1 Samueli 11:1 - Tshwa Bible

¹ Zonake Nahaxi, a muAmoni, i lo ta gova kusuhani ni Jebexe-Gileade, kasi a va hlasela; a vanhu vontlhe va le Jebexe-Gileade vaku ka Nahaxi: Maha xivumelwano na hina, hina hi ta ku khozela.

1 Samueli 11:1 ပူးပေါင်းရင်းမြစ်များ

Genesisi 26:28

Vona vaku ka yena: Ha wona ziku dlunya, lezaku Jehova i na wena; hi nge ngalo: A xive kona xifungo xikari ka hina, hina na wena, hi maha xivumelwano na wena,

2 Samueli 10:1

Anzhako ka lezo a hosi ya va ka Amoni yi lofa. Hanuna a nʼwana wa yona i lo fuma xikhundleni xakwe.

2 Samueli 10:2

Zonake Davida i te ngalo: Nzi ta mu mahela tipswalo Hanuna nʼwana Nahaxi, khwatsi hi lezi a raru wakwe a nga nzi mahele tipswalo. Davida i lo rumela a malanza yakwe ku ya mu chavelela hi kota ya kufa ka raru wakwe; a malanza ya Davida ma lo ya chikela tikweni ga vanana va ka Amoni.

2 Samueli 17:27

Makunu laha Davida a nga wa chikele le Mahanaime, Xobi nʼwana Nahaxi wa le Raba, wa vanana va ka Amoni, na Macira nʼwana wa Ammieli wa le Lodebara, na Barzillai a muGileade wa le Rogelima,

2 Samueli 2:5

Davida i lo rumela mitsumi ka vanhu va le Jebexe-Gileade, aku ka vona: Jehova a mu katekise, hakuva mu kombisile wuxinji ka hosi ya nwina Saule, hi lezi mu nga mu lahla.

1 Tihosi 20:34

Ben-Hadade i te ngalo kakwe: Nzi ta ku tlhelisela a miti leyi dadani wa mina a nga wa yi tekile ka dadani wa wena, u ta ti mahela maruwa lomu Damasku khwatsi hi dadani wa mina a nga ti mahela le Samaria. Ahabi i lo hlamula, aku: Nzi ta ku tsika u famba, loku hi maha xivumelwano. Zinghaho i lo maha a xivumelwano naye, a mu tsika a famba.

1 Kronekele 10:11

Laha a tiko gontlhe ga Jebexe-Gileade gi nga zwile zontlhe lezi a vaFilistia va mahileko ka Saule,

1 Kronekele 10:12

tontlhe tinhenha ti lo suka ti ya teka a xirumbi xa Saule ni zirumbi za vana vakwe va zi neha le Jebexe, va ketela marambu yabye lahasi ka nkanyi le Jebexe, va yila ntlhanu wa masiku ni mambiri.

Joba 41:4

Yi wa ta maha xivumelwano na wena, Lezaku yi ku tirela kala kupinzuka ke?

Eksodusi 23:32

U nga mahi xivumelwano navo, ge hambu ni vanungungulu vabye.

Isaya 36:16

Mu nga ingisi Hezekia, hakuva a hosi ya le Assiria yi ngalo: Mahani kurula xikari ka mina na nwina, mu ti nyikela ka mina; zonake a munwe ni munwani i taga a mihanzu ya xivina xakwe ni nkuwu wakwe, anwa a mati ya hlowo yakwe.

Jeremia 40:11

Hizalezo ni vaJuda vontlhe lava va nga le tikweni ga Moabi, ni xikari ka vana va Amoni, ni le Edome, ni lava va nga hi matikweni wontihe, laha va ngazwa lezaku a hosi ya le Babuloni yi siyile a misalela le Juda, ni lezaku yi yimisile Gedalia a nʼwana Ahikamu wa Xafani akuva mufumeli wabye,

Jeremia 40:14

Wa zi tiva lezaku Baalisi a hosi ya vana va ka Amoni i rumile Ixmaeli a nʼwana Netania a ku ta ku daya ke? Kanilezi Gedalia a nʼwana Ahikamu a nga va kholwangi.

Ezekieli 17:13

Yi lo teka nʼwana munwe wa yindlu ya hosi, yi maha naye a xivumelwano, yi mu fungisa, zonake a teka a vahombe va tiko, 2 Tih. 24:17; 2 Kro. 36:10

Deuteronome 23:3

Va ka Amoni ni vaMoabi va nga ta enghena tlhanganweni wa Jehova; hambu ka xizukulwana xabye xa wukhume cima va nga ta enghena mutlhanganweni wa Jehova. Neh. 13:1

Valamuli 10:7

A zanga ya Jehova yi lo vindlukela va ka Israeli, a va nyikela mandleni ya vaFilistia ni ya vanana va ka Amoni.

Valamuli 11:4

Makunu hi nzhako ka xikhatanyana, a vanana va kaAmoni va lo hlomisa yimpi a ku yalwa ni va ka Israeli.

Valamuli 21:8

Va te ngalo: Hi vahi va tixaka ta ka Israeli va nga kanzihangiko vata ka Jehova laha Mizpa ke? A va le Jabexi-Gileade a nga kona ni munwe wabye a nga wa kanzihile ata hlengeletanweni;

1 Samueli 12:12

Laha mu nga wa wonile Nahaxi a hosi ya va ka Amoni, na ata ku ta mu vukela, mu te ngalo ka mina: Za hava, kanilezi a hosi yi ta hi fumela, laha Jehova Nungungulu wa nwina a nga wa hi hosi ya nwina.

1 Samueli 14:47

Zinghaho laha Saule a nga wa enghenile kufumeni ka ku fumela Israeli, i lo hlasela vontlhe valala lava va nga wa mu ranzele va mu veka xikari, va nga vona vaMoabi, ni va ka Amoni, ni vaEdomi, ni tihosi ta le Zoba, ni vaFilistia; ni kwihi laha a nga waya, i wo ya hlula.