1 Samueli 2:28 - Tshwa Bible

²⁸ Nzi wuya nzi mu hlawula xikari ka tontlhe tixaka ta ka Israeli lezaku a maha mupristi wa mina ni kuva a phahlela le alatini ga mina, ni ku hisa tibani to nuhela, ni ku ambala a efode mahlweni ka mina. Xana a nzi nyikangi ka yindlu ya raru wa wena yontlhe miphahlelo leyi yi hiswako hi va ka Israeli ke?

1 Samueli 2:28 ပူးပေါင်းရင်းမြစ်များ

2 Samueli 12:7

Zonake Natani i te ngalo ka Davida: A munhu loye hi wena! Jehova Nungungulu wa ka Israeli i te ngalo: Nzi ku totile a kuva hosi hehla ka va ka Israeli, nzi ku tlhatlhisa mandleni ya Saule.

2 Samueli 6:14

Zonake Davida a kina hi ntamu wakwe wontihe mahlweni ka Jehova, na ambele a efode ya wukene.

Eksodusi 28:1

U ta tshineta nakuloni Aroni ni vana vakwe kusuhani ka wena, u va hlawula xikari ka vanana va ka Israeli, kasi va tira a ntiro wa wupristi mahlweni ka mina: ku tava yena Aroni, ni vana vakwe, Nadabi, na Abihu, na Eleazari, na Itamari.

Eksodusi 28:4

A tinguwo leti va ta nga ti maha hi leti: a ngenge ya laha xifuveni, ni efode, ni bhaji go leha, ni hembe, ni xihuku, ni bhandi. Va ta mahela nakuloni Aroni ni vana vakwe a tinguwo leti ti basileko, kasi va fela ku tira a ntiro wa wupristi mahlweni ka mina.

Eksodusi 30:7

Aroni i ta hisela laho a libani ni mixo; masiku wontihe loku a longisa a tikandiya i ta hisa libani.

Eksodusi 30:8

Laha gambyeni kambe loku Aroni a lumeka a tikandiya, i ta hisa libani; leli li tava libani la kala kupinzuka mahlweni ka Jehova ka zizukulwana za nwina.

Levi 2:10

Lezi zi seleko ka munyikelo, za Aroni ni vana vakwe; zilo lezi zi basileko nguvu xikari ka miphahlo leyi yi hiselwako Jehova.

Levi 2:3

Lezi zi seleko ka munyikelo, za Aroni ni vana vakwe. Zilo lezi zi basileko nguvu xikari ka miphahlelo leyi yi hiselwako Jehova.

Levi 6:16

Lezi zi to sala zi ta giwa hi Aroni ni vana vakwe. Va ta ziga ni zibaba zi nga comelwangiko wutshanwini go basa, lomu hubyeni ya tabemakeli ga mutlhangano.

Levi 7:32

A miphahlweni ya nwina ya kurula, mu ta nyika xinyikiwo ka mupristi lexi xi pambulweko, wu nga wona a nenge wa xinene.

Levi 7:36

Lexi Jehova a leleteleko a vanana va ka Israeli lezaku va va nyika, kusukela gona siku lego va totiwako ha gona, xi tava xiavelo xabye xa kala kupinzuka ka zizukulwana zontlhe.

Mitsengo 16:5

aku ngalo ka Kora ni ntlawa wakwe: Manziko Jehova i ta kombisa lava va nga vakwe, ni lava va basileko a kuva va tshinela ka yena; zonake loyi Jehova a ta nga mu hlawula, i ta mu tshineta kakwe.

Mitsengo 18:19

A minyikelo yontlhe leyi yi basilefeo, leyi a vanana va ka Israeli va yi nyikelako ka Jehova, nzi yi nyikile ka wena zinwe ni vana va wena, lezo zi tava xiavelo xa kala kupinzuka. Xivumelwano xa munyu xi tiyileko kala kupinzuka mahlweni ka Jehova, lexi xi ta ngava ka wena ni ka zizukulwana za wena.

1 Samueli 14:3

Ahija nʼwana Ahituba a nakulobye wa Ikabode nʼwana Fineasi wa Eli, a mupristi wa Jehova le Xilo i wa ambele a efode. Ni vanhu a va zi tivangi lezaku Jonatani i fambile.

1 Samueli 2:18

Kanilezi Samueli i wa khozela mahlweni ka Jehova na a ha hi nwanana, a ambala a efode ya wukene. Ekso. 28:4, 6