi ta gwaza Davida nzi mu patsa ni khurisi. Kanilezi Davida i lo vika zikhati zimbiri mahlweni kakwe.

1 Samueli 19:4

Jonatani i lo Wulawulela Davida ka raru wakwe Saule, aku: Ngha hosi yi nga dzuki yi onha hi ku vukela a nanza ga yena Davida, hakuva a nga ku onhelangi nchumu, kanilezi lezi a mahileko hi lezi zi ku vunako nguvu.

1 Samueli 19:5

Hakuva yena i ti enghenisile mhangweni a hlasela vaFilistia, na Jehova i hlulele vaIsraeli ha hombe. Wena u zi wonile ha wece u kala u tsakiswa ha zona. Makunu u ta mahisa kuyini ku onha hi nkhata lowu wu nga hiko na nanzu, u daya Davida ahandle ka xigelo?

1 Samueli 20:1

Davida i lo tsutsuma le Naiote wa Rama aya ka Jonatani a ya ku kakwe: Xini nzi mahileko? I nanzu muni nzi nga nawo, na xi hi xionho muni nzi onheleko raru wa wena lezi a hlotako wutomi ga mina?

1 Samueli 20:7

Zonake loku yena aku: Matsenya! a nanza ga wena gi tava ni kurula. Kanilezi loku a zangara, u ta zi tiva lezaku i na ni xikungo xo biha.

1 Samueli 22:14

Ahimeleki a hlamula, aku kakwe: Himani xikari ka wontihe malanza ya wena a tsumbekileko kota Davida mwane wa hosi, yi nga yona a nduna leyi yi ku ingisako lomu makungweni ya wena, ni loyi a dzunzekileko lomu ndlwini ya wena ke?