Davida ni tinduna ta yimpi va lo avanyisa a ntiro wa vana va ka Asafa, ni va ka Hemani, ni va ka Jedutuni, lava va nga wa yimbelela hi zitende, ni timbila, ni tingoma hi moya wa ku profeta. A tsengo wa lava va yimisilweko ntirweni lowo hi lowu:
A va ka Jedutuni, a vana vakwe: Gedalia, na Zeri, na Jexaia, na Haxabia, na Mattitia, ntlhanu ni munwe lava va nga wa rangelwa hi raru wabye Jedutuni loyi a nga wa profeta hi xitende, a kii bonga ni ku dumisa Jehova.
Vontlhe lava va wa rangelwa hi raru wabye a ku yimbelela lomu ndlwini ya Jehova; va wa hi ni tingoma, ni timbila, ni zitende za ntiro wa kukhozela lomu ndlwini ya Nungungulu. Asafa, na Jedutuni, na Hemani, va wa leletelwa hi hosi.
A vayimbeleli, a vana va Asafa, va wa hi wutshanwini gabye, khwatsi hi kuleletela ka Davida, na Asafa, na Hemani, na Jedutuni a muwoni wa hosi, ni vahlayisi va tinyangwa va wa hi lomu tinyangweni tontlhe; a va sukangi mitirweni yabye, hakuva a vanakulobye, a vaLevi, va va longisele Pasika.
Na Matania nʼwana Mika, nʼwana Zabdi, nʼwana Asafa, loyi a nga wa hi murangeli mikombelweni ya ku nyika kubonga, na Bakbukia a nga hi wa wumbiri xikari ka vanakulobye; na Abda, nʼwana Xamua, nʼwana Galala, nʼwana Jedutuni.