1 Kronekele 18:3 - Tshwa Bible

³ I lo hlasela Hadarezera a hosi ya le Zoba, kusuhani ni le Hamate, kota lezi a nga wa yile ku ya tiyisa a mufumo wakwe le Congweni wa Eufrate.

1 Kronekele 18:3 ပူးပေါင်းရင်းမြစ်များ

Genesisi 15:18

Lego siku Jehova i lo maha xivumelwano na Abrama, aku: Nzi nyikile ka pswalo wa wena legi tiko, kusukela congweni wa le Gipite kala gi chikela a congweni wa hombe, wona congo wa Eufrate:

2 Samueli 10:6

Kanilezi a vanana va ka Amoni va lo wona lezaku va vangile livengo ka Davida; zonake va lo rumisa a kuva ku rambiwa 20,000 wa maSiria ya le Bete-Rehoba, ni maSiria ya le Zoba; a hosi ya le Maaka leyi yi nga wa hi ni 1,000 wa vavanuna, ni vanana va Toba va wa hi 12,000 wa vavanuna.

2 Samueli 8:3

Davida i lo hlasela Hadadezera nʼwana Rehoba, a hosi ya le Zoba, na a haya ku ya tiyisa mufumo wakwe le Congweni wa Eufrate.

1 Kronekele 18:2

I lo hlasela ni maMoabi ma maha malanze yakwe, ma luva kakwe. Mitse. 24:17

1 Kronekele 18:4

Davida i lo mu wutlela 1,000 wa tikareta ni 7,000 wa vakhileli va mahaxi, ni 20,000 wa lava va fambako hi milenge, a phewulela misiha ya milenge ya mahaxi ya tontlhe tikareta, a ti siyela a 100 wa tikareta.

2 Kronekele 8:3

Solomoni i lo ya hlasela le Hamate-Zoba, a va khozisa.

Ezra 4:20

Ni kambe Jerusalema i muti wu nga fumelwa hi tihosi ta tinhenha ti nga wa fumela matiko wontihe ya le tlhatuko wa congo, ti khupelwa, ni ku lubyiwa, ti humeselwa hlengo. 1 Tih. 4:21

Tisimu 60:1

Nungungulu, u hi hoxile, u hi hangalasile; U tsanwile, hi vuxe luswa.

Tisimu 60:2

U tsekatsekisile misava, yi khayeka; Holisa a tifa ta yona, hakuva ya dzudzumela.

Eksodusi 23:31

Nzi ta panza a mbhingano wa wena kusukela Bimbini go Pswhuka kala bimbini ga maFilistia, ni kusukela xiwuleni kala ku chikela congweni; hakuva nzi ta mu hlulela a vaaki va tiko lego; mu ta va hlongola mahlweni ka nwina. Gen. 15:18; 1 Tih. 4:21

1 Samueli 14:47

Zinghaho laha Saule a nga wa enghenile kufumeni ka ku fumela Israeli, i lo hlasela vontlhe valala lava va nga wa mu ranzele va mu veka xikari, va nga vona vaMoabi, ni va ka Amoni, ni vaEdomi, ni tihosi ta le Zoba, ni vaFilistia; ni kwihi laha a nga waya, i wo ya hlula.