1 Samueli 14:45 - Tshwa Bible

⁴⁵ Kanilezi a vanhu va te ngalo ka Saule: Xana Jonatani i tafa, yena loyi a tirileko a kuhanyisa ka hombe ka ku nghahi lomu ka Israeli ke? Za hava lezo! Hi hlambanya ha Jehova a hanyako, cima ku nga ta kuva kona ni munwe a sisi wa hloko yakwe wu ta ngawa lahasi, hakuva Jonatani i tirile na Nungungulu legi siku! Zinghaho a vanhu va lo tlhatlhisa Jonatani, a nga dawi.

1 Samueli 14:45 ပူးပေါင်းရင်းမြစ်များ

2 Samueli 14:11

A wasati aku: Ngha a hosi yi alakanya Jehova Nungungulu wa wena, lezaku a muphoteli wa nkhata a nga engeteli a khombo legi hi ku daya a nʼwana wa mina. A hosi yi lo hlamula, yiku: Nzi hlambanya ha Jehova a hanyako, cima ku nga ta kuva kona ni sisi munwe wa nʼwana wa wena wu ta ngawa lahasi. Mitse. 35:10; Jox. 20:1

1 Tihosi 1:52

Solomoni i te ngalo: Loku yena a kombisa kutsumbeka, ku hava ni sisi munwe wa hloko yakwe wu ta ngawa; kanilezi loku kubiha ku kumiwa ka yena, i tafa.

2 Kronekele 19:11

Hi loyi mupristi wa hombe Amaria, i yimisilwe hehla ka nwina a ku wulawula tontlhe timhaka ta Jehova; na Zebadia nʼwana Ixmaeli, a mufumeli wa yindlu ya ka Juda, i leletelwe tontlhe timhaka ta hosi; ni vahlayisi lava va ta nga mu vuna hi vona vaLevi. Tiyani hlana, mu tira! Jehova i tava zinwe ni vanhu va nene.

Nehemia 9:27

Hikwalaho u lo va nyikela mandleni ya valala vabye va va hlokisa. Vaku va hi xikari ka zikarato, va ku rilela, wena u vazwa na u hi le tilweni; hi kota ya wuxinji ga wena go eta, u va nyika vahanyisi lava va nga va ponisa mandleni ya valala vabye. Vala. 3:9, 15

Isaya 13:3

Nzi leletele a va hlawulekileko va mina, Nzi vitanile a tinhenha ta mina, leʼti tsakelako wukulu ga mina, Lezaku va tira a ntiro wa zanga ya mina.

Mateu 10:30

Kanilezi nwina, hambu ni misisi ya tihloko ta nwina yi hlayilwe. 2 Sam. 14:11; Lu. 21:18; Miti. 27:34

Luka 21:18

Kanilezi ku nga ta lobyiswa ni sisi munwe wa tihloko ta nwina. Mat. 10:30

Mitiro 14:27

Laha va nga wa chikele, va lo tsombanyisa a handla, va hlawutela zontlhe lezi Nungungulu a zi mahileko ha vona, ni lezaku i vululele a vamatiko a nyangwa ya kukholwa. Xip. 15:4, 12; 1 Kor. 16:9

Mitiro 15:12

A hlengeletano yontlhe yi lo miyela; yi ingisela Barnabasi na Paule na va hlawutela a ziwoniso ni zirewukiso lezi Nungungulu a zi mahileko ha vona xikari ka vamatiko.

Mitiro 21:19

Laha a nga va losetele, i lo hlawutela hi ku lanzelana zontlhe lezi Nungungulu a nga zi mahile xikari ka vamatiko hi kutira kakwe. Xip. 1:17; 15:4, 12; Rom. 15:18, 19

Mitiro 27:34

Nza mu khongotela a kuga zakuga; hi zona zi ta nga mu vunetela a kuva mu pona; hakuva a ku na munwe wa nwina a ta nga lahlekelwa hi sisi munwe hlokweni yakwe. Mat. 10:20; Lu. 12:7; 21:18

Va le Roma 15:18

Hakuva nza chava ku wulawula hi nchumu, sine lezi Kristu a zi mahileko ha mina hi kukanela ni mitiro, lezaku a vamatiko va fela ku ingisa; Miti. 21:19; Xip. 1:5

1 Va le Korinte 3:9

Hakuva hina hi zitiri-kulobye ni Nungungulu; nwina mu simu ga Nungungulu, mu wuako ga Nungungulu. Miti. 15:4; Efe. 2:20; Kol. 2:7

2 Va le Korinte 6:1

Kota lezi hi tirisanako naye ha mu khongotela lezaku mu nga amukeli tipswalo ta Nungungulu mahala, 1 Kor. 3:9; Xip. 5:20; Maheb. 12:15

Kuvululelwa 17:14

Ti talwa ni Yivana kanilezi ti ta hlulwa hi yona, hakuva a Yivana Mufumeli wa vafumeli ni Hosi ya tihosi; lava va nga zinwe nayo va ta hlula na vonawu, va Uga lava va vitanilweko, va hlawulilweko ni ku tsumbeka. Deut. 10:17; Jer. 50:44, 45; Xip. 19:19

Kuvululelwa 19:14

Ni mabutho ya le tilweni ma lo mu lanzela, na ma khilele mahaxi yo basa, na ma ambele a tinguwo to saseka ta wukene ti basileko tiku pa. Mat. 28:3; Xip. 14:20

1 Samueli 11:13

Kanilezi Saule i te ngalo: Cima ku nga tava kona wa ku dayiwe legi siku, hakuva inyamutlha Jehova i hanyisile Israeli.

1 Samueli 14:23

Zinghaho Jehova i lo ponisa va ka Israeli lego siku, a yimpi yi hunza yiya Bet-Avane.

1 Samueli 14:46

Saule i lo tlhela hi le ko hlongolisa vaFilistia, a vaFilistia maya matshanwini yabye.

1 Samueli 19:5

Hakuva yena i ti enghenisile mhangweni a hlasela vaFilistia, na Jehova i hlulele vaIsraeli ha hombe. Wena u zi wonile ha wece u kala u tsakiswa ha zona. Makunu u ta mahisa kuyini ku onha hi nkhata lowu wu nga hiko na nanzu, u daya Davida ahandle ka xigelo?