1 Samueli 18:8 - Tshwa Bible

⁸ Zonake Saule i lo zangara nguvu, hakuva a timhaka leti a ti mu xalalisangi; hikwalaho i te ngalo: Vona va nyikile ka Davida 10,000, kanilezi va wulile ha mina 1,000 basi; mufumo basi a wu vumalako.

1 Samueli 18:8 ပူးပေါင်းရင်းမြစ်များ

Genesisi 37:11

Zonake a vanakulobye va lo mu mahela mona; kanilezi a raru wakwe i lo alakanya a timhaka leto a ti hlayisa.

Genesisi 37:8

A vanakulobye vaku ka yena: Kasi u tava hosi ya hina, u fuma hehla ka hina ke? Zonake va lo mu venga nguvunguvu hi kota ya miloro yakwe ni kuwulawula kakwe.

1 Tihosi 2:22

Hosi Solomoni i lo hlamula mamani wakwe, aku: Hikuyini u kombelela Adonija a kuva a nyikiwa Abixagi a muXuname ke? Mu kombelele kambe ni wuhosi, hakuva yena i nhonzo ya mina; hakunene u ta kombelela kambe na mupristi Abiatari, na Joabe nʼwana Zeruia!

Estere 3:5

Laha Hamani a nga wona lezaku Mordekai i wa nga ti koramisi ge hambu ku kombisa xichavo, i lo zangara.

Mavingu 13:10

A matshanza ma vanga kuhambana; anilezi lava va vumelako ku hiwa wusungukati va na ni wutlhari.

Mavingu 27:4

A khulo gi bihile, ni zanga hi ntalo wa mati, imani a nga zi kotako ku yima mahlweni ka xiluse ke?

Mutshawuteli 4:4

Zonake nzi lo wona lezaku a kutikarata kontlhe ni wihi ntiro wa wutlhari wu huma hi kota ya wukhuxu hi muakelwani. Lezo kambe a zi nyawuli, hi ku lanza mheho ntsena.

Mitsengo 11:1

A vanhu va lo sangula ku monya tindleveni ta Jehova. Laha Jehova a nga wa zi zwile, a zanga yakwe yi lo vindluka, zonake a nzilo wa Jehova wu vura xikari kabye, wu mbheta vanhu lava va nga hi magumo ka wugovelo.

Mitsengo 22:34

Balaami i te ngalo ka ngelosi ya Jehova: Nzi onhile, hakuva a nzi zi tivangi lezaku u yimile mahlweni ka mina laha ndleleni. Makunu loku zi bihile mahlweni ka wena, nzi ta tlhela nzi famba kaya.

Jakobe 4:5

Kutani mu alakanya lezaku a Mitsalo yi wula mahala ke? Wa wu navela hi xiluse a moya lowu a wu mahileko lezaku wu tshama ka hina. Ekso. 34:14

1 Samueli 13:14

Kanilezi makunu a mufumo wa wena cima wu nga ta simamisa, Jehova i ti lavele munwani munhu loyi yena a mu ranzako. I ta mu yimisa a kuva hosi hehla ka vanhu vakwe, hakuva wena a ku hlayisangi lezi Jehova a ku leleteleko zona. Tis. 89:20; Miti. 13:22

1 Samueli 15:28

Samueli i te ngalo kakwe: Inyamutlha Jehova i hanzule a mufumo wa ka Israeli hehla ka wena, a wu nyikela ka muakelane wa wena, loyi a nga chukwana ku hunza wena.

1 Samueli 16:13

Zonake Samueli i lo teka a xikudzana xa mafura a mu tota laha xikari ka vanakulobye. A Moya wa Jehova wu lota ka Davida kusukela lego siku ku komama mahlweni. Zinghaho Samueli i lo suka a famba le Rama. Davida a yimbelela mahlweni ka Saule.

1 Samueli 18:9

Kusukela lego siku ku komama mahlweni, Saule i lo cuwuka Davida hi tihlo go biha.

1 Samueli 19:1

Saule i lo wulawula ni nʼwana wakwe Jonatani, ni malanza yakwe wontihe, aku: Mina nzi lava ku daya Davida! Kanilezi Jonatani nʼwana Saule i wa ranza nguvu Davida.

1 Samueli 20:31

Hakuva a ka masiku lawa a nʼwana Jese a ta nga simamisa a hanya laha misaveni, wena cima u nga ta gi kuma wukosi, hambu lezi a mufumo wu nga wa wena. Makunu ruma vanhu lokuloku va ya mu khoma va mu neha laha ka mina, hakuva yena i fanele kufa.