1 Kronekele 15:3 - Tshwa Bible

³ Davida i lo tsombanyisa vontlhe va ka Israeli le Jerusalema a ku yisa a arke ga Jehova wutshanwini lego a nga wa gi longisele.

1 Kronekele 15:3 ပူးပေါင်းရင်းမြစ်များ

2 Samueli 6:12

Makunu va lo byela hosi Davida, vaku: Jehova i katekisile a yindlu ya Obedi-Edome ni zontlhe zilo zakwe hi kota ya arke ga Nungungulu. Zonake Davida i lo ya teka a arke ga Nungungulu lomu ndlwini ya Obedi-Edomi a gi heleketa mutini wa Davida hi litsako.

2 Samueli 6:17

Va lo enghenisa arke ga Jehova lomu ka tenda legi Davida a nga wa gwimbela gona. Zonake Davida i lo nyikela munyikelo wa kuhiswa ni miphahlelo ya kurula mahlweni ka Jehova.

1 Tihosi 8:1

Zonake Solomoni i lo tsombanyisa a masingalakati ya va ka Israeli, ni tihosana tontlhe ta tixaka ni tihloko ta tiyindlu ta vanana va ka Israeli, a kuva vata ka hosi Solomoni le Jerusalema a kuta heleketa a arke ga xivumelwano xa Jehova, gi huma le mutini wa Davida, lowu wu nga Zioni. 2 Sam. 5:9

1 Kronekele 13:2

aku ka tlhangano wontihe wa va ka Israeli: Loku zi sasekile ka nwina, ni loku zita hi ka Jehova Nungungulu wa hina, a hi rumeleni vanhu matlhelo wontihe ka vanakulori lava va seleko lomu matikweni wontihe ya ka Israeli, ni ka vapristi, ni va ka Levi, lomu mitini yabye ni zimitaneni zabye, lezaku kasi va fela ku ta tlhangana zinwe na hina;

1 Kronekele 13:5

Zinghaho Davida i lo tsombanyisa vontlhe va ka Israeli, kusukela Congweni wa Xihore wa le Gipite kala nyangweni ya Hamate a kuva va ta neha a arke ga Nungungulu le Kiriat-Jearimu.

1 Kronekele 15:1

I lo ti akela a tiyindlu le mutini wa Davida, a longisa a wutshamu ga arke ga Nungungulu, a gi gwimbela a tenda.

1 Kronekele 15:12

aku kabye: Hi nwina madota ya tiyindlu ta ka Levi. Ti basiseni zinwe ni vanakuloni, kasi ma fela ku ya rwala a arke ga Jehova Nungungulu wa ka Israeli, mu ta gi veka lomu wutshanwini legi nzi gi longiseleleko gona.

1 Kronekele 16:1

Makunu laha va nga wa nehile a arke ga Nungungulu, va lo gi veka lomu ka tenda legi Davida a nga wa gi akele; zonake va lo nyikela miphahlo ya kuhiswa, ni ya kubonga mahlweni ka Nungungulu.

2 Kronekele 1:2

Solomoni i lo wulawula ni vontlhe va ka Israeli, zinwe ni tinduna ta 1,000, ni ta 100, ni Valamuli, ni tihosana ta tiyindlu ta vararu vabye.

2 Kronekele 1:4

Kanilezi Davida i wa tekile a arke ga Nungungulu le Kiriat-Jearimu, a gi neha wutshanwini legi a nga wa gi longisele, hakuva i wa gwimbile a tenda ga kona le Jerusalema.

2 Kronekele 5:2

Zonake Solomoni i lo tsombanyisa a masingalakati ya ka Israeli, ni tihosana tontlhe ta tiyindlu ta va ka Israeli le Jerusalema, a kuva va ya teka a arke ga xivumelwano xa Jehova le mutini wa Davida le Zioni, va gi neha.

Eksodusi 40:20

Zonake i lo enghenisa a Wumboni lomu ka nghaxa, a enghenisa a, mipingo laha ka nghaxa; zonake i lo veka a xitshamu xa wuxinji le hehla ka yona.

Levi 9:5

Zinghaho va lo neha mahlweni ka tabemakeli ga mutlhangano lezi zi leletelweko hi Mosi; zonake a ntlhangano wontihe wu lo tshinela, wu ta yima mahlweni ka Jehova.