1 Samueli 17:52 - Tshwa Bible

⁵² A va ka Israeli ni va ka Juda va lo Suka va hlalela, va hlongolisa vaFilistia kala va ya chikela masangulweni ya nzhelelo ni le tinyangweni ta Ekroni; ni tikhuveri ta vaFilistia ti wa la su mbambamela lomu ndleleni ya kuya Xaaraime, kala le Gati ni ku hunzeleta kala le Ekroni.

1 Samueli 17:52 ပူးပေါင်းရင်းမြစ်များ

2 Samueli 23:10

I lo suka a hlasela a vaFilistia kala a canja gakwe gi karala gi namarela laha ka supado; Jehova i lo va mahela kuhlula ka hombe lego siku. Ni nzhako ka Eleazari a vanhu va lo wuyela ntsena ku ta phanga.

1 Tihosi 20:21

Zonake a hosi ya ka Israeli yi lo hihirita mahaxi ni tikareta ta kulwa, va daya maSiria yo tala.

Joxua 15:11

Zonake wu huma le Nwalungu, hi le kureleleni ka Ekroni, wu kongoma le Xikeroni, wu hunza hi le xitsungeni xa Baala, zonake wu ya humela le Jabneli, wu ya gumesa le bimbini.

Valamuli 7:23

Zonake a vavanuna va ka Israeli, ni va ka Naftali, ni va ka Axeri, ni vontlhe va ka Manasa, va lo tsombana va hlongolisa vaMidiani.

1 Samueli 17:53

Zonake a vavanuna va ka Israeli va lo tlhela hi le ko hlongolisa vaFilistia va ta phanga a wugovelo gabye.

1 Samueli 5:10

Zonake va lo rumela a arke ga Nungungulu le Ekroni. Kanilezi a arke ga Nungungulu gi nga wa enghenile le Ekroni, a vanhu va kona va rila, vaku: Va hi nehele a arke ga Nungungulu wa ka Israeli kasi ku ta hi daya ni vanhu va hina.

1 Samueli 5:8

Zonake va lo ruma vanhu a ku ya ramba tontlhe tihosi ta vaFilistia, va taku: Hi ta maha yini hi arke ga Nungungulu wa ka Israeli? Vona vaku ngalo: A arke ga Nungungulu wa ka Israeli a gi heleketwe le Gati. Va lo rwala a arke ga Nungungulu wa ka Israeli, va gi heleketa leyo.