1 Kronekele 17:9 - Tshwa Bible

⁹ Nzi ta nyika wutshamu ka vanhu va mina, a va ka Israeli, nzi va tikareta lomo, va ti akela; cima va nga ta ha hangalaswa hi vanhu vo biha, ge hambu ku hlokiswa kota kale,

1 Kronekele 17:9 ပူးပေါင်းရင်းမြစ်များ

1 Kronekele 17:10

a xikhatini lexo nzi nga wa yimisile a valamuli hehla ka vanhu va mina, a va ka Israeli, Nzi khozisile vontlhe valala va wena; makunu nzi ku tivisa lezaku Jehova i ta ku akela a yindlu,

1 Kronekele 17:8

Mina nzi wa hi zinwe na wena kontlhe lomu u nga wa fambafamba kona, nzi susile vontlhe valala va wena mahlweni ka wena. Nzi ta maha a vito ga wena gi duma ku fana ni mavito ya vanhu va hombe va nga misaveni.

Tisimu 44:2

U lo hlongola a vamatiko hi canja ga wena, Kanilezi vona u va zimekile; U lo mbhetisa matiko manwani, kasi vona va fela ku enzeleka. Ekso. 15:17

Tisimu 89:22

A nala a nga ta mu mahela xijumani, Ni nʼwana wa kubiha a nga ta mu xanisa.

Tisimu 92:13

Lava va byalilweko ndlwini ya Jehova, Va ta anza lomu hubyeni ya Nungungulu wa hina.

Eksodusi 2:23

Makunu anzhako ka malembe yo tala, a hosi ya le Gipite yi lofa. A vanana va ka Israeli va wa hi hlomulweni hi kota ya wukhumbi gabye. Va lo rila hi kota ya wukhumbi; a kurila kabye ku lo tlakukela ka Nungungulu. Mitse. 20:16

Isaya 49:17

A varisanyana va wena vata hi ku tsutsuma, A valovisi ni vahahluli va wena na va kari va suka ka wena.

Isaya 60:18

A tihanyi ti nga ta ha zwiwa lo mu tikweni ga wena, A kuhahlulwa ni kulobyiswa zi nga tava kona tikweni ga wena, Kanilezi u ta vitana a tigingisi ta wena lezaku Kuhanyiswa, Ni tinyangwa ta wena lezaku Kudumisa.

Isaya 61:3

Ni ku nyika ka vontlhe laʼva rilako le Zioni Lezaku va ambexwa zidlodlo a wutshanwini ga khuma, A mafura ya kutsaka wutshanwini ga kurila, Ni nguwo ya kudumisa wutshanwini ga moya wa gome; Kasi va ta vitanwa lezaku Tisinya ta kululama, Leti ti byalilweko hi Jehova, kasi a fela ku dumiswa.

Jeremia 24:6

Nzi ta va langutela hi ku xalala, nzi ta tlhela nzi va wuyisa ka legi tiko. Nzi ta va akisa, nzi nga va wisi hasi; nzi ta va byala, nzi nga va tsuwuli.

Jeremia 32:41

Nzi ta tangaliswa ha vona, nzi va katekisa; futsi nzi ta va zimeka tikweni legi hi mbilu ya mina yontlhe ni muhefemulo wa mina wontihe. Deut. 30:9

Ezekieli 28:4

Hi wutlhari ga wena ni kupima ka wena u ti kumele kufuma, u ti vekela a nzalama ni siliva mabakweni ya wena.

Ezekieli 34:13

Nzi ta ti humesa xikari ka vanhu, nzi ti tsombanyisa hi le matikweni, nzi ti yisa tikweni ga tona wutsumbu. Nzi ta ti risa lomu zitsungeni za ka Israeli kusuhani ni micongo, a matshanwini wontihe ma akilweko ya tiko.

Ezekieli 37:25

Va ta aka tikweni legi nzi gi nyikileko Jakobe a nanza ga mina, lomu ku nga wa akile a vakoko va nwina. Va ta aka lomo, vona ni vana vabye, ni vazukulu vabye kala kupinzuka. Davida a nanza ga mina i tava hosi yabye kala kupinzuka.

Amosi 9:15

Nzi ta va byala tikweni gabye, cima va nga ta ha tsuwulwa kambe a tikweni legi nzi va nyikileko gona, ku wula Jehova a Nungungulu wa wena.

Va le Efesusi 5:6

Ngha mu nga dzuki mu kanganyiswa hi timhaka ta hava; hakuva hi kota ya zionho zo maha lezo gata a khulo ga Nungungulu hehla ka lava va nga ingisiko. Jer. 29:8; Mat. 24:4

Kuvululelwa 21:4

I ta kulula mihloti yontlhe mahlweni yabye. Ku nga ha ta va kona kufa, hambu ni hlomulo, kutani kurila ni kubayisa; hakuva a zilo zo sangula zi hunzile. Isa. 25:8; 35:10; 1 Kor. 15:26