1 Samueli 1:10 - Tshwa Bible

¹⁰ A moya wa Hana wu wa karateka; i lo khongela ka Jehova, a tsikwila,

1 Samueli 1:10 ပူးပေါင်းရင်းမြစ်များ

Genesisi 30:1

Laha Rakeli a nga wona lezaku a nga mu belekelangi vanana Jakobe, i lo lusa ka makabye wakwe; aku ngalo ka Jakobe: Nzi nyikewo a vanana, nzi nga kala nzifa.

Genesisi 50:10

Vona va lo chikela minzhimbyeni ya ku hulela kona le Atade, lowu wu nga tlhatukweni wa Jordani, laho va lo rila hi hlomulo wa hombe ni mikosi ya hombe nguvu; Josefa i lo maha a nkosi wa ku rila raru wakwe ntlhanu wa masiku ni mambiri.

2 Samueli 13:36

I te a gumesa ku wulawula, a vana va hosi na Va su chikechike; va loba nkosi va rila. Yonawu hosi ni malanza ya yona wontihe va lo rila hi nkosi wa hombe nguvu.

2 Samueli 17:8

Huxai i lo engeta aku: Wena wa gi tiva wunhenha ga raru wa wena ni ga vanhu lava a nga navo; va leva ku fana ni urso gi lahlekelweko hi vanana va gona lomu khwatini; ni kambe a raru wa wena munhu wa yimpi, a nga tshami ni wusiku laha vanhwini,

2 Tihosi 20:3

Jehova, alakanya lezaku mina nzi fambile khwatsi mahlweni ka wena hi kululama, ni mbilu yi longamileko, nzi maha kusasa mahlweni ka wena. Hezekia i lo rila a tsikwila.

Joba 10:1

A muhefemulo wa mina wu karele hi kuhanya; Nzi ta nyika xikhati ka kutsanwa ka mina, Nzi ta wulawula hi kubayiseka ka muhefemulo wa mina.

Joba 7:11

Hikwalaho cima nzi nga ta vala nomu wa mina; Nzi ta wulawula hi hlomulo wa moya wa mina, Nzi ta keta hi kubayiseka ka muhefemulo wa mina.

Joba 9:18

A nga nzi nyiki ni xikhati xa ku hefemula, Hakuva wa nzi xurisa hi kubayiseka.

Tisimu 50:15

Nzi vitane zikhatini za makhombo; Nzi ta ku hlanguta, na wena u ta nzi dumisa. Mat. 7:7

Tisimu 91:15

I ta rila ka mina, nzi ta mu hlamula, Nzi tava naye a khombyeni; Nzi ta mu ponisa, nzi mu maha a dzunziwa.

Mavingu 14:10

A mbilu ya tiva kubayiseka ka yona; i munwani a nga ti enghenisi litsakweni la yona.

Isaya 38:15

Nzi ta ku yini? I nzi hlamule, i tirile yena! Nzi ta famba hi ku ti tsongahata malembe ya mina wontihe Hi kota ya kubayiseka ka moya wa mina.

Isaya 54:6

Hakuva Jehova wa ku vitana khwatsi u wasati a tsikilweko, Loye a karatekako moyeni; A sati a lowolweko kuranga a nga hlongolwa ke? Ku wula Nungungulu wa wena.

Jeremia 13:17

Kanilezi loku mu nga zi ingisi, Nzi ta rila zihundleni hi kota ya matshanza ya nwina, A mahlo ya mina ma ta rila nguvu, ma humesa mihloti, Hakuva a tlhambi wa Jehova wu yisiwa wukhumbini.

Jeremia 22:10

Mu nga rileli loyi a fileko, Mu ngabi nkosi hi kota ya yena; Kanilezi rilelani loyi a sukako, Hakuva a nga ta ha wuya, A ta wona a tiko legi a belekilweko ka gona.

Mikosi 3:15

I nzi xurisile hi zo bava, A nzi popisa hi manonwe.

Luka 22:44

Na hi kubayisekeni ka hombe, i lo kombela hi kutikisa; ni nyuko wakwe wu lo maha kota madona ya hombe ya nkhata wu donela misaveni. Joh. 12:27; Maheb. 5:7

Maheberu 5:7

A masikwini ya kuhanya kakwe nyameni, Jesu i lo khongela ni ku khongotela hi kurila ka hombe ni mihloti, ka loyi a nga zi kota ku mu hlanguta kufeni; yena i lo zwiwa hilezi a nga hi ni xichawo ka Nungungulu. Tis. 22:1; Mat. 26:37, 39; Mar. 14:33

Valamuli 21:2

A vanhu va loya Beteli va tshama mahlweni ka Nungungulu kala laha gambyeni, va rila, va tsikwila hi hlomulo wa hombe,

Rute 1:20

Yena i lo va hlamula, aku: Mu nga nzi vitani kambe ku Naomi, nzi vitaneni ku Mara; hakuva Nyamintamu i nzi tlulisile mihumbo ya hombe nguvu.

1 Samueli 1:11

a hlambanya, aku: Jehova wa tiyimpi, loku u wa cuwuka a hlomulo wa nanza ga wena, u nzi alakanya, u nga rivali a nanza ga wena, u nyika a nanza ga wena a nwanana wa mufana, minawu nzi wa ta mu nyikela ka Jehova wontihe masiku ya kuhanya kakwe, ni likari cima li nga ta henya a hloko yakwe. Mitse. 6:5; Vala. 13:5

1 Samueli 1:9

Laha va nga wa mbhetile kuga ni kunwa le Xilo, Hana i lo Suka. Mupristi Eli i wa tshamile xitshanwini xakwe, na khegele laha mhanzeni ya nyangwa ya tempeli ya Jehova.