1 Pedro 1:8 - Tshwa Bible

⁸ loyi mu mu ranzako hambu lezi mu nga mu wonangiko; loyi mu kholwako ha yena hambu lezi mu nga mu woniko makunu, mu tsaka nguvu hi kutsaka loku ku nga wulekiko, loku ka hombe; Joh. 20:29; 1 Joh. 4:20

1 Pedro 1:8 ပူးပေါင်းရင်းမြစ်များ

Xizimba xa ka Solomoni 1:7

Hi nga nzi byela, O wena xiranzwa xa mbilu ya mina, U risela kwihi, hi gihi a zumbo ga mitlhambi ya wena ni hlikanhi; Hakuva hikuyini nzi ta nga fanana ni wasati loyi a hambukako tlhelweni ga mitlhambi ya vanakuloni ke?

Xizimba xa ka Solomoni 5:16

A nomu wakwe wu hunzelele ku nanziha; Ina, i sasekile nguvunguvu. I maha lezo muranziwa wa mina, hi yena munghana wa mina, O nwina vanhwana va Jerusalema.

Xizimba xa ka Solomoni 5:9

Xini lexi a muranziwa wa wena a hunzako vanwani ha xona, O wena u sasekileko xikari ka vavasati? A munghana wa wena i hunza vanwani hi yini, Ko kala u hi leletela za kunghaho?

Mateu 10:37

Loyi a ranzako raru kutani nyine a ku hunza mina a nga nzi faneli; ni loyi a ranzako mufana wakwe kutani nhanyana wakwe a ku hunza mina a nga nzi faneli.

Johani 14:15

Loku mu nzi ranza, mu ta hlayisa milayo ya mina. 1 Joh. 5:3

Johani 14:21

Loyi a nga ni milayo ya mina, a yi hlayisa, hi yena loyi a nzi ranzako; ni loyi a nzi ranzako, i ta ranziwa hi Dadani; na mina nzi ta mu ranza, nzi ta ti wonekisa ka yena. Mavesi 15, 23; 1 Joh. 5:3

Johani 14:24

Loyi a nga nzi ranziko, a nga hlayisi timhaka ta mina; kasi a mhaka leyi mu yi zwako a hi ya mina, kanilezi nja Dadani loyi a nzi rumileko. Xip. 12:49

Johani 16:22

Na nwina mu na ni kuxaniseka makunu, kanilezi nzi ta mu wona kambe, zonake a timbilu ta nwina ti ta tsaka, a nga kona loyi a ta nga mu tekela a kutsaka ka nwina. Miti. 2:46; 1 Ped. 1:8

Johani 20:29

Jesu aku ngalo kakwe: U kholwa hilezi u nzi wonileko; va katekile lava va kholwako na va nga wonangi. 2 Kor. 5:7; 1 Ped. 1:8

Johani 8:42

Jesu aku ngalo kabye: Loku Nungungulu a wa hi Raru wa nwina, ngha na mu nzi ranza; hakuva nzi humele nzita hi le ka Nungungulu; hakuva a nzi ti telangi hi wutsumbu ganga, kanilezi yena i lo nzi ruma. Xip. 5:43; 16:27; 1 Joh. 5:1

Mitiro 16:34

Zonake i lo va yisa ndlwini yakwe, a ya va phamela zakuga, a tsaka nguvu zinwe ni vontlhe va yindlu yakwe, hilezi a nga kholilwe ka Nungungulu. 1 Sam. 2:1; Lu. 5:29; 19:6

Va le Roma 14:17

Hakuva a mufumo wa Nungungulu a hi kuga ni kunwa, kanilezi hi kululama ni kurula ni kutsaka hi Moya wa ku Basa. 1 Kor. 8:8

Va le Roma 15:13

Ngha na Nungungulu wa kutsumba a mu tatisa hi kutsaka kontlhe ni kurula a kukholweni, a ku kasi mu fela ku tala kutsumbeni, ni le ntanwini wa Moya wa ku Basa.

