1 Samueli 17:46 - Tshwa Bible

⁴⁶ Inyamutlha Jehova i ta ku nyikela canjeni ga mina. Nzi ta ku tlhava nzi tsema hloko ya wena. Inyamutlha nzi ta nyikela a zirumbi za tiyimpi ta vaFilistia ka tinyanyani ta tilo ni ka zivanza za misava, kasi a misava yontlhe yi ta zi tiva lezaku i kona Nungungulu wa ka Israeli.

1 Samueli 17:46 ပူးပေါင်းရင်းမြစ်များ

Genesisi 40:19

Ku ta hunza masiku manharu, Faro i ta tlakusa a hloko ya wena a kuva yi hayekwa sinyeni, a tinyanyani ti ta jowotela a nyama ya wena.

2 Samueli 18:28

Ahimaza i lo vitana aku ka hosi: Kurula! Zonake i lo korama mahlweni ka hosi a kombisa xichavo, a wuya aku: A ku dumiswe Jehova Nungungulu wa wena loyi a Wulileko a vanhu lava va vukelako hosi ya mina.

2 Samueli 21:10

Rizpa a nhanyana wa Aia i lo teka a nguwo ya sakwa a ti andlalela laha ribyeni, kusukela kusanguleni ka kutshovela kala va sangula ku nelwa hi ti vula. A nga vumelangi a tinyanyani ti khapama hehla kabye ni hlikanhi, ge hambu a zihari za khwati ni wusiku.

1 Tihosi 8:43

mu ingise na u hi kwaseyo tilweni laho u tshamako kona, u mu mahela zontlhe lezo a muluveli loye a zi kombelako ka wena, kasi a matiko wontihe ya laha misaveni ma ta tiva a vito ga wena; ma ku chava kota a vanhu va wena va ka Israeli, va tiva lezaku a vito ga wena gi khongelwa ndlwini leyi nzi yi akileko. Isa. 56:6; Mat. 21:13

1 Tihosi 8:60

kasi wontihe matiko ya laha misaveni ma fela ku zi tiva lezaku Jehova hi Nungungulu, ni lezaku a nga kona munwani. Deut. 4:35, 39

2 Tihosi 19:19

Hikwalaho Jehova Nungungulu wa hina, hi ponise mandleni ya Senakeribe, kasi a mifumo yontlhe ya misava yi fela ku zi tiva lezaku wena hi wena wece Jehova Nungungulu.

2 Tihosi 5:15

Namani i lo tlhela ni vanhu vakwe aya ka munhu wa Nungungulu; laha na chikele i lo yima mahlweni kakwe, aku: Nza zi tiva lezaku a nga kona Nungungulu lomu misaveni yontlhe, saseka lomu tikweni ga ka Israeli. Makunu amukela a xinyikiwo lomu canjeni ga nanza ga wena.

Tisimu 31:8

A ku nzi nyikelangi mandleni ya nala; U yimisile a mikonzo ya mina wutshanwini gi anamileko.

Tisimu 46:10

Yimani, mu tiva lezaku mina nzi Nungungulu; Nzi ta tlakuswa xikari ka matiko, nzi ta tlakuswa misaveni. Isa. 30:15

Eksodusi 9:16

Kanilezi nzi ku tsikile kasi wena wa fela ku wona mintamu ya mina, ni lezaku a vito ga mina gi fela ku tibyiwa misaveni yontlhe. Rom. 9:17

Isaya 37:20

Makunu Jehova, Nungungulu wa hina, hi ponise canjeni gakwe, kasi a matiko wontihe ya misava ma ta zi tiva lezaku wena wece u Jehova.

Isaya 52:10

Jehova i funungule a woko gakwe ga kubasa mahlweni ka matiko wontihe, A magemeta-musi ya misava ma ta wona a kuhanyisa ka Nungungulu wa hina.

Isaya 56:9

Nwina nwentlhe zihari za khwati, ngonani mu taga, Ina, tanani nwina zivanza za khwati.

Jeremia 19:7

A ka legi wutshamu nzi ta hangalasa a makungo ya Juda ni ya Jerusalema; nzi ta va maha vawa hi supado ya valala vabye, hi mandla ya lava va hlotako wutomi gabye. A zirumbi zabye zi ta giwa hi tinyanyani ta tilo ni zihari za khwati.

Jeremia 34:20

nzi ta va nyikela canjeni ga valala vabye, ni canjeni ga lavo va va xuvelako a kufa, a zirumbi zabye zi ta giwa hi tinyanyani ta tilo ni zivanza za misava. Deut. 28:26; Jer. 7:33

Danieli 2:47

A hosi yiku ka Danieli: Hakunene, a Nungungulu wa nwina i Nungungulu wa vanungungulu ni Hosi ya tihosi; mutsetsuli wa mifihlakalo, kota lezi u zi kotileko ku tlhamusela a fihlakalo lowu.

Danieli 3:29

Hikwalaho, nzaba nyiwo, lezaku ni wihi wa matiko wontihe, ni tixaka ni tirimi, loyi a wulawulako kubiha hi Nungungulu wa Xadrake na Mexake na Abed-nego, i ta phaphulelwa, a tiyindlu takwe ti ta mahiwa matala. Hakuva a nga kona munwani nungungulu loyi a nga ponisako hi ndlela leyi. Miti. 5:29

Mateu 24:28

Laha ku nga kona xirumbi, a makoti ma ta tsombana kona.

Deuteronome 28:26

Ni zirumbi za nwina zi ta kuva kuga ka tontlhe tinyanyani ta tilo, ni zivanza zontlhe za misava, ni laho ku nga tava kona munhu wo zi hlongola.

Deuteronome 7:2

ni laha Jehova Nungungulu wa wena a ta nga va nyikela mahlweni ka wena, u va hlasela, u va lovisa, u va hihirita; u nga dzuki u maha xivumelwano zinwe navo, hambu ni ku va mahela tipswalo.

Deuteronome 7:23

Kanilezi Jehova Nungungulu wa wena i ta va nyikela canjeni ga wena, i ta va rumela vilinganya va kala va mbhela.

Joxua 10:8

Na Jehova i te ngalo ka Joxua: U nga chavi, hakuva nzi ta va nyikela canjeni ga wena, cima a nga kona wanuna a ta nga tiya mahlweni ka wena. Deut. 3:2

Joxua 4:24

Kasi wontihe matiko ya misava ma fela ku tiva lezaku a canja ga Jehova gi na ni ntamu, ni lezaku nwina mu ta chava Jehova Nungungulu wa nwina, kala kupinzuka. Ekso. 14:21

1 Samueli 14:6

Jonatani aku ka jaha legi gi nga hi muweleli wa matlhari yakwe: A hiye le ka butho ga makhuna, kutani Jehova i ta hi lwela, hakuva a xi kona xi tsanzekisako Jehova ku ponisa, hambu loku ku hi vanhu vo tala kutani va tsongwani.

1 Samueli 17:44

A muFilistia i te ngalo ka Davida: Hi ngata! Nzi ta nyikela a nyama ya wena ka tinyanyani ta tilo ni zivanza za khwati.