1 Samueli 17:26 - Tshwa Bible

²⁶ Davida aku ka vavanuna lava va nga yimile laha kusuhani kakwe: Ve ngalo ku ta mahiwa yini ka munhu loye a ta nga daya a muFilistia loyi, a susa a nzhukano ka Israeli ke? Na ova mani a khuna legi ga muFilistia go kala gi tlangamela a mabutho ya Nungungulu a hanyako ke?

1 Samueli 17:26 ပူးပေါင်းရင်းမြစ်များ

2 Tihosi 19:4

Kutani Jehova Nungungulu wa wena i zwile tontlhe timhaka ta Rabxeka, leti a rumilweko hi nwinyi wakwe a hosi ya le Asiria, a ku ta rukatela Nungungulu loyi a hanyako; kutani Jehova Nungungulu wa wena i ta kawuka a timhaka leti a ti zwileko, na wena u ta maha mukombelo hi kota ya vanhu lava va seleko.

2 Kronekele 32:17

I lo tsala kambe ni mapapilo yo xanza Jehova Nungungulu wa ka Israeli, aku: Khwatsi hi lezi a vanungungulu va matiko ya misava va nga ponisangiko a vanhu va vona mandleni ya mina, yenawu Nungungulu wa Hezekia cima a nga ta zi kota ku ponisa a vanhu vakwe mandleni ya mina.

Nehemia 5:9

Nzi engeta nziku: Lezi mu zi mahako a hi zinene; mu fanele ku kombisa xichavo ka Nungungulu wa hina, kasi hi nga tseketselwi hi vamatiko, va nga valala va hina. Isa. 52:5; Ezek. 36:20; Rom. 2:24

Tisimu 44:13

Wena u lo hi maha a xiruko ka vaakelwane va hina; Hi tseketselwa ni ku hlekiwa hi lava va hi ranzelako.

Tisimu 74:18

Jehova, alakanya lezaku a nala i ku rukatele, Ni tiko ga zipumbu gi kanyisile a vito ga wena.

Tisimu 79:12

Hosi, tlhelisela hi ka ntlhanu ni kumbiri a xifuveni xa vaakelwane va hina A nzhukano leyi va ku rukileko ha xona.

Isaya 37:23

Himani loyi u nga mu rukatela u mu tseketsela ke? U tlakusile a gezu ga wena ni mahlo ya wena hehla ka mani? U vukele Loyi a Basileko wa ka Israeli.

Jeremia 10:10

Kanilezi Jehova i Nungungulu wa zinene, I Nungungulu loyi a hanyako, a Hosi ya pinzukelwa; A misava yi rurumela zangeni yakwe, A matiko a ma na ku yima mahlweni ka khulo gakwe.

Jeremia 9:25

Languta, a masiku mata, ku wula Jehova, laha nzi ta nga tsayisa lava va nga zitshiva, na va hi makhuna timbilwini tabye:

Jeremia 9:26

Gipite, na Juda, na Edome ni vana va Amoni, na Moabi, ni vontlhe ya akileko xiwuleni va nga ni misisi yi kayilweko mareveni. Wontihe matiko ma hi makhuna, ni yindlu yontlhe ya ka Israeli i khuna mbilwini. Levi 19:27; Miti. 7:51; Rom. 2:28

Ezekieli 28:10

U tafa a fela ga makhuna hi canja ga vamatiko, hakuva hi mina nzi zi wulileko, ku wula Hosi Jehova.

Danieli 5:23

Kanilezi u lo ti kukumukisa mahlweni ka Hosi ya tilo. Va ku nehele a zibya za yindlu yakwe mahlweni ka wena, u nwela ka zona vinya, wena ni tihosana ta wena, ni vasati va wena, ni mindlunkulu ya wena; ni kambe u lo dumisa a vanungungulu va siliva, ni va nzalama, ni va suku, ni va xiketse, ni va tisinya, ni va maribye, lava va nga woniko, hambu kuzwa, kutani ku tiva nchumu. A Nungungulu loyi a muhefemulo wa wena wu nga canjeni gakwe zinwe ni tindlela ta wena tontlhe, a ku mu dumisangi. Deut. 4:28; Kuv. 9:20

Danieli 6:27

Wa tlhatlhisa a ponisa, wa maha xikombiso ni zihlamaliso le tilweni ni laha misaveni. Hi yena a ponisileko Danieli ntanwini wa tinghala.

