1 Samueli 17:8 - Tshwa Bible

⁸ I lo yima a huwelela ka tiyimpi ta ka Israeli, aku: Mu hlomele yini yimpi ke? Mina a nzi muFilistia ke? Kasi nwina a mu malanza ya Saule ke? Hlawulani xikari ka nwina a wanuna a faneleko ku talwa na mina.

1 Samueli 17:8 ပူးပေါင်းရင်းမြစ်များ

2 Samueli 11:11

Uria i lo hlamula Davida aku: A arke, ni va ka Israeli, ni va ka Juda, va tshamile mixaxeni, zinwe ni nwinyi wa mina Joabe, ni malanza ya hosi ya mina, va govile le handle; xana mina nzi ta enghena lomu ndlwini ya mina, nziga, nzinwa, nzi etlela ni sati wa mina ke? Nzi hlambanya ka wena ni muhefemulo wa wena wu hanyako, cima nzi nga ta maha lezo zilo!

1 Kronekele 21:3

Joabe i te ngalo: Jehova a engetele a vanhu vakwe hi ka zana a tsengweni wabye! Kanilezi, hosi yanga, vona a hi malanza ya hosi ya mina ke? Hikuyini a hosi ya mina yi lavako a xilo xa kunghahi ke? Hikuyini hi ta nga vangela Israeli a nanzu?

1 Samueli 17:23

Na a ha wulawula navo, a nhenha leyi va nge hi Goliate wa le Gati, yi lota hi le wugovelweni ga vaFilistia, yiya le mahlweni yi ya wulawula timhaka leti yi tshamako yi ti wula manwani niasiku. Davida i lo yizwa.

1 Samueli 17:26

Davida aku ka vavanuna lava va nga yimile laha kusuhani kakwe: Ve ngalo ku ta mahiwa yini ka munhu loye a ta nga daya a muFilistia loyi, a susa a nzhukano ka Israeli ke? Na ova mani a khuna legi ga muFilistia go kala gi tlangamela a mabutho ya Nungungulu a hanyako ke?

1 Samueli 8:17

I ta teka xipanze xa wukhume ka mitlhambi ya nwina, nwina mu tava tikhumbi takwe.