1 Samueli 17:47 - Tshwa Bible

⁴⁷ Wontihe hlengeletano lowu wu ta zi tiva lezaku Jehova wa ponisa, kanilezi na ku nga hi supado ni tlhari, hakuva a kulwa ni kuhlula za Jehova; makunu i mu nyikele nwina mandleni ya hina.

1 Samueli 17:47 ပူးပေါင်းရင်းမြစ်များ

2 Tihosi 5:15

Namani i lo tlhela ni vanhu vakwe aya ka munhu wa Nungungulu; laha na chikele i lo yima mahlweni kakwe, aku: Nza zi tiva lezaku a nga kona Nungungulu lomu misaveni yontlhe, saseka lomu tikweni ga ka Israeli. Makunu amukela a xinyikiwo lomu canjeni ga nanza ga wena.

2 Kronekele 14:11

Asa i lo khongela ka Jehova Nungungulu wakwe, aku: Jehova, ahandle ka wena, cima a nga kona munwani a zi kotako ku vunetela lava va nga hiko na ntamu, loku va vukelwa hi lava va nga ni ntamu. Hi vune wena Jehova Nungungulu wa hina, hakuva hina hi tsumba ka wena; hi hlomile yimpi leyi vitweni ga wena a ku talwa ni xidlemo lexi. Wena u Jehova Nungungulu wa hina; ngha a nga hi kona munhu a hlulako wena! Vala. 7:2, 7; 1 Sam. 14:6

Tisimu 46:11

Jehova wa tiyimpi i na hina, Nungungulu wa Jakobe wuchavelo ga hina. (Sela.)

Isaya 9:7

A kufuma kakwe ku ta enzeleka, Ni kurula ku nga ta kuva na magumo A hehla ka xitshamu xa wuhosi xa Davida ni mufumo wakwe; Kasi ku wu tiyisa ni ku wu seketela hi nongameto ni kululama, Ku sukela lezi kala kupinzuka. A kupangama ka Jehova wa tiyimpi ku ta maha lezo. A zanga ya Jehova yo vukela Israeli.

Hosea 1:7

Kanilezi nzi tava ni wuxinji ka yindlu ya ka Juda, nzi va ponisa ha Jehova a Nungungulu wabye; nzi nga ta va ponisa hi mawura, kutani tisupado ni kulwa, hambu mahaxi ni vakhileli va mahaxi.

Zakaria 4:6

Yi lo hlamula yiku ka mina: A mhaka ya Jehova ka Zerubabeli hi leyi yaku; Zi nga ta mahiwa hi yimpi hambu hi ntamu, kanilezi hi Moya wa mina, ku wula Jehova wa tiyimpi.

Va le Roma 8:31

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

Va le Roma 8:37

Kanilezi ka zontlhe lezi zilo ha hlula ni ku hlula ha yena loyi a nga hi ranza. 1 Joh. 5:4

Joxua 10:8

Na Jehova i te ngalo ka Joxua: U nga chavi, hakuva nzi ta va nyikela canjeni ga wena, cima a nga kona wanuna a ta nga tiya mahlweni ka wena. Deut. 3:2

1 Samueli 14:6

Jonatani aku ka jaha legi gi nga hi muweleli wa matlhari yakwe: A hiye le ka butho ga makhuna, kutani Jehova i ta hi lwela, hakuva a xi kona xi tsanzekisako Jehova ku ponisa, hambu loku ku hi vanhu vo tala kutani va tsongwani.

1 Samueli 18:17

Saule i te ngalo ka Davida: Nzi ta ku nyika Merabe, a nʼwana wa mina wa matewula, a kuva sati wa wena, ntsena lezaku wena u tava nghwazi ya mina, ya kulwa tiyimpi ta Jehova. Hakuva Saule i waku mbilwini yakwe: Nzi nga ta tlhateka a canja ga mina hehla kakwe, kanilezi a canja ga vaFilistia gi tava hehla ka yena!