1 Samueli 19:5 - Tshwa Bible

⁵ Hakuva yena i ti enghenisile mhangweni a hlasela vaFilistia, na Jehova i hlulele vaIsraeli ha hombe. Wena u zi wonile ha wece u kala u tsakiswa ha zona. Makunu u ta mahisa kuyini ku onha hi nkhata lowu wu nga hiko na nanzu, u daya Davida ahandle ka xigelo?

1 Samueli 19:5 ပူးပေါင်းရင်းမြစ်များ

2 Samueli 23:10

I lo suka a hlasela a vaFilistia kala a canja gakwe gi karala gi namarela laha ka supado; Jehova i lo va mahela kuhlula ka hombe lego siku. Ni nzhako ka Eleazari a vanhu va lo wuyela ntsena ku ta phanga.

1 Kronekele 11:14

Va lo yima xikari ka simu va gi vikela, va hlasela vaFilistia, Jehova a va nyika kuhlula ka hombe.

1 Kronekele 11:18

A tinhenha leti tinharu ti lo Suka ti tsemakanya a mabutho ya vaFilistia, ti yakha mati le hlobyeni ya le nyangweni ya Betlehema, ti ma neha ka Davida; kanilezi Davida i lo ala ku manwa, a ma chulula mahlweni ka Jehova,

Tisimu 109:5

Va nzi tlhelisela kusasa hi kubiha, Va tlhelisela liranzo hi livengo.

Tisimu 119:109

A wutomi ga mina gi wa hi mhangweni ya kufa, Kanilezi a nzi rivali nayo wa wena. 1 Sam. 19:15

Tisimu 25:3

A ku wiswi tingana ni munwe wa lava va ku langutelako; Va ta wiswa tingana lava va kanganyisako handle ka xigelo.

Tisimu 69:4

Lava va nzi vengako handle ka nanzu Va tele ku hunza misisi ya hloko ya mina; Va na ni ntamu lava va hlotako ku nzi lovisa, Na va hi valala va mina handle ka xigelo. Nzi fanele ku tlhelisa lezi nzi nga yivangiko. Joh. 15:25

Tisimu 94:21

Va hlengeletanela a muhefemulo wa loyi a lulamileko, Va kona lava va nga hiko na nanzu.

Eksodusi 14:13

Zonake Mosi aku ka vanhu: Mu nga chavi; yimani mu wona a kuhanyisa ka Jehova loku a ta nga ku tira xikari ka nwina nyamutlha; hakuva a vaGipite lava mu va wonako makunu, cima mu nga ta ha va wona kambe.

Jeremia 26:15

Ntsena tivani lezaku, loku mu nzi daya, mu neha a nkhata wu nga hiko na nanzu hehla ka wutsumbu ga nwina, ni hehla ka muti lowu, ni hehla ka vontlhe va akileko ka wona; hakuva hi Jehova a nzi rumileko a ku ta kanela ka nwina tontlhe leti timhaka. Mat. 23:35

Mateu 27:24

Lezo Pilatu na a wonile lezaku a nga zi koti ku va rutisa, ntsena ku vuxa woyonga, i lo teka mati, a hlamba mandla yakwe mahlweni ka xidlemo, aku: A nzi na nanzu hi nkhata wa munhu loyi a lulamileko; ti woneleni nwina. Deut. 21:6

Mateu 27:4

aku: Nzi onhile lezi nzinyikeleko munhu a nga onhangiko nchumu. Kanilezi va te ngalo: Xini lexo ka hina? I mhaka ya wena!

Johani 15:25

Kanilezi yi fela ku tatisekisa lezo a mhaka leyi yi tsalilweko nayweni wabye, yaku: Va nzi vengile mahala. Tis. 35:19

Mitiro 20:24

Kanilezi a nzi khatali nchumu hi kuhanya ka mina, a nzi wuli lezaku ku na ni lisima ka mina, kasi nza fela ku mbheta a kufamba ka mina, ni ntiro lowu nzi wu amukeleko hi ka Hosi Jesu, lezaku nzi kustumunya hi ivangeli ya tipswalo ta Nungungulu. Xip. 1:17; Rom. 8:35; 2 Kor. 4:1, 16

Va le Filipi 2:30

Hakuva i wa hi kusuhani ni kufa hi kota ya ntiro wa Kristu, a nyikela wutomi gakwe mhangweni kasi ku ta nzi nyika lezi zi nga kiyela a ku nzi khozeleni ka nwina. 1 Kor. 16:17; Xip. 4:10

Maheberu 2:3

zonake hi ta ponisa kuyini loku hi ala a kuhanyiswa ka hombe ka kunghahi ke? loku ku nga wulawulwa kuranga hi Hosi, zonake ku tiyiswa ka hina hi vona lava Va nga yizwa. Isa. 45:17; Mat. 4:17; Mar. 1:14

Valamuli 12:3

Lezi nzi nga wona lezaku a mu nzi tlharihisi, a nzi wulangi nchumu hi wutomi ga mina, nzi loya mahlweni ka vanana va ka Amoni; kanilezi Jehova i lo va nyikela mandleni ya mina. Hi kuyini nyamutlha muta ku talwa na mina ke? 1 Sam. 19:5; 29:21

Valamuli 9:17

Hakuva a raru wa mina i lo lwela nwina, a nyikela wutomi gakwe a tlhatlhisa nwina mandleni ya vaMidiani.

1 Samueli 11:13

Kanilezi Saule i te ngalo: Cima ku nga tava kona wa ku dayiwe legi siku, hakuva inyamutlha Jehova i hanyisile Israeli.

1 Samueli 14:45

Kanilezi a vanhu va te ngalo ka Saule: Xana Jonatani i tafa, yena loyi a tirileko a kuhanyisa ka hombe ka ku nghahi lomu ka Israeli ke? Za hava lezo! Hi hlambanya ha Jehova a hanyako, cima ku nga ta kuva kona ni munwe a sisi wa hloko yakwe wu ta ngawa lahasi, hakuva Jonatani i tirile na Nungungulu legi siku! Zinghaho a vanhu va lo tlhatlhisa Jonatani, a nga dawi.

1 Samueli 19:6

Saule! lo ingisa a gezu ga Jonatani, a hlambanya, aku: Nzi hlambanya ha Jehova a hanyako, cima a nga ta dawa.

1 Samueli 20:32

Jonatani i lo hlamula raru wakwe Saule, aku: I ta dawa hi kota ya yini? Xini a mahileko ke?

1 Samueli 22:14

Ahimeleki a hlamula, aku kakwe: Himani xikari ka wontihe malanza ya wena a tsumbekileko kota Davida mwane wa hosi, yi nga yona a nduna leyi yi ku ingisako lomu makungweni ya wena, ni loyi a dzunzekileko lomu ndlwini ya wena ke?

1 Samueli 28:21

A wasati i lota ka Saule, a ta wona lezaku wa chava nguvu, aku kakwe: Languta, a nanza ga wena gi ingisile a gezu ga wena, nzi nyikela wutomi ga mina mhangweni, nzi ingisa a timhaka leti u nzi byelileko tona. Vala. 12:3; Tis. 119:109