1 Va le Korinte 16:22

Loku a hi kona munhu loyi a nga ranziko Hosi, ave a rukatelweko. Maranatha! Gal. 1:8, 9; Juda 14-15

2 Va le Korinte 1:22

i vekile ka hina a xifungo xakwe, a zima seve timbilwini ta hina hi Moya. Efe. 1:13, 14; 2 Tim. 2:19; Kuv. 2:12

2 Va le Korinte 12:4

leyo i lozwa a magezu ma nga wulekiko, lawa ma nga faneliko ku ruliwa hi munhu. Lu. 23:43

2 Va le Korinte 4:18

hakuva a hi languteli a zilo zi woniwako, kanilezi a zilo zi nga woniwiko; hakuva a zilo zi woniwako za xikhati lexi ntsena, kanilezi a zilo zi nga woniwiko za kupinzukela.

2 Va le Korinte 5:7

hakuva hina hi famba hi kukholwa, a hi fambi hi kuwona. 1 Kor. 13:12

2 Va le Korinte 9:15

A ku bongiwe Nungungulu hi kota ya xinyikiwo xakwe lexi xi nga wulekiko. Jak. 1:17

Va le Galatia 5:22

Kanilezi a mihanzu ya Moya hi liranzo, ni kutsaka, ni kurula, ni kutimisela, a wunene, ni kusasa, ni kutsumbeka, Joh. 15:2; 1 Kor. 13:7; Jak. 3:17

Va le Galatia 5:6

Hakuva ka Kristu Jesu a wutshiva ni wukhuna a zi vuni nchumu, sine a kukholwa loku ku tirako hi liranzo. Kol. 3:11; 1 Tes. 1:3; Jak. 2:18

Va le Efesusi 3:19

ni ku tiva a liranzo la Kristu leli li hunzako kutiva kontlhe, lezaku mu tatiswa hi kutala kontlhe ka Nungungulu. Joh. 1:16; Kol. 2:9

Va le Efesusi 6:24

A tipswalo a tive na vona vontlhe va ranzako a Hosi ya hina Jesu Kristu hi liranzo li nga onhekiko.

Va le Filipi 1:25

Na nzi nga hi na kukanakana mhakeni leyi, nza zi tiva lezaku nzi ta simama, nzi tshama na nwina nwentlhe, kasi maya mahlweni muva ni kutsaka kukholweni;

Va le Filipi 3:3

Hakuva hina hi zitshiva, hina lava hi khozelako hi Moya wa Nungungulu, hi ti kulisako ha Kristu Jesu, na hi nga hi na kutsumba nyameni. Deut. 10:16; 30:6; Jer. 4:4; Joh. 4:23; Rom. 2:29; 4:11; Kol. 2:11

Va le Filipi 4:4

Tsakani Hosini xikhati xontlhe; nzi engeta kambe nziku, Tsakani!

Maheberu 11:1

Makunu a kukholwa hi kona ku tiyisako hi zilo lezi zi languteliwako, a xikholwiso xa zilo zi nga woniwiko. Rom. 8:24

Maheberu 11:27

Hi kukholwa i lo suka le Gipite, na a nga chavi a zanga ya hosi; hakuva i lo timisela aku khwatsi hi loku a mu wona loyi a nga woniwiko. Ekso. 10:28

1 Pedro 1:6

Ngha mu tsaka ha kona, hambu lezi makunu loku zi laveka mu xaniswa xikhatanyana hi minzhingo yinyingi,

1 Pedro 2:7

Hikwalaho ga dzunzeka ka nwina lava mu kholwako, kanilezi ka vona lava va nga kholwiko, A ribye legi gi nga aliwa hi vaaki, Gi mahile a: hloko ya magumo. Tis. 118:22; Mat. 21:42; Miti. 4:11

1 Pedro 5:4

Kasi laha a Murisi wa hombe a ta nga wonekeliswa, mu ta kuma a xidlodlo xa kungangamela lexi xi nga guhaliko. 2 Tim. 4:8; Maheb. 13:20; Jak. 1:12