1 Kronekele 22:7 - Tshwa Bible

⁷ Davida i te ngalo ka nʼwana wakwe: Nzi wa xuvile ku aka a yindlu yi lumbako vito ga Jehova Nungungulu wa mina. 2 Sam. 7:2

1 Kronekele 22:7 ပူးပေါင်းရင်းမြစ်များ

2 Samueli 7:1

Laha a hosi yi nga wa tshamile lomu ndlwini ya yona, Jehova na mu nyikile xikhati xo humula xikari ka valala vakwe lava va nga wa mu ranzele,

1 Tihosi 8:29

A mahlo ya wena a ma cuwuke ka yindlu leyi wusiku ni hlikanhi, ni wutshamu legi u nga gi wula, uku; A vito ga mina gi tava kona, kasi ku ingisa a mukhongelo lowu a nanza ga wena gi wu khongelako wutshanwini legi. Ekso. 20:24; Deut. 12:11

1 Tihosi 9:3

Jehova i te ngalo kakwe: Nzi zwile a mukhongelo wa wena ni kukombela loku u ku kombelileko mahlweni ka mina. Mina nzi basisile a yindlu leyi u yi akileko, a kuva yi lumba a vito ga mina kala kupinzuka; a mahlo ya mina ni mbilu ya mina zi tava kona kala kupinzuka. Deut. 12:11; Tis. 132:14

1 Kronekele 22:19

Makunu lavani Jehova Nungungulu wa nwina hi timbilu ta nwina tontlhe, ni mihefemulo ya nwina yontlhe; mu suka mu aka a yindlu ya ku basa ya Jehova Nungungulu, mu neha a arke ga xivumelwano xa Jehova, ni zibya za ku basa za N ungungulu lomu ndlwini leyi mu ta nga yi akela vito ga Jehova.

1 Kronekele 29:3

Tlhatakumbiri, hi kuranza ka mina a yindlu ya Nungungulu wa mina, lezi nzi nga nazo za nzalama ni siliva, lezi zi lumbako mina, nza zi nyikela a kuva ziva za yindlu ya Nungungulu wa mina, ahandle ka lezi nzi zi longiseleko a yindlu ya ku basa.

2 Kronekele 2:4

Languta, mina nzi lava ku aka a yindlu yi lumbako a vito ga Jehova Nungungulu wa mina nzi yi nyikela kakwe, nzi hisela lomo libani mahlweni kakwe, ni ku veka zibaba wontihe masiku mahlweni kakwe za zikombiso, ni ku mu phahlela hi munyikelo wa kuhiswa wa mixo ni gambo, ni wa masabado, ni wa kuhumeni ka hweti, ni wa mibuzo ya Jehova Nungungulu wa hina. Leyo hi yona a fanelo ya va ka Israeli kala kupinzuka. Levi 24:5; Mitse. 28:3

Ezra 6:12

Ni Nungungulu loyi a vekileko a vito gakwe laho, a wise hasi tontlhe tihosi ni vanhu vontlhe lava va tlakusako a canja kasi ku hunzula a timhaka leti, va gohetele a yindlu leyo ya Nungungulu yi nga le Jerusalema. Mina Dariusi nzi leletele, mahani zalezo!

Tisimu 132:5

Kala nzi mu kumele wutshamu Jehova, A yindlu ya Nyamintamu wa Jakobe. 2 Sam. 7:2; 1 Kro. 17:1; Miti. 7:46

Deuteronome 12:11

a ka wutshamu lego Jehova Nungungulu wa nwina a ta nga hlawula ku aka kona a vito gakwe, hi laho mu ta nga yisa kona zontlhe lezi nzi mu leletelako zona, a miphahlo ya nwina ya kuhiswa, ni miphahlelo ya nwina, ni za wukhume za nwina, ni minyikelo ya nwina ya ku nziwitela, ni minyikelo ya nwina ya lezi zo saseka leyi mu ta nga nyikela ka Jehova a ku tatisa zifungo za nwina ka Jehova.

Deuteronome 12:21

Loku a wutshamu lego Jehova Nungungulu wa wena a ta nga gi hlawula ku veka a vito gakwe laho, na gi hi kule na wena, u ta zi kota ku tlhava tihomu ta wena ni timbuti ta wena leti Jehova a ku nyikileko tona, khwatsi hi lezi nzi ku leleteleko, mu taga lomu mingangweni ya nwina kota kuranza ka nwina.

Deuteronome 12:5

Kanilezi a wutshamu lego Jehova Nungungulu wa nwina a ta nga gi hlawula xikari ka tontlhe tinyangwa ta nwina a ku veka a vito gakwe laho, hi kwalaho ku ta ngava wutshamu ga yindlu yakwe; na nwina mu ta mu lavisisa laho, mu khiringela kuya kona. 1 Tih. 8:29; 2 Kro. 7:12, 16