1 Samueli 18:12 - Tshwa Bible

¹² Zonake Saule i lo chava Davida, hakuva Jehova i wa hi zinwe naye, na tizwa yena wutsumbu a hi kule na Jehova.

1 Samueli 18:12 ပူးပေါင်းရင်းမြစ်များ

2 Samueli 5:10

Davida i lo enzeleka a kula, na Jehova Nungungulu wa tiyimpi a hi zinwe naye.

2 Kronekele 17:3

Jehova i wa hi zinwe na Jehoxafate, hakuva yena i lo lanzela tindlela to sangula ta raru wakwe Davida; cima a nga hlotangi Baali.

Tisimu 51:11

U nga nzi hlongoli mahlweni ka wena, U nga susi ka mina a Moya wa wena wa ku basa.

Tisimu 53:5

Va wa hi ni kuchava ka hombe lomo, Laha ku nga kala ku nga hi na nchumu wo chavisa; Hakuva Nungungulu i hangalasile a marambu ya lava va ku ranzelako; U va wisile tingana hakuva Nungungulu i va tsikile.

Hosea 9:12

Hambu loku va wundla vanana, nzi ta va tekela vona, ku nga sali munhu. I khombo ka vona loku nzi va tsika.

Mateu 25:41

Zonake i taku ngalo ka lava va nga reveni gakwe ga xibhabha: Sukani ka mina, nwina mu rukatelweko, mu ya nzilweni wa pinzukelwa lowu wu longiselweko Satani ni tingelosi takwe; Tis. 6:8; 2 Ped. 2:4

Marku 6:20

hakuva Herodi i lo chava Johani, hi ku mu tiva lezaku i munhu a lulamileko ni kubasa, i lo mu lonzowota; Laha a ngazwa a kuwulawula ka Johani, i lo kanganyiseka nguvu, hambu zi hi tano i lo muzwa hi kutsaka. Mat. 14:5; 21:26

Luka 8:37

A vanhu vontlhe va le Gerasa va lo mu kombela a kuva a suka ka vona; hakuva va wa khomilwe hi kuchava ka hombe; zonake Jesu i lo enghena ngalaveni, a tlhela. Mat. 8:34; Miti. 16:39

Mitiro 24:25

Kanilezi laha a nga kanela hi kululama, ni kutikhoma, ni kulamula ku tako, Felisi i lo chava, a hlamula, aku: Ti fambele makunu, nzi ta tlhela nzi ku vitana loku nzi kuma xikhati xi nene.

Mitiro 7:9

A vanyapanze va wa hi ni mona ha Josefa, va mu xavisa a yiswa Gipite. Kanilezi Nungungulu i wa hi naye, Gen. 37:4; 39:2; Tis. 105:17

Valamuli 1:19

Jehova i wa hi zinwe na Juda; i lo hlongola vaaki va lomu zitsungeni, kanilezi i lo tsanzeka ku hlongola vaaki va lomu mikoveni, hakuva va wa hi ni tikareta ta ziketse.

Valamuli 16:20

I te ngalo kakwe: Ehe! Samsoni, Hi lawa maFilistia! I lo vuka hi lomu Wurongweni gakwe, aku: Nzi ta ti ponisa khwatsi hi manwani masiku, nzi ti vikela mandleni yabye; na a nga zi tivi lezaku Jehova i humile ka yena.

1 Samueli 16:18

A munwe wa malanza yakwe i lo hlamula, aku: Mina nzi wonile a munwe wa vanana va Jese wa le Betlehema, loyi a nga mubi wa xitende, a wanuna wa nhenha, loyi a zi kotako ku khoma tlhari, a xitlhatlha kuwulawuleni, a munhu a sasekileko, loyi Jehova a nga na yena.

1 Samueli 16:4

Samueli i lo maha khwatsi hi lezi Jehova a wulileko kakwe. I loya Betlehema. A masingalakati ya muti ma lo mu khinga na ma rurumela na vaku: Ina lezi uta hi kurula?

1 Samueli 18:15

Saule i lo mu chava laha a nga wona lezaku i tlharihile nguvu.

1 Samueli 18:20

Kanilezi Mikali a nʼwana wa Saule i lo ranza Davida, zonake va lo ya byela Saule, na Saule zi lo mu xalalisa.

1 Samueli 18:29

Saule i wa su simamisa a chava Davida hi kuhunzeletileko, a maha nala wakwe kuhanyeni kakwe kontlhe.

1 Samueli 20:13

Jehova a mahe hi ntamu ka Jonatani, ni ku engeta kambe! Ni kambe loku dadani a xuva ku maha kubiha ha wena, nzi ta ku tivisa nzi ku byela lezaku u tsutsuma, u famba hi kurula. Jehova a ave zinwe na wena khwatsi hi lezi a nga hi zinwe na dadani.

1 Samueli 22:13

Saule aku kakwe: Hi kuyini mu nzi hleva, wena ni nʼwana Jese, ko kala u mu nyika zibaba ni supado, ni ku mu wutisela ka Jehova, kasi a fela ku nzi vukela a nzi xiyelela lomu tindleleni, kota lezi a mahako nyamutlha ke?

1 Samueli 28:15

Samueli i te ngalo ka Saule: Hi kuyini u nzi karata hi ku nzi vuxa ke? Saule i te ngalo kakwe: Hilezi nzi le mhangweni ya hombe nguvu, hakuva a vaFilistia va nzi hlomele, kanilezi Nungungulu i sukile ka mina, a nga ha nzi hlamuli nchumu, hambu ni vaprofeti, hambu ni miloro. Hikwalaho nzi ku vitanile kasi wena wa fela kuta nzi tivisa lezi nzi faneleko ku maha.

1 Samueli 3:19

Samueli i lo kula, Jehova na hi zinwe naye, a nga tsiki hambu ni yinwe ya timhaka ta Jehova yi wa lahasi.