1 Samueli 12:5 - Tshwa Bible

⁵ Yena aku kabye: Jehova hi mboni ya ku mu vukela, zinwe ni a totilweko wa yena r mboni legi siku ya lezaku a mu kumangi nchumu lomu canjeni ga mina. Vona vaku ngalo: A zive tano.

1 Samueli 12:5 ပူးပေါင်းရင်းမြစ်များ

Genesisi 31:50

Loku wena u xanisa a vana va mina, ni loku wena u teka vanwani vasati lahandle ka vana va mina, hambu loku ku nga hi na munhu, languta Nungungulu i kustumunyu xikari ka mina na wena.

Joba 16:19

Languta, ni lezi a kustumunyu ya mina yi le tilweni; A muwulawuleli wa mina i le wutshanwini ga le hehla.

Joba 42:7

Anzhako kakuva Jehova a wulawulile na Joba, Jehova aku ka Elifaze a muTemane: A zanga ya mina yi vindlukisilwe yi vukela wena ni vanghana va wena va vambiri: hakuva a mu wulawulangi kusaseka ha mina khwatsi hi nanza ga mina Joba.

Tisimu 17:3

U hlolile a mbilu ya mina, u yi hlolisisa ni wusiku; U nzi hlolile, kanilezi a ku kumangi nanzu; A maalakanyo yo biha a ma humi nonwini wa mina.

Eksodusi 22:4

Loku a zilo lezi zi yibyilweko zi kumiwa mandleni yakwe na za ha hanya, hambu loku yi hi homu, kutani mbongola, kutani yivu, i ta riha hi ku wuyeta kambiri.

Johani 18:38

Pilatu aku ka yena: Xini zinene? Loku a wulile lezo, i lo huma kambe aya ka vaJuda, aku ngalo kabye: A nzi kumi nanzu ka yena. Mat. 27:24; Lu. 23:4; Xip. 19:4, 6

Mitiro 23:9

Ku lo vuka a woyonga ga hombe; a vatsali vanwani va ntlawa wa vaFarisi va yima va tiyisa hi ntamu vaku: A hi kumi kubiha ka munhu loyi; kutani a moya wu wulile kakwe, hambu a ngelosi. Xip. 5:39; 22:17, 18

Mitiro 24:16

Hilezo-ke na minawu nza pangama a kuva ni livalo li nga solekiko xikhati xontlhe mahlweni ka Nungungulu ni vanhu.

Mitiro 24:20

Hambu ni valava ngha va wula a nanzu lowu va wu kumileko ka mina laha nzi nga yimile mahlweni ka hubye, Xip. 23:6; 23:20

1 Va le Korinte 4:4

Hakuva a nzi ti woni na nzi hi ni nanzu wa nchumu; ahembalezoke a nzi hlayelwi loyi a lulamileko hi kota ya lezo: kanilezi loyi a nzi lamulako hi Hosi.

2 Va le Korinte 1:12

Hakuva a kutikulisa ka hina ni wukustumunyu ga livalo la hina, hi lezaku hi hanyile laha misaveni, nguvunguvu xikari ka nwina, hi wubaswa ni wunene ga Nungungulu, na ku nga hi wutlhari ga nyama, kanilezi hi tipswalo ta Nungungulu. 1 Kor. 2:4; Xip. 2:17

1 Samueli 12:4

Vona va te ngalo: A ku gangi nchumu xa hina, a ku hi tsimbeketangi ni kambe a ku tekangi nchumu hambu ka munhu munwe.

1 Samueli 26:9

Davida i te ngalo ka Abixai: U nga mu dayi, hakuva himani a ta nga tlakusa a canja gakwe hehla ka a totilweko wa Jehova a nga kumi nanzu ke?