1 Pedro 1:12 - Tshwa Bible

¹² Ku lo wonekeliswa ka vona lezaku a va ti tirelangi wutsumbu gabye, kanilezi va tirela nwina a timhakeni leti ti tlhatlhambutelweko ka nwina makunu hi lava va nga kanela ivangeli ka nwina hi Moya wa ku Basa, wu nga rumelwa hi le tilweni; hambu ni tona tingelosi ti xuva ku hlomela timhakeni leti. Dan. 8:13; 9:24

1 Pedro 1:12 ပူးပေါင်းရင်းမြစ်များ

Eksodusi 25:20

A makerubima ma ta tshambuluta a tipapa ta wona le hehla, ma fenengeta a xitshamu xa wuxinji hi tipapa ta wona na ti xungetene, a tinghohe ta makerubima na ti cuwuka a xitshamu xa wuxinji. Maheb. 9:5

Mavingu 1:23

Hunzulukani hi kukawuka ka mina, angutani, nzi ta chulula a moya wa mina hehla ka nwina, zi ta mu maha mu tiva timhaka ta mina.

Isaya 32:15

Kala loku a moya wu chululwe ka hina hi le hehla, Ni xiwula xi maha simu ga pfuno, Ni simu ga pfuno gi hunzuka gi maha xigwangwa. Ezek. 39:29; Joeli 2:28

Isaya 53:1

Himani a kholilweko lezi hi nga byeliwa zona ke? A woko ga Jehova gi wonekelisilwe ka mani ke? Joh. 12:38; Rom. 10:16

Danieli 10:1

Hi lembe ga wunharu ga kufuma ka Kurusi a hosi ya le Persia, a mhaka yi lo kombisiwa ka Danieli loyi a vito gakwe a nga hi Beltexazzare; a mhaka leyi yi tiyile, yi komba a khombo ga hombe. I lo xiyisisa a mhaka leyo, a pima khwatsi a muwoniso wa kona.

Danieli 12:13

Kanilezi ti fambele u ya rinzela xikhati xa magumo, hakuva U ta humula, zonake u ta vuka u amukela a xiavelo xa wena a kumbheleni ka masiku.

Danieli 12:9

Yena aku: Famba Danieli, hakuva a timhaka leti ti hlayisilwe, ti lemiwa kala xikhatini xa kugumesa.

Danieli 2:19

Zonake a fihlakalo wu lo wonekeliswa ka Danieli hi muwoniso wa wusiku. Danieli-ke a khesa Nungungulu wa le tilweni,

Danieli 2:22

Wa dlunyatisa lezi zi etileko ni mifihlakalo; wa tiva leʼzi nga munyameni, ni kuwonekela ku zinwe naye. 1 Kor. 2:10

Danieli 2:47

A hosi yiku ka Danieli: Hakunene, a Nungungulu wa nwina i Nungungulu wa vanungungulu ni Hosi ya tihosi; mutsetsuli wa mifihlakalo, kota lezi u zi kotileko ku tlhamusela a fihlakalo lowu.

Danieli 8:13

Zonake nzi lozwa a ngelosi na yi wulawula, ni yinwani ngelosi yi lo wutisa leyi yi nga kari yi wulawula, yiku: Zi ta simama masiku mangani lezi hi zi wonako muwonisweni hi tlhelo ga munyikelo wa kuhiswa wa simasima ni xihambunyeto lexi xi hahlulako, ni lezaku a wutshamu ga kubasa ni butho zi nyikelwa ku kanzihelelwa hi mikonzo?

Danieli 9:24

Ku yimisilwe 70 wa maviki hehla ka tiko ga wena ni muti wa wena wu basileko, kasi ku mbhetisa a zihambunyeto ni zionho, ni ku basisa a zigoho, ni ku neha a kululama ku nga gumelwiko, ni ku tiyisa Muwoniso ni xiprofeto, ni ku nyikelisisa a wutshamu gi hunzeleleko kubasa.

Joeli 2:28

Anzhako ka lezo nzi ta chulula a Moya wa mina hehla ka nyama yontlhe; a varisanyana va nwina ni vanhanyana va nwina va ta profeta, a zikhosana za nwina zi ta lora miloro, ni majaha ya nwina ma wona ziwoniso, Isa. 44:3; Miti. 2:17; Gal. 4:6

Amosi 3:7

Futsi Hosi Jehova a nga zi koti ku maha nchumu na a nga se ku tivisa a malanza yakwe, va nga vaprofeti.