Danieli 9:16

Hosi, hi kota ya kululama ka wena kontlhe, hi nga susa a zanga ya wena ni khulo ga wena mutini wa Jerusalema, a xitsunga xa wena xa kubasa. Hakuva Jerusalema ni vanhu va wena va mahile xiruko ka vontlhe lava va hi ranzeleko hi kota ya zionho za hina ni zigoho za vadadani va hina.

Joeli 2:19

Jehova i to hlamula aku ka vanhu vakwe: Langutani, nzi ta mu rumela mavele ni vinya ni mafura, mu ta xura ha zona. Nzi nga ta ha mu maha a xiruko xikari ka matiko. Deut. 28:11

Deuteronome 5:26

Hakuva mbamani va ngazwa kukotisa hina a gezu ga Nungungulu loyi a hanyako na gi wulawula hi lomu nzilweni, va hanya ke? Vala. 13:22

1 Va le Tesalonika 1:9

Hakuva a vanhu va hi hlawutela hi maenghenela ya hina xikari ka nwina, ni kutsika ka nwina a zifananiso mu hunzulukela ka Nungungulu, kasi ku khozela loyi a hanyako ni wa zinene,

Joxua 3:10

Zonake Joxua aku: Inyamutlha mu ta zi tiva lezaku i kona Nungungulu a hanyako xikari ka nwina, ni lezaku futsi i ta panzanya mahlweni ka nwina a vaKanani, ni vaHiti, ni vaHivi, ni vaPerezi, ni vaGirgaxi, ni vaAmori, ni vajebusi.

1 Johani 5:20

Ha zi tiva lezaku a Nʼwana wa Nungungulu i tile, i hi nyikile kupima kasi ha mu tiva loyi wa zinene, hi kona ka loyi wa zinene, ka yena Nʼwana wakwe Jesu Kristu. Hi yena Nungungulu wa zinene, ni wutomi legi ga pinzukelwa. Isa. 44:6; Lu. 24:45; Joh. 17:3

1 Samueli 11:2

Nahaxi, a muAmoni, i lo va hlamula, aku: Nzi ta maha xivumelwano na nwina hi ndlela leyi: Nwina nwentlhe, a munwe ni munwani nzi ta mu bhoxa a tihlo ga xinene, nzi veka lexo xiruko hehla ka vontlhe va ka Israeli.

1 Samueli 14:6

Jonatani aku ka jaha legi gi nga hi muweleli wa matlhari yakwe: A hiye le ka butho ga makhuna, kutani Jehova i ta hi lwela, hakuva a xi kona xi tsanzekisako Jehova ku ponisa, hambu loku ku hi vanhu vo tala kutani va tsongwani.

1 Samueli 17:10

A muFilistia aku ngalo: Inyamutlha mina nza kanyisa a yimpi ya ka Israeli! Nzi nyikeni a nhenha nzi talwa nayo laha!

1 Samueli 17:30

Zonake i lo mu fularela aya tlhelweni a ya wulawula ni munwani a mu wutisisa hi timhaka leto. A vanhu va lo mu hlamula khwatsi hi kusanguleni.

1 Samueli 17:36

Hikwalaho a nanza ga wena gi dele a nghala ni urso, zonake loyi muFilistia wa khuna i ta kotisa xinwe xa zona, hakuva yena wa tlangamela tiyimpi ta Nungungulu a hanyako.

1 Samueli 31:4

Zonake Saule i te ngalo ka muweleli wa matlhari yakwe: Hlomula a supado ya wena u nzi gwaza ha yona, kasi a makhuna lawa ma nga dzuki ma nzi gwaza ma nzi xanula. Kanilezi a mukhomi wa matlhari yakwe a nga vumelangi, hakuva i wa chava nguvu. Zonake Saule i lp teka a supado yakwe a ti tlhava ha yona.