Zakaria 12:10

Nzi ta chulula a moya wa wunene ni wa mikhongelo hehla ka yindlu ya ka Davida ni hehla ka vaaki va Jerusalema; zonake va ta cuwuka ka mina loyi va nzi tlhavileko. Va ta mu rilela kukotisa loku va rilela a nʼwana wabye wa munwe, va ta mu karatekela, khwatsi hi loku va karatekela a matewula yabye. Joh. 19:37; Kuv. 1:7

Mateu 11:25

Hi lexo xikhati Jesu i lo wulawula, aku: Nza ku khesa Dada, Hosi ya tilo ni misava, hi lezi u nga fihlela a titlhari ni vapimako a timhaka leti, kanilezi u zi wonekelisa ka lava va tsongwani. Lu. 10:21; 1 Kor. 1:19; 2 Kor. 3:14

Mateu 11:27

Zilo zontlhe zi nyikilwe ka mina hi Dadani; a ku na munhu loyi a tivako Nʼwana, sine Dadani yece; hambu ni wa ku tiva Dadani, sine Nʼwana yece, ni wihi loyi a Nʼwana a ranzako ku mu wonekelisa ka yena. Lu. 10:22; Joh. 3:35; 1 Kor. 15:27

Mateu 16:17

Jesu i lo hlamula aku ngalo ka yena: U katekile wena Simoni nʼwana Jona; hakuva a hi nyama ni nkhata zi nga ku vululela lezi, kanilezi hi Dadani wa mina wa le tilweni. 1 Kor. 2:10; Efe. 2:8; Gal. 1:16

Marku 16:15

Aku ngalo kabye: Fambani misaveni yontlhe, mu ya kanela ivangeli ka vanhu vontlhe. Mat. 28:19; Joh. 15:16; Kol. 1:23

Luka 15:10

Nziku ka nwina: Zinghaho ku kona kutsaka mahlweni ka tingelosi ta Nungungulu, hi kota ya muonhi munwe loyi a hunzulukako,

Luka 2:26

I wa wonisilwe hi Moya wa ku Basa, lezaku a nga tafa na a nga se nga wona Kristu wa Hosi. Tis. 89:48; Maheb. 11:5

Luka 9:6

Va lo suka, va ya tsemakanya mitini, na va kanela ivangeli, ni ku hanyisa vababyi wutshanwini gontlhe, Herodi a kanganyiseka.

Johani 15:26

Kanilezi loku Muyimeli ata, loyi nzi ta nga mu rumela hi ka Dadani, a nga Moya wa zinene, lowu wu humako hi ka Dadani, i ta maha wukustumunyu ha mina. Lu. 24:49; Xip. 14:17, 26; 1 Joh. 5:6

Mitiro 10:44

Laha Pedro na a ha wulawula timhaka leti, a Moya wa ku Basa wu lo relela hehla ka vontlhe lava va ngazwa a kuwulawula kakwe.

Mitiro 16:10

Laha a nga wonile a muwoniso, khalekhale hi lo hlota ndlela ya kuya le Makedonia, na hi pimile lezaku Nungungulu i hi vitanile ku ya kanela ivangeli kabye. Tis. 119:60; 2 Kor. 2:13

Mitiro 2:33

Na a tlakusilwe hi canja ga xinene ga Nungungulu, na a amukele ka Dadani a Moya wa ku Basa lowu wu tsumbisilweko, i chelile hehla ka hina lezi mu zi wonako ni lezi mu zi zwako. Fil. 2:9; Maheb. 10:12; Joh. 14:26; 15:26; Xip. 1:4; 10:45

Mitiro 4:31

Laha na va khongele, a wutshamu legi va nga tlhangene ka gona gi lo tsekatsekiswa, vona vontlhe va tatiswa hi Moya wa ku Basa, va kanela a mhaka ya Nungungulu hi kutiya. Xip. 2:2, 4; 16:26

Mitiro 4:8

Zonake Pedro, na a tele hi Moya wa ku Basa, aku ngalo kabye: Nwina vafumeli va vanhu, na nwina masingalakati, Lu. 12:11

Mitiro 8:25

Hikwalaho laha a vapostoli na va kustumunyile, va kanela a mhaka ya Hosi, va lo tlhelela Jerusalema na va kanela ivangeli mitini yinyingi ya vaSamaria.

Va le Roma 1:15

Hikwalaho mina nzi longile a ku kanela ivangeli ni ka nwina mu nga le Roma.

Va le Roma 1:17

Hakuva a kululama ka Nungungulu ku wonekelisilwe ka yona, ku huma kukholweni ku yisa kukholweni; khwatsi hi lezi ku tsalilweko ku ngalo: Loyi a lulamileko i ta hanya, hi kukholwa. Xip. 3:21; Hab. 2:4; Joh. 3:36; Gal. 3:11

Va le Roma 10:15

Kambe, vanhu va ta kanelisa kuyini loku va nga rumiwangi ke? Khwatsi hi lezi ku tsalilweko ku ngalo: Yi sasekisa kuyini a mikonzo ya vona lava va nehako a mahungu yo saseka! Isa. 52:7

Va le Roma 15:19

zi mahiwa hi ntamu wa ziwoniso ni masingita, a ntanwini wa Moya wa ku Basa. Nzi kanele ivangeli ya Kristu kusukela Jerusalema ni matlhelweni ya kona nzi kala nzi chikela Ilurikumi. Miti. 19:11

1 Va le Korinte 2:10

Hakuva Nungungulu i zi wonekelisile ka hina hi Moya wakwe; hakuva a Moya wu kamba zilo zontlhe, ina ni zilo zi etileko za Nungungulu. Mat. 16:17; 1 Joh. 2:27

2 Va le Korinte 1:22

i vekile ka hina a xifungo xakwe, a zima seve timbilwini ta hina hi Moya. Efe. 1:13, 14; 2 Tim. 2:19; Kuv. 2:12

2 Va le Korinte 6:6

ni le kubaseni, ni le kutiveni, hi lihlaza-mbilu, hi wunene, ni ka Moya wa ku Basa, ni liranzo li nga ti mahisiko,

Va le Galatia 1:12

Hakuva a nzi yi nyikwangi hi munhu, hambu ku yi gonziswa hi munhu, kanilezi nzi lo yi kuma hi kuvululelwa hi Jesu Kristu. Efe. 3:3

Va le Galatia 1:16

laha a nga ranza ku wonekelisa a Nʼwana wakwe ka mina, lezaku nzi fela ku mu kanela xikari ka vamatiko, a nzi lombangi wusungukati ka nyama ni nkhata; Mat. 16:17; 2 Kor. 4:6

Va le Efesusi 3:10

Nungungulu i wa xuva lezaku a wutlhari gakwe ga ginyingi gi fela ku tiviswa hi bandla ka mintamu ni tihosi ta le tilweni, 1 Kor. 2:7; 1 Ped. 1:12; 3:22

1 Va le Tesalonika 2:9

Vamakabye, nwina ma alakanya a ntiro wa hina ni kukarateka ka hina; lezi hi nga tira wusiku ni mumu, kasi hi nga binzisi ni munwe wa nwina, laha hi nga kanela ivangeli ya Nungungulu ka nwina. 2 Kor. 11:9

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

Maheberu 11:13

Vontlhe lava va lofa kukholweni, na va nga se ku amukela lezi zi tsumbisilweko, kanilezi va wa zi wonile, va zi tsakela na zi hi kule, va ti wula lezaku vapfhumba ni vaenzi laha misaveni. Gen. 23:4; 47:9; Joh. 8:56

Maheberu 2:4

Nungungulu kambe i lo maha wukustumunyu zinwe navo hi ziwoniso ni zirewukiso ni mitiro yinyingi ya ntamu, a avela a zinyikiwo za Moya wa ku Basa kota kuranza kakwe yena nwinyi. Mar. 16:20; Miti. 2:22; Rom. 15:18-19

Maheberu 4:2

Hakuva na hinawu hi kanelelwe a ivangeli, khwatsi hi vona; kanilezi vona, a mhaka leyi va nga yizwa a yi va vunangi nchumu, hakuva lava va nga yizwa a va yi amukelangi hi kukholwa.

1 Pedro 1:25

Kanilezi a mhaka ya Hosi yi simamisa kala kupinzuka. Legi hi gezu ga mahungu yo saseka lawa ma nga kanelwa ka nwina.

1 Pedro 4:6

Hakuva hi kota ya lezo a ivangeli yi lo kanelwa ni ka vafileko, lezaku kasi va fela ku lamuliwa nyameni hi ximunhu, kanilezi va hanya nyameni kota lezi a hanyako Nungungulu.

Kuvululelwa 5:11

Zonake nzi lo cuwuka, nzizwa a magezu ya tingelosi to tala, na ti ranzele a xitshamu xa wuhosi ni ximahwa zi hanyako ni manghanakana; a tsengo wa tona wu wa hi mazanazana ya mazana, ni mazana ya mazana ya tsanza-vahlayi; Tis. 68:17; Maheb. 12